Ինչպես ստեղծել աշխատանքային հարմարավետ միջավայր՝ Դեյվիդ Ալենն ունի հստակ գծած պլան: Ըստ նրա, նախ պետք է սկսել մանրուքներ թվացող անհրաժեշտություններից: Մինչև աշխատասենյակ կամ գրասեղան հասնելը, պետք է ձեռք բերել թղթադիր դարակներ, մի տուփ հասարակ թուղթ, գրիչ/մատիտ, կպչուն թղթիկներ, ռետինե ժապավեն, ամրակներ, օրացույց, թղթապանակ, պիտակ տպող սարք և աղբաման: Հետո անցնել ավելի գործնական հարցերին:

1. Միջավայրին հարմարվելու համար հատկացրեք ժամանակ

Ժամանակ հատկացնել աշխատանքային պատշաճ միջավայր ստեղծելու համար (աշխատանքային տարածք, կահույք, գործիքներ): Եթե ձեր աշխատանքային միջավայրը ճիշտ է կազմակերպված, ապա դա զգալիորեն աշխատանքը կատարելու նկատմամբ ձեր ենթագիտակացական դիմացկունությունը եւ գործընթացը կդարձնի նույնիսկ հաճելի: Աշխատանքային միջավայրը կազմակերպելու համար շատերը հատկացնում են երկու օր: Ամենաբարդը ղեկավար պաշտոններ զբաղեցնողի համար է. աշխարհին պետք է ստիպի սպասել, որ ինքը երկու օր հարմարվի միջավայրին:

Նույնիսկ ամուսինները պետք է չաշխատեն միևնույն գրասեղանի վրա, այդ դեպքում նաեւ վատթարանում են անձնական հարաբերությունները:

2. Տարածքի կազմակերպում

Անհրաժեշտ է ունենալ տարածք, որտեղից կկարողանաք հսկել ձեր գործերը: Եթե արդեն ունեք գրասեղան կամ աշխատասենյակ, ուրեմն հենց այդտեղից էլ սկսեք: Եթե աշխատում եք և՛ տանը, և՛ գրասենյակում, ուրեմն երկու տեղում էլ պետք է ունենաք նույնատիպ համակարգեր: Աշխատանքային տարածքը կարեւոր է՝ անգամ, եթե դուք ունեք դինամիկ՝ անընդհատ շարժման մեջ գտնվող աշխատանք:

 3. Երբ տունը նաեւ գրասենյակ է 

Եթե տնից եք աշխատում, ապա հենց դա էլ ձեզ համար կարող է ծառայել որպես աշխատանքային տարածք: Տանն աշխատելու համար փող ու ժամանակ մի՛ խնայեք: Հետո կհասկանաք, որ տանը և աշխատավայրում նույնատիպ համակարգեր ունենալը խիստ կարեւոր է:

Կարդացեք նաև
* Դեյվիդ Ալեն․ «Արդյունավետ կարող եք լինել նույնիսկ քնած ժամանակ»
* Ո՞րն է «Ինչպես հասցնել բոլոր գործերը» գրքի առանձնահատկությունը
* Դեյվիդ Ալեն. Ապրեք տեմպով, բայց ոչ արագ. «դանդաղ» շտապելու արվեստը
* Ինչպե՞ս հասցնել բոլոր գործերը. կարևոր է հուզական ու ստեղծագործական մոտեցումը

4. Շարժական գրասենյակային տարածք

Եթե շատ եք ճանապարհորդում, գնում եք գործուղումների կամ դա պարզապես ձեր ապրելակերպն է, միեւնույն է, անհրաշեշտ է ունենալ կազմակերպված շարժական գրասենյակային տարածք: Ամենայն հավանականությամբ բաղկացած կլինի փաստաթղթերի համար նախատեսված պորտֆելից կամ պայուսակից, մի քանի թղթապանակներից ու գրենական պիտույքներից:

5. Ինչ պետք է ունենալ աշխատասեղանին

Նախ պետք է ունենալ սեղան, դարականեր, որպեսզի ամեն ինչ լինի հենց քո տարածում, ոչ թե ամենուր: Ավելի բարդ է, երբ տանից ես աշխատում ու չունես հարմարավետ դարակներ. խոհանոցից մինչեւ ննջասենյակ պետք է փնտրես քո փաստաթղթերը: Աշխատասենյակը պետք է լինի քո անձնական տարածքը եւ բոլորից անկախ: Բացի այդ, հեռախոսը, համակարգիչը, թղթապանակաները, որոշ դեպքերում տպիչ սարքը, գրատախտակը կամ համակարգչային սարքավորումները, օրինակ՝ պրեզենտացիա պատրաստելու եւ ներկայացնելու համար:Միգուցե նաև ցանկանաք սպորտային եւ հանգստի այլ միջոցների համար հնարավորություններ:

Աշխատասենյակը պետք է լինի քո անձնական տարածքը եւ բոլորից անկախ:

 6. Աշխատասեղանը միայն ձերն է

Երբեք մի կիսեք ձեր աշխատանքային տարածքը կամ մտքերի հավաքագրված դարակը գործընկերոջ հետ: Նույնիսկ ամուսինները պետք է չաշխատեն միևնույն գրասեղանի վրա, այդ դեպքում նաեւ վատթարանում են անձնական հարաբերությունները. աշխատանքային տարածքը կազմակերպելուց հետո, իմ հաճախորդ-ամուսիններն ավելի արդյունավետ ու առանց սթրեսի են ապրում: