Newmag Summer Fest-ին տեղի ունեցավ Անջալի Մահտոյի «Մաշկի խնամքի կանոնագրքի» շնորհանդեսը (տեսանյութ, լուսանկարներ)

September 2, 2022

Տարիքային բծերի, խալերի, հորմոնների, մաշկային քաղցկեղի մասին. Մաշկը կատարյալ դարձնելու սպառիչ տեղեկություններով գիրքը հավասարազոր է գիտական աշխատության: Դոկտոր Մահտոյի «Մաշկի խնամքի կանոնագիրքը» նրանց համար է, ովքեր հետևում են ապացուցողական բժշկությանը, ոչ թե գուգլով մեկ սփռված կարծիքներին: Յուրօրինակ այս ձեռնարկի շնորհանդեսը տեղի ունեցավ հուլիսի 16-ին՝ գրքի ամառային փառատոնին:

Անջալի Մահտոն մեծացել է բժշկական միջավայրում՝ ծնողները բժիշկներ են։ Բայց մաշկաբանի մասնագիտությունն ընտրելուն նպաստել է ոչ թե այդ հանգամանքը, այլ անձնական խնդիրը։ Նա որոշում է մաշկաբան դառնալ, երբ դեմքի բշտիկները դառնում են իսկական պատուհաս։ Ավելի մեծ ողբերգություն է դառնումպրոֆեսիոնալ մաշկաբանի պակասը, ինչը խորացնում է պրոբլեմը։ 11 տարեկանում բժիշկը նայում է նրան ու սառնասրտորեն ասում՝ բշտիկներից առաջացած սպիների դեմ ոչինչ հնարավոր չէ անել։ Այդ պահին Անջալին ինքն իրեն խոստանում է դառնալայդ ոլորտի լավագույն մասնագետը:

 

Մաշկը կատարյալ դարձնելու սպառիչ տեղեկություններով գիրքը հավասարազոր է գիտական աշխատության։ Դոկտոր Մահտոյի գիրքը նրանց համար է, ովքեր հետևում են ապացուցողական բժշկությանը, ոչ թե հավատում ու վստահում բլոգերի կամ էլ պատահական մաշկաբանի։ Դոկտորի հետևորդները նրա գլխավոր համոզմունքներն անվանում են պատվիրաններ:

 

Անջալիի «Մաշկի խնամքի կանոնագիրքը» բեսթսելեր է հրատարակման պահից՝  գլխավորում է Ամազոնի՝ մաշկի խնամքին վերաբերող գրքերի ցուցակը։ 4 տարում թարգմանվել է 7 լեզվով, այժմ նաև՝ հայերեն:

 

Կարդացեք նաև