Ամառվա ամենագրքային փառատոնի գլխավոր հովանավորը Ucom ընկերությունն է(լուսանկարներ)

July 7, 2022

Newmag-ի ամառային փառատոնի օրն անփոփոխ է՝ հուլիսի 16-ին: Մի ամբողջ օր տեղի են ունենալու պանելային քննարկումներից մինչև գրքերի շնորհանդեսներ, մրցույթներ ու գրքի տոնավաճառ, ավարտին՝ համերգային ծրագիր: Newmag Summer Fest-2022-ի գլխավոր հովանավորը Ucom ընկերությունն է:

Այս տարի ամառային փառատոնի գլխավոր հովանավորը «Յուքոմ» ընկերությունն է: Ընկերությունն իր աշխատակիցներից մինչև բաժանորդներ խրախուսում է մասնակից դառնալ կրթական տարբեր ծրագրերի, հովանավորում ուսումնական ու գիտական բազմաթիվ ծրագրեր։ Հայաստանում ամենաարագ ֆիքսված և շարժական կապի ծառայություններ մատուցող ընկերությունը մշտապես հանդես է գալիս նորարարական առաջարկներով,  օժանդակում է ոլորտի ապագա մասնագետների կրթական, նորարարական գաղափարները:

 

Հաշվի առնելով ընկերության սոցիալական և կրթական բաղադրիչի հանդեպ բարձր պատասխանատվությունը՝ «Յուքոմը»  համաձայնեց դառնալ նաև ամառային փառատոնի գլխավոր հովանավոր: Ամառային փառատոնի հիմնական նպատակն է խոսել գրականության մասին, անմիջական շփում ունենալ հեղինակների հետ, ներկայացնել նոր գրքեր և ընթերցասերների համար ստեղծել գրքի մեծ տոն: Մինչև փառատոնը «Յուքոմն» անցկացնելու է նաև մրցույթ. գրքի խաղարկության ընթացքում հաղթողները հենց փառատոնի օրը կստանան Newmag-ի գրքերից:

 

Գրքատոնի հասցեն Երազ այգին է:  Փառատոնը մեկնարկելու է ուղիղ կեսօրին և տևելու մինչև կեսգիշեր։ Զուգահեռ բոլոր սրահներում ընթանալու են տարբեր միջոցառումներ՝ գրքերի շնորհանդեսներ և պանելային քննարկումներ, հանդիպում հեղինակների հետ և հատուկ ծրագիր փոքրիկների համար:

                                                      

Փառատոնն ունի 4 հիմնական լոկացիա, որոնցից յուրաքանչյուրում ընթանալու են գրական տարբեր միջոցառումներ։ Մեծ սրահում նախատեսված են շնորհանդեսներ ու մրցանակաբաշխություն, երկրորդ սրահում՝ գրադարան-սրճարանում՝ հանդիպում հեղինակների հետ և փորձագիտական քննարկումներ, երրորդ սրահում՝ պարտեզում լինելու է մանկական ծրագիր։ Իսկ չորրորդն իհարկե երաժշտական սրահն է, որտեղ լինելու է երեկոյան համերգ։

Կարդացեք նաև