Արգենտինահայ գրողը այցելել է Բրյուսովի համալսարան և շփվել իսպանախոս ուսանողների հետ (տեսանյութ, լուսանկարներ)

Փոքրիկ Արգենտինա՝ Երևանի սրտում: Բրյուսովի անվան պետական լեզվահասարակագիտական համալսարանի 413-րդ լսարանը Մագդա Թախտաճյանի համար իսկական Լատինական Ամերիկա է. հենց այստեղ են միախառնվել հայկական ու արգենտինական մշակույթները. «Առաջին անգամ եմ Բրյուսովի համալսարանում, հրաշալի տպավորություններ ունեմ: Շատ ոգևորվեցի, երբ ներս մտնելիս պատերին կարդացի Կորտասարի ու Բորխեսի խոսքերը, տեսա ինձ հարազատ վայրերի լուսանկարները: Բայց ամենից շատ ինձ ոգևորեցին ուսանողները: Հաճելի էր շփվել, մտքեր փոխանակել: Կարծոմ եմ՝ նաև հենց այսպես են ամրապնդվում Հայաստան-սփյուռք կապերը»:

    

Newmag հրատարակչությունն արգենտինահայ հեղինակի ամենահայտնի վեպը՝ «Ռոջավան» թարգմանել է հայերեն: Մագդա Թախտաճյանն ընդգծում է՝ իր վեպի հայերեն թարգմանությունն ունի առանձնահատուկ կարևորություն: Համակարծիք է նաև Հայաստանում Արգենտինայի դեսպանը: Մարիանո Վերգարան շեշտում է՝ Մագդայի այցն ու նրա գրքի թարգմանությունն ամրապնդում են հայաստանցիների և արգենտինացիների կապը:

      

                                                                  

«Շատ եմ կարևորում Մագդայի հայաստանյան այցը, շատ կարևոր է նրա ուղերձը, որը ուղղված է ոչ միայն հայ կանանց, արգենտինահայ համայնքին, այլև աշխարհի բոլոր կանանց: Ուրախ եմ, որ մեր երկու երկրների գործակցությունն ավելի է ամրանում: Շնորհակալ եմ Newmag-ին, որ հայերեն թարգմանեց այս գիրքն ու կազմակերպեց Մագդայի հայաստանյան այցը»:

     

Մագդա Թախտաճյանն իր վեպի և այն գրելու շարժառիթների մասին առաջիկայում կպատմի նաև Երևանի պետական համալսարանում: Արգենտինահայ գրողը շեշտում է՝ հայ ուսանողների հետ շփումն ու նրանց հետաքրքրությունը ստեղծագործելու ուժ են տալիս իրեն:

Կարդացեք նաև

• Newmag-ի հրավերով Հայաստան է ժամանում աշխարհահռչակ արգենտինահայ գրող Մագդա Թախտաճյանը
• Newmag Winter Fest 2023-ին տեղի կունենա Մագդա Թախտաճյանի «Ռոջավա» վեպի շնորհանդեսը՝ գրողի մասնակցությամբ (թրեյլերը)
• Գրող Մագդա Թախտաճյանը հանդիպել է ՀՀ-ում Արգենտինայի արտակարգ և լիազոր դեսպանին (տեսանյութ, լուսանկարներ)
• Մագդա Թախտաճյանին հյուրընկալել են Հայ բերեգործական ընդհանուր միությունում (տեսանյութ, լուսանկարներ)
• Տեղի ունեցավ Մագդա Թախտաճյանի «Ռոջավա» գրքի հեռուստաշնորհանդեսը (տեսանյութ, լուսանկարներ)
• «Օտարագիր հայ գրողներ. Ովքեր են ու ինչի մասին են գրում թեմայով» պանելային քննարկում՝ Newmag Winter Fest-ին (լուսանկարներ)