Ելք խառնաշփոթից ՝  պատրաստ է կորոնավիրուսի դեմ ամերիկյան պատվաստանյութը 

Առաջիկա օրերին ԱՄՆ-ի համայնքներ արդեն կուղարկվեն  COVID-19 աղետին հակազդելու պատվաստանյութի առաջին չափաբաժինները: Պատվաստանյութն ամերիկացի  գիտնականները անվանում են գիտական նվաճում: Քանի որ եթե մինչև այդ պատվաստանյութի փորձարկումը կարող էր տևել տասնամյակից էլ ավելի, հիմա 11 ամսում հնարավոր դարձավ ստեղծել նյութ, որն ունակ է ապահովել 95 տոկոս արդյունավետություն:

Սա գիտական մեծ ներուժի և անթիվ-անհամար դոլարների շնորհիվ է՝ փաստում է Փենսիլվանիայի մանկական բաժնի ղեկավար Փոլ Օֆիթը. «Նույնիսկ մասնագետներն էին թերահավատ, որ մեկ տարուց էլ քիչ ժամանակում հնարավոր է ստեղծել գենի վրա հիմնված պատվաստանյութ: Կարծում եմ՝ չէր լինի գեթ մեկ գիտնական, որը ձեռք բարձրացներ և ասեր՝ դա հնարավոր է: Ոչ մեկը»:

Կլինիկական փորձարկման ընթացքում Լաս Վեգասում և հարյուրավոր այլ քաղաքներում մասնակցել են հազարավոր կամավորներ: Չհաշված նվազագույնի հասնող կողմնակի բարդությունների՝ Pfizer  ամերիկյան դեղագործական ընկերության և գերմանական BioNTech ֆիրմայի մշակած դեղամիջոցը դեռևս առաջատարներից է: Դեկտեմբերի 17-ին էլ ԱՄՆ-ում փորձաքննության կանցնի  2-րդ պատվաստանյութը՝ Նուբար Աֆեյանի Moderna ընկերության պատրաստածը:

Նույնիսկ մասնագետներն էին թերահավատ, որ մեկ տարուց էլ քիչ ժամանակում հնարավոր է ստեղծել գենի վրա հիմնված պատվաստանյութ:

Նոր պատվաստանյութի առաջին խմբաքանակն առաքվում է ներարկիչով: Pfizer և Moderna ընկերությունների պատվաստանյութերը պատկանում են Messenger RNA (mRNA) կոչվող տեխնոլոգիային ՝ դրանք այն մոլեկուլներն են, որոնք մարդու մարմնում սպիտակուցներեն արտադրելու ԴՆԹ հրահանգների միջոցով: Դրանց շնորհիվ մեր բջիջները սովորում են, թե ինչպես կարելի է սպիտակուց արտադրել:Մեր իմունային համակարգը գիտակցում է, որ սպիտակուց չունի կամ քիչ է և սկսում է իմունային պատասխան և հակամարմիններ ստեղծել:

Փոլ Օֆիթը նկատում է՝ պատվաստանյութերի մշակման արագությունը հարցեր է առաջացնում անվտանգության տեսանկյունից.«Մենք պարզապես արագացրել ենք գործընթացը: Մենք արագացրեցինք , քանի որ կառավարությունը պատրաստ էր ռիսկի դիմել ու նաև ներդնել 24 միլիարդ դոլար»:

Նևադայի պաշտոնյաները հայտարարել են, որ նախ պատվաստանյութ կստանահիվանդանոցների բժշկական անձնակազմը, որին կհետևեն երկարաժամկետ խնամքի հաստատությունների աշխատակիցներն ու բնակիչները։ Հետո՝ իրավապահ մարմինները։ Պատվաստանյութերի Առաջատար արտադրողներն ակնկալում են առաջին փուլն ավարտել 2021-ի գարուն կամ ամառ:

Կարդացեք նաև

• Ինչո՞ւ պետք է պատվաստվել. ձմռանը մեծանում է հիվանդանալու ռիսկը
• Մի կողմում ծնողներն են, մյուս կողմում՝ բժիշկները․ ինչո՞ւ պետք է պատվաստվել
• Պատվաստե՞լ, թե՞ ոչ․ հատուկ թողարկում մահաբեր վիրուսների մասին
• Միայն պատվաստանյութով հնարավոր չէ պաքարել Կորոնավիրուսի դեմ. Փոլ Օֆիթ 

Ըստ  «Մահաբեր ընտրություն» գրքի հեղինակի, այնուամենայնիվ, ինչպես ցանկացած բժշկական արտադրանքի դեպքում, սա ևս ավելի երկար ուսումնասիրություն կպահանջի , որ պարզեն, թե արդյոք կա կողմնակի կամ հազվագյուտ որևէ ազդեցության հավանականություն: Առաջնայինը վստահությունն է, որը մարդը պետք է ունենա պատվաստանյութի ազդեցության նկատմամբ, իսկ պարբերաբար փորձարկումները ձգում են գործընթացը. «Երբ որոշիչը Թրամփի վարչակազմն է, պարզ էր, որ նրանք փորձելու էին ազդել պատվաստանյութի հաստատման որոշման վրա: Բայց դա հիմա փոխվել է»:

Ըստ նրա, պատվաստանյութի հաստատման գործընթացը հիմնավոր է, և գործակալությունը և  անկախ խորհրդատվական կոմիտեն ուշադիր պետք է ուսումնասիրեն պատվաստանյութերի տվյալները:Զգուշավոր լավատեսությամբ հանդերձ, Օֆիթը հայտնել է, որ ինքն ու իր ընտանիքը պատրաստ են պատվաստվել առաջիններից:մ