Newmag Summer Fest-ին ուղիղ կեսօրին կսկսվի մանկական հագեցած ծրագիրը

Newmag Summer Fest-ի մանկական ծրագրի ընթացքում փոքրիկները կունկնդրեն Արփի Մաղաքյանի «Արևի համբուրած Շուշին» նոր գրքի հետաքրքիր պատմությունները և Նարինե Աբգարյանի «Մանյունյա» շարքի ծիծաղաշարժ դրվագները: Հեքիաթները պատմելու են Լիանա Վանոյանը, Սաթենիկ Հազարյանը, Արփի Մաղաքյանը, Անի Քոչարը և այլոք:

Հեքիաթներից բացի, փոքրիկների ու ծնողների համար Newmag-ն ու «Կանա» հոգեբանական կենտրոնը մշակել են օգտակար ու ուսուցողական ծրագիր: Կենտրոնի մասնագետները խորհուրդներ են տալու՝  արձակուրդին ինչու, ինչ, ինչպես և երբ կարդալ, ինչպես պատրաստել սեպտեմբերի 1-ին ծնողին ու երեխային: Բացի այդ՝ կլինի նաև արագ ընթերցանության գործնական բացօթյա պարապմունք և հիշողության զարգացման ու բարելավման մաստեր-կլասս:

Ուշադրության և հիշողության զարգացմանը զուգահեռ զարգանում է երևակայությունը, ստեղծագործ միտքը, տրամաբանությունը, ինդուկտիվ միտքը: «Կանա» հոգեբանական կենտրոնի դասընթացների շնորհիվ, դրական փոփոխությունն ակնհայտ է դառնում կարճ ժամանակ անց:Ամառային փառատոնի ընթացքումայդ դասընթացներին կարող եք մասնակցել անվճար՝ Երազ այգում, հուլիսի 16-ին, ժամը 12:00-ից սկսած:

Կարդացեք նաև

• Ամռան ամենագրքոտ օրը մոտենում է՝ Newmag ամառային փառատոնի օրն ու վայրն անփոփոխ են (թիզր)
• Ամառային փառատոնի գլխավոր մրցույթը! Լավագույն ընթերցողը կստանա Newmag Reader’s Prize մրցանակը (տեսանյութ)
• Newmag summer fest-ին տեղի կունենա «Մարդիկ և մեքենաները» գրքի «Люди и машины» ռուսերեն հրատարակության շնորհանդեսը (թրեյլեր)
• Newmag Summer Fest-ի գլխավոր հովանավորը Evocabank-ն է (լուսանկարներ)
• Ամառվա ամենագրքային փառատոնի գլխավոր հովանավորը Ucom ընկերությունն է(լուսանկարներ)