Ինչպես դաստիարակել երեխա. Միշել Օբամայի նոր փոդքասթը

ԱՄՆ նախկին առաջին տիկին, երկու երեխաների մայր Միշել Օբաման իր նոր փոդքասթում խոսել է ծնող լինելու մարտահրավերների մասին։ Փոդքասթի ժամանակ միայնակ չի եղել. զրույցն անցկացրել է իր մայրիկի հետ: Նորածնին տուն բերելուց մինչև նրանց համալսարան ուղարկելը՝ մոր և դստեր անկեղծ զրույցը իրենց կյանքի օրինակով է: Այս թեման ուղիղ գծով անցնում է նաև Միշել Օբամայի «Becoming. Իմ պատմությունը» գիրքում, որտեղ նա նրբորեն ներկայացնում է իր հարաբերությունները մոր, հետո նաև դստրերի հետ:

Երբ Բարաք  Օբաման դարձավ ԱՄՆ նախագահ, Միշելի մայրը տեղափոխվեց Սպիտակ Տուն՝ օգնելու մեծացնել երկու թոռնիկներին: Նոր փոդքասթում նա ծնողների ներկայացնում է իր փորձը, պատմում Միշելի մանկության մասին և խորհուրդներ տալիս նորաթուխ մայրիկներին:

Կարդացեք նաև

• Ո՞վ է Միշել Օբամայի կյանքի ամենամտերիմ տղամարդը. նոր բացահայտումներ նրա առաջին փոդքասթից (տեսանյութ)
• Միշել Օբաման սկսել է փոդքասթների շարք․ ինչի՞ մասին է խոսելու Becoming գրքի հեղինակը
• «Երբ մեծանաս, ի՞նչ ես ուզում դառնալ» հարցն ամենաանիմաստ հարցերից է. Միշել Օբամա
• Մենք ենք ընտրում երազանքն իրագործելու ճանապարհը. Միշել Օբաման` կրթության մասին

Կանոն N1. Թույլ տվեք, որ ձեր երեխաները մեծանան ինքնուրույն և պատասխանատու լինեն իրենց քայլերի համար

Խորհուրդը լսելուց հետո Միշելը հիշում իր մանկության տարիները. «Դու մեզ սովորեցնում էիր պատասխանատու լինել սեփական քայլերի ու կյանքի համար: Ինքներս էինք միացնում զարթուցիչը, հավաքում անկողինը: Դու չէիր միջամտում նույնիսկ երբ  դասից էինք ուշանում»:

Կանոն N2. Երեխան սխալվելու իրավունք ունի

Միշելը նկատում է. «Դու և հայրիկը մեզ ոչինչ չէիք պարտադրում, մեր հաջողությունը միայն մերն էր, մեր ձախողումը նույնպես: Դուք հիշեցնում էիք, որ լավ գնահատական պետք է ստանանք մեզ համար, ոչ թե, որ տանը կբարկանան»:

Կանոն N3. Երեխաներն ընտանիքի լիարժեք անդամ են, լսե՛ք նրանց

 Այս կանոններն ապրելակերպ են եղել Միշելի համար. «Երեխաներին պետք է ազատ թողնել, որ չվախենան հարցեր տալ, չհամաձայնվել, բայց նաև պետք է սովորեցնել այդ ամենն անել հարգանքով: Երեխաները պետք է իրենց ընտանիքի լիարժեք անդամ զգան և մասնակցեն քննարկումների»:

Խորհուրդ, որը չիմանալու դեպքում կձախողեք մյուս կանոնները. երեխաները ոչ թե ծնողների խոսքերից են սովորում, այլ արարքներից:

 Կանոն N4. Սովորե՛ք երեխաներից

Այս կանոնն ի գիտություն ընդունեց, երբ արդեն դարձավ մայր. «Ես իմ երեխաներից շատ բան եմ սովորել: Դա այն ժամանակ, երբ նրանք դեռ մանկապարտեզում էին: Երբ երեխաներին արտահայտվելու հնարավորություն ենք տալիս, այնքան տարբերվող մտքեր ենք լսում, որ ինքներս սկսում ենք մտածել դրանց մասին»:

 Կանոն N5. Երկու օրական երեխան արդեն խելացի մարդ է

Համոզվել է երկու դուստրերի դեպքում էլ՝ հենց ի սկզբանե երեխան պետք է գիտակցի, որ ձևավորված անհատականություն է. «Բոլոր երեխաները խելացի են ու սովորում են ծնված օրվանից, պարզապես ծնողները պետք է գիտակցեն դա: Դաստիարակությունը սկսվում է ոչ թե այն ժամանակ, երբ երեխան խոսում կամ քայլում է, ոչ թե նույնիսկ ծնված օրվանից, այլ այն ինն ամիսների ընթացքում, որ նրանք մայրիկի հետ են»:

Եվ վերջում խորհուրդ, որը չիմանալու դեպքում կձախողեք մյուս կանոնները. Երեխաները ոչ թե ծնողների խոսքերից են սովորում, այլ արարքներից: