17 բարի գործ, որ կարելի է անել հենց այսօր. ո՞րն է ձեր վերջին բարի արարքը
Բարությունը թուլություն չէ, և մեկը մյուսի հետ շթոփել պետք չէ: Ընդհակառակը, անշահախնդրորեն բարի գործ կարող են անել միայն ուժեղ մարդիկ: Մի կասկածեք, այսօրվա լավությունը անսպասելի, բումերանգի նման մի օր կվերադառնա:
- Մի չարախոսեք և մի բողոքեք
Դուք բացասական էներգիա եք փոխանցում շրջապատին և առաջին հերթին ինքներդ ձեզ: Մարդկանց մասին մտածեք և ասեք միայն լավը:
- Կատարեք փոքրիկ բարեգործություն
Դասավորեք պահարանը, հրաժարվեք հին և փոքր հագուստներից, կոշիկներից, որոնք այլևս երբեք չեք կրելու: Նվիրեք դրանք մանկատներին կամ նրանց, ովքեր կարիքը ունեն: Ձեզ համար անպետք այդ իրերը կարող են երջանկացնել մեկ ուրիշին:
- Սուպերմարկետում զիջեք հերթը
Մեծ զամբյուղով եք, իսկ հետևում կանգնած է մեկը՝ ընդամենը մեկ շիշ ջրով, ինչո՞ւ չզիջել: Նա ոչ միայն կզարմանա, նաև շատ շնորհակալ կլինի:
- Դուրս գալուց պահեք դուռը
Թվում է՝ պարզապես քաղաքավարություն է, բայց շատերը մոռանում են այդ փոքրիկ մանրուքի մասին: Ձեր հետևից եկողը կգնահատի, որ չնայած շտապում էիք, բայց մի պահ կանգնեցիք և նրա համար պահեցիք դուռը:
Օգտակար թեմաներով կարդացեք նաև․
- Ինչպե՞ս գերազանց գրել դիպլոմային աշխատանք․ ահա 6 խորհուրդ
- Ինչպե՞ս է մեր գործը փոխում մեզ. յուրաքանչյուր քայլ ազդում է անհատականության վրա
- Հարստանալու համար ազատ ժամանակը ճիշտ օգտագործեք. ահա 5 խորհուրդ
- Անսպասելի նվեր ուղարկեք
Մի սպասեք տոնի ընկերոջը նվեր անելու համար: Հենց այսօր էլ կարող եք անակնկալ մատուցել ուրիշ քաղաքում ապրող ձեր մտերիմին: Դա կարող է լինել գիրք, հուշանվեր կամ պարզապես բացիկ: Նվեր ստանալը միշտ հաճելի է: Իդեպ, նվիրելը ևս: J
- Աշխատավայր համեղ բան բերեք
Ինչո՞ւ գործընկերներին առավոտյան համեղ որևէ բանով չուրախացնել: Օրինակ, մի մեծ ձմերուկ գնեք, կտրեք այն և հյուրասիրեք բոլորին: Աշխատավայրում մթնոլորտն ու տրամադրությունը կփոխվի:
- Օգնեք ճանաարհին մնացած վարորդին
Փորձառու վարորդ եք, ճանապարհին տեսնում եք վթարային լույսերը միացրած մեքենա, որը օգնություն է խնդրում: Կանգնեք և առաջարկեք ձեր աջակցությունը:
- Թողեք դրական մեկնաբանություն
Դրական մեկնաբանություն թողեք այն ծառայություններին, որոնցից օգտվում և հավանում եք: Դա շատ ժամանակ չի խլի, փոխարենը տվյալ սրահը կամ սրճարանը կունենա նոր հաճախորդներ, իսկ հաջորդ այցին ձեզ կդիմավորեն շնորհակալ ժպիտով: Ընկերներն էլ շնորհակալություն կհայտնեն երաշխավորելու համար:
- Արյուն հանձնեք
Մեկ անգամ արյուն հանձնելով, կփրկեք մեկ կյանք:
- Ժամանակ անցկացրեք ծերանոցում
Ծերանոցում մեծահասակներ են, ում թողել են մտերիմները, նրանք չունեն հարազատներ՝ միայնակ են: Նրանց հետ անցկացրած ժամանակը՝ զրույցը կամ նարդին շատ երկար կհիշեն: Ձեր այցը իսկական իրադարձություն կլինի միապաղապ օրերի շարքում:
Հեղինակի հոդվածներից կարդացեք․
- Ի՞նչ կպատահի, երբ iPhone-ն ամբողջ գիշեր լիցքավորեք. հակագիտական միֆի պատասխանը
- Ինչպե՞ս ավելացնել տեսանյութերի դիտողակությունը. «վիրուսային» վիդեոների հաջողության 3 գաղտնիք
- Միացիր համաշխարհային կարաոկե փարթիին Sing Karaoke-ում
- Զիջեք տեղը հասարակական տրանստոպում
Խոսքը միայն մեծահասկաներին զիջելու մասին չէ: Զիջեք նաև, երբ նկատում եք, որ դիմացինը դժվարանում է կանգնել՝ հոգնած է կամ վատառողջ:
- Բարձրացրեք այն, ինչ գցել է դիմացինը
Ձեր դիմացից քայլողը պատահմամբ գցեց ձեռնոցը կամ այլ իր, անպայման տեղեկացրեք նրան այդ մասին: Եթե մոտ եք, ինքներդ վերցրեք և տվեք նրան:
- Կիսվեք գիտելիքներով
Կիսվեք այն գործիքներով, որոնց գերազանց տիրապետում եք: Օրինակ, որևէ մեկին սովորեցրեք օգտվել Dropbox ծառայությունից կամ մի քանի աշխատանքային խորամանկություններ ցույց տվեք Photoshop-ում: Դա իսկապես կերջանկացնի նրան:
- Առաջարկեք զբոսաշրջիկներին նկարել նրանց
Երբ փողոցում տեսնում եք զբոսաշրջիկների, որոնք չարչարվում են հաջող լուսանկար ունենալու համար, առաջարկեք օգնություն: Միայն սելֆիով տեսարժան համայնապատկերը չես կարող փոխանցել:
- Սննդի մնացորդները թողեք բակի շներին
Երեկոյան համեղ ընթրիքի մնացորդները առանձնացրեք և թողեք բակի շներին: Նրանք մեկ օր սոված չեն մնա:
- Կիսվեք զեղչերով
Ունեք ավելորդ կտրոն, որը դժվար թե օգտագործեք, նվիրեք նրան, ով այն կօգտագործի: Միևնույնն է, ժամկետն անցնելուց հետո այն այլևս պիտանի չէ:
- Շնորհակալ եղեք
Մի մոռացեք շնորհակալություն հայտնել: Դա կոգևորի դիմացինին և կմոտիվացնի ավելի մեծ գործերի:
Սրանք բարության դրսեւորման փոքրիկ օրինակներ էին: Իրականում իրավիճակներն ու հնարավորույթունները անհամեմատ ավելի շատ են: Օգտագործեք ամեն պահը որևէ լավ բան անելու համար: Շարունակեք ցանկն ինքնուրույն, բայց արդեն գործնական կիրառությամբ։
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)