Նառա. Խաբել` չամաչելու աստիճան
փող
Ամեն ինչ կախված է փողից: Մարդիկ կարող են դա հերքել, փորձել երևալ ավելի լավը` ցույց տալով, թե փողը նրանց համար ոչինչ, բայց ես այդպես չեմ կարծում: Այսօր մեր իրականության մեջ ամեն բան հենց այդ թղթերից է կախված:
սեր
Ես սեր տալիս եմ անընդհատ ու ամեն վայրկյան ու պահանջում եմ, ոչ թե սպասում եմ, այլ հենց պահանջում եմ, որ ինձ էլ սեր տան: Ես խեղդվում եմ առանց սիրո: Կա կին-տղամարդ սեր, ծնողի, երեխայի, ընկերների… Ես սիրո բոլոր դրսևորումներն էլ իմ մեջ կրում եմ: Ես սիրառատ եմ: Չեմ վախենում սիրել:
հեռանալը
Հեռանում են սիրելով: Ես միշտ (հիմնականում հենց այդպես էլ պատահում է) հեռանում եմ սիրելով: Պարզապես պահ է գալիս, երբ ուղեղդ, որ, այդ սիրուց արբած, փորձում էր շատ բան չհասկանալ, սկսում է գործել ու հաղթում է սրտին:
դավաճանություն
Անսահման տհաճություն, զզվանք: Փակ է. դավաճանությունը տեղ չունի իմ կյանքում: Անգամ այդ բառը արտասանել չեմ ցանկանում:
ՄՈՆՈԼԳՆԵՐ
- Անահիտ Բախշյան. Շատերի համար եմ ատելի, որովհետև լռել չեմ կարողանում
- Արտակ Հերիքյան. Պետք է մի լավ «ցած ընկնել», որ հետո վերածնունդ լինի
- Արման Նավասարդյան. Քաղաքացիական պարտքը ժամանակին հարկերը մուծելն է
ընկերներս
Կյանքս առանց ընկերների չեմ պատկերացնում: Բացի ընտանիքիցս ու բարեկամներիցս՝ նրանք պետք է լինեն իմ կյանքում, որպեսզի ես լինեմ լիարժեք: Ընկերներիս ընտրում եմ անգիտակցաբար, զգում եմ, որ իմն է:
երբեք չեմ ների
Ես երբեք չեմ ասում` երբեք: Ես շատ անկանխատեսելի մարդ եմ: Մեկ էլ այնպիսի մի բան կանեմ, որինքս ինձ վրա կզարմանամ:
վախենում եմ
Միայն հարազատներիս համար եմ վախենում: Վախենում եմ, որ պատերազմ կլինի: Ինձ համար չեմ վախենում երբեք: Փոքր ժամանակ շատ վախկոտ երեխա էի, ամեն բանից էի վախենում` ջրից, բարձրությունից: Հիմա ինքս ինձ հաղթահարել եմ: Ես անվախ եմ:
ինձ պակասում է
Էլեմենտար մարդկային վերաբերմունքը, ժպիտը, լավ ու բարի խոսքը: Երբ ուղղակի ժպտում ես կողքովդ անցնողին ու ասում ես, որ նա գեղեցիկ է: Շատ է պակասում սերը կողքինի հանդեպ: Մարդիկ չեն սիրում միմյանց. սա սխալ է, այդպես չպետք լինի:
եղիցի
Կուզեի` ոչ ոք այս փոքրիկ քաղաքից չգնար: Ընկերներս չհեռանային, իրենց հայրենիքում լինեին երջանիկ: Երբ տեսնում եմ, թե հայրենիքս ինչպես է դատարկվում, սարսափում եմ: Ես ինքս փորձեցի ապրել արտասահմանում, չկարողացա. այս հողը շատ եմ սիրում, ուզում եմ՝ բոլորը այդպես սիրեն Հայաստանը ու չկարողանան լքել այն:
երջանիկ եմ
Հիմա՝ հենց այս պահին, երջանիկ եմ: Չեմ հավատում կատարյալ երջանկությանը, որովհետև ոչ մի բան կատարյալ չի լինում: Հիմա ունեմ սիրող ամուսին, երեխաներ:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)