Եթե հանկարծ մահանամ, ընկերությունս 10 մլն դոլար փոխհատուցում կստանա. Փիթեր Քորբիթի արժեքը՝ մարքեթինգային ոլորտում

            Ինժեներ, ծրագրավորող, դիզայներ, հետո՝ հեռուստատեսային պրոդյուսեր. Այս ամենը 10 տարի առաջ էր, այժմ Փիթեր Քորբիթի գործը բանակցություններ վարելն է ու միլիոնանոց գործարքներ կնքելը համաշխարհային բրենդերի հետ, մնացածը կանի իր թիմը:

            «Հիմնականում այսպես է. գալիս և ասում են՝ մենք տալիս ենք 1 մլն դոլար կամ այսքան գումար և ուզում ենք, որ 100 հազար մարդ սիրի այն, ինչ որ մենք անում ենք: Մենք էլ ստեղծում ենք մարքեթինգային քոնթենթ օնլայն և օֆլայն հարթության համար:  Բայց փողը գլխավորը չէ, մենք բանակցություններից հետո 10 ընկերությունից 2-ի հետ ենք աշխատում: Ինձ ավելի հանգիստ է քնել ավտոմեքենա ու հյութեր վաճառելով, քան ծխախոտ ու պատերազմ, կամ սեքս-խաղալիքներ, մի խոսքով…»
            Ընկերության առաջին տարում Փիթերը ծրագրավորմամբ էր զբաղվում, մարտավարություն մշակում, 50 աշխատակիցներով կնքեցին առաջին լուրջ գործարքը Volkswagen ընկերության հետ, դրանից էլ սկսվեց iStrategyLabs ըներության հաջողությունը:
            «Volkswagen-ի հետ աշխատելու համար մենք անցանք Deutsch-ին, որը խոշոր մարքեթինգային ընկերություն էր՝ 12.000 աշխատակիցներով, մեր արածը զուտ գովազդ չէ, մենք աշխատում ենք մարքեթինգային արշավները կապել մարդկանց կենսակերպի հետ, ցույց տալ, թե ինչպես է տվյալ ապրանքը փոխում նրանց փորձառությունը»
            iStrategyLabs-ի ամնաշատ աղմուկ հանած մարքեթինգային արշավներից մեկը «Mr. Robot» սերիալի համար էր` առաջին եթերաշրջանի պրեմիերայից առաջ: Սերիալը  պատմելու էր ֆինանսական խարդավանքներ իրականացնող հաքերի մասին, արշավի համար սյուժետային գիծն օգտագործեցին: Twitch օնլայն խաղային պլատֆորմում հոլովակ հայտնվեց, գեյմերների համաշխարհային կոնֆերանսն ընդհատվեց բեմադրված կիբերհարձակմամբ, 17 ժամ սերիալի դերասան-հաքերները հեռարձակում էին իրենց ֆեյք-կիբերհարձակման գործողությունները: Կես մլն մարդ էր հետևում դրան: համացանցում սերիալի ու մարքեթինգային արշավի մասին տեսանյութ տարածեցին ու պատասխանեցին հետաքրքրասերների հարցերին 3 օր հետո միայն:

            «Արդյունքում ունեցանք 1.5 մլն ընդհանուր դիտում 1 օրում, 63.000 հազար թվիթ՝ հեռարձակման ընթացքում: Արշավը նաև ստացավ բրոնզե արձանիկ Կաննի փառատոնում: NBC հեռուստաընկերությունն այնքան գոհ էր, որ մեզ վստահեց նաև 2-րդ սեղոնի պրոմոարշավը: Իմ ձեռքում է արդեն 4-րդ սեզոնի սցենարը, մենք հիմա դրա վրա ենք աշխատում»
            Փիթեր Քորբիթը իրենց լավագույն աշխատանքներից է համարում նաև «Սպունգ Բոբ» մուլտֆիլմի 15-ամյակին նվիրված արշավը: Նիքելոդեոնից ստացած առաջարկից Փիթերը շատ էր ոգևորվել, «Սպունգ Բոբ»-ն իր սիրելի մուլտֆիլմն էր: Բայց կար մեծ բարդություն. հետազոտությունը ցույց էր տվել, որ մուլտֆիլմը դիտողների միջին տարիքը 34-ն էր, ուրեմն՝ ինչպես անել մի բան, որ կգրավեր երեխաներին և մեծերին միաժամանակ:
Spongebob Skill Crane from ISL on Vimeo.
            «Մենք ուզում էինք յուրահատուկ մի բան անել «Սպունգ Բոբ»-ի երկրպագուների համար, գովազդը ԱՄՆ կենտրոնացում ուներ, երկրում բոլոր տաիքային խմբերին հետաքրքրողը խաղային ավտոմատներն են: Ստեղծեցինք խաղային հավելված ու միացրինք այն Ֆեյբուքին՝ հնարավորություն տալով օգտատերերին խաղալ ու մրցանակներ շահել, իսկ ֆիրմային-թեմատիկ նվերներն ուղարկում էինք փոստով»
            iStrategyLabs-ը 10 տարիների ընթաքում աշխատել է Fortune 500 ցուցակի 23 կազմակերպությունների հետ, ինչպիսիք են՝ Volkswagen-ը, Facebook-ը, Red Bull-ը, Coca-Cola-ն, Hilton hotels-ը, General Electric-ը, Desney-ը, NBC-ն ու Instagram-ը: iStrategyLabs-ի հիմնական մրցակիցները Deeplocal, Furje, Party, Thinker, DDB գովազդային ընկերություններն են: Նրանց դիմանալը 200 հոգանոց թիմի համար դժվար էր և անցած տարի Փիթեր Քորբիթն իր ընկերությունը վաճառելու որոշում կայացրեց:  Գնորդը  WPP-ին է, որի տարեկան եկամուտը ավելի քան 15 մլրդ դոլար է, ընկերության կազմում 190.000 մարդ է աշխատում:

 

---

Կարդացեք նաև

• Աշխատանք՝ տնից․ ինչպե՞ս վերահսկել հեռակա աշխատողին և լավ արդյունքի հասնել


• 4 միջոց, թե ինչպես ստարտափ թիմ ձևավորել և հաջողության հասնել


• Շաբաթվա վենչուրային թոփ լուրը. Ինչո՞ւ Facebook-ը չվախեցավ և գնեց Tbh-ը

---

            «Ես ստեղծեցի ընկերությունն առանց մի դոլար ներդրումների, դա իսկապես շատ բարդ էր, հոգնեցնող, 10 տարի հետո ես մտածեցի՝ արժե՞ վտանգել կյանքս. եթե ձախողվեր բիզնեսը, ամեն ինչ կկորցնեի, պետք է սկսեի նորից: Բացի այդ մենք մրցակցում ենք մեծ ընկերությունների հետ, չգիտեմ՝ ինչքան կարող էինք դիմանալ այդ մենամարտերում, մեզ նորմալ բանակ էր պետք: Հասկացա, որ ավելի մեծ ընկերության մեջ մտնելով նոր հնարավորություններ կունենանք»
            Փիթերը ընկերությունը հիմնել է 27 տարեկանում՝ մի գիշերում, երբ նրան հեռացրին հաստիքային աշխատանքից:  Ընկերների հետ հարբեց, հետո տուն վերադարձավ, կայք ու լոգո ստեղծեց, որոշեց՝ հիմնում է ընկերություն, որն օնլայն և օֆլայն մարքեթինգային մարտավարություն է մշակելու՝ հիմնված տեխնոլոգիաների ու կրեատիվության վրա: 10 տարի ծրագիրն աշխատեց, ընկերությունը զարգացման նոր փուլ է մտել WPP-ի կազմում: Փիթեր Քորբիթը շարունակում է ղեկավարել ընկերությունը, ավելորդ համեստություն չի անում, ընկերության հաջողությունն իրենից է կախված եղել, բայցև՝ ոչինչ գլուխ չէր գա առանց լավ թիմի:
  
            «WPP-ին կստանա 10 մլն դոլար, եթե մահանամ, ոչ թե՝ իմ կինը: Նշանակում է՝ ընկերության համար ես ինչ-որ արժեք ունեմ, ամենաքիչը՝ 10 մլն դոլարի (ժպտում է): Ասել եմ իմ թիմին, որ գնալով արժեքս ընկնում է, աստիճանաբար տեղս զիճել եմ նրանց: Իհարկե կարևոր է, որ ես պատվիրատուներ եմ գտնում, նրանք են գումար ապահովում, բայց հիմնական աշխատանքն արդեն թիմն է անում:
            Փիթեր Քորբիթն ասում է, երբ զգա, որ իր արժեքն ընկերությունում շատ է ընկնում, կթողնի iStrategyLabs-ը: Բիզնեսն իր համար սպորտ է, սիրում է մրցակցությունը: Քանի որ արդեն ֆինանսապես կայուն վիճակում է, կարող է ռիսկի գնալ ու նոր ընկերություն ստեղծել զրոյից: