Ֆերնանդո Արամբուրու՝ գրական գլխավոր դեմքն Իսպանիայում (տեսանյութ)

Ֆերնանդո Արամբուրուն ունի գրելու իր ոճն ու կանոնները։ Նոր ստեղծագործություն գրելուց առաջ կայացնում է տեխնիկական կարևոր որոշումներ, հետո անցնում գործի. «Գրելուց առաջ ես լուծում եմ լեզվաբանական խնդիրներ, ինքնս ինձ տալիս եմ հարցեր։ Միշտ չէ, որ գրում եմ նույն լեզվով։ Տեքստից բխում է լեզվաբանական առանձնահատկությունը, մեղեդին, ռիթմը։ Սրանք տեխնիկական հարցեր են, որոնք պետք է լուծվեն նախքան գրելը»։ 

63-ամյա գրողը կյանքի կեսն ապրել է Գերմանիայում, որտեղ դասավանդել է իսպաներեն։ Համաշխարհային հռչակ ձեռք է բերել վերջին տարիներին, հենց «Հայրենիք» գրքի շնորհիվ, որը նրա 10-րդ ստեղծագործությունն է. «Ես հաջողության հասա ճիշտ ժամանակին։ Մի տարիքում, երբ հաջողությունը վայելում ես՝ հողից չկտրվելով. Ես շատ գոհ եմ»։

                                                    

Արամբուրուն տարակուսում է, երբ իրեն դասում են մեծ գրողների շարքին։ Շեշտում է, որ ընդամենն իր պարտքն է համարում ի ցույց դնել հարազատ համայնքի ու ժողովրդի սոցիալական չերևացող խնդիրները, որոնք անտեսելը կարող է հանգեցնել ողբերգությունների. «Ինձ համեմատում են Բենիտո Պերես Գալդոսի, Լև Տոլստոյի հետ, բայց այս դասականների մոտ ես կարծես մուկ լինեմ՝ փղերի կողքին»:

Գրականագետները Ֆերնանդո Արամբուրուին համարում են ժամանակակից իսպանական գրականության ամենաառանցքային մի քանի դեմքերից մեկը։

Կարդացեք նաև

• Newmag Summer Fest-ին տեղի կունենա իսպանացի ամենահայտնի գրող Ֆերնանդո Արամբուրուի «Հայրենիք» էպիկական վեպի շնորհանդեսը (թրեյլեր)
• Newmag-ը հայ ընթերցողին է ներկայացնում Գեորգի Գոսպոդինովի վեպը՝ «Տրտմության ֆիզիկան» (լուսանկարներ, տեսանյութ)
• Խճճված ճակատագրերն ու բարդ հարաբերությունները՝ իսպանական ժամանակակից բեսթսելլերում (տեսանյութ)