[ The President ]. ԱՄՆ ամենաանհայտ նախագահը

[ The President ]. ԱՄՆ ամենաանհայտ նախագահը

Նոյեմբերի 8-ին ԱՄՆ-ում ընտրելու են երկրի 45-րդ նախագահին: newmag-ն անդրադառնում է ԱՄՆ բոլոր նախագահներին` ներկայացնելով նրանց մասին գրեթե անհայտ, զարմանալի փաստեր:

ԱՄՆ 23-րդ նախագահ (1889-1893) Բենջամին Հարիսոնը ԱՄՆ 9-րդ նախագահ Ուիլիամ Հարիսոնի թոռն էր:

Նրա նախագահության տարիներին Սպիտակ տանն անցկացվեց էլեկտրականություն: Բայց նախագահն ու նրա կինը վախենում էին էլեկտրահարվելուց, ինչի պատճառով նախընտրում էին լույսերը չանջատել, քնում էին վառած լամպերի տակ:

Հարիսոնը սիրում էր ելույթներ ունենալ: Օգնականները հաշվել են, որ մի անգամ 30 օրվա ընթացքում նա հանդես է եկել 140 տարբեր ուղերձներով:


[ The President ]


Հարիսոնը եղել է ԱՄՆ վերջին մորուքով նախագահը և առաջինը, որի ձայնը ձայնագրել են:

Հարիսոնը համարվում է ամենաաննկատ մնացած նախագահը: New York Magazin-ը 2012 թվականին հարցում է անցկացրել՝ պարզելու համար, թե ով է ամենաանհայտ նախագահը: Հարիսոնը 1-ին տեղում էր:

Չնայած դրան, Հարիսոնը հենց այն նախագահն է, որը պաշտպանել է ամերիկյան անտառներն ու հիմնել արգելավայրեր և ազգային զբոսայգիներ: Նրա շնորհիվ պահպանվել է անտառածածկ 22 միլիոն հեկտար տարածք:

Գրել կարծիք