newmag / summer fest-ին ելույթ կունենան Ինգա Արշակյանը, Միհրան Ծառուկյանը, Արփի Գաբրիելյանն ու Մոս Մովսիսյանը

Գրքի շնորհանդեսները, պանելային քննարկումները, գրական միջոցառումները կընդմիջվեն համերգային ծրագրերով։ Հայ սիրելի արտիստները հանդես են գալու յուրօրինակ կատարումներով։ Նրանց երգացանկից արդեն հայտնի ու սիրելի կատարումներին զուգահեռ, հնչելու են նոր գործերԼ

newmag / summer fest 2024-ի առաջին օրը՝ հունիսի 22-ին, 17:00 ելույթով հանդես կգան «Կոմիտասի քառյակն» և «Ջազ տրիոն»։  Համերգի խորագիրն է «Դասական՝ համեմված ջազով։ Այս տարի «Կոմիտասի անվան ազգային քառյակը» իր 100-ամյակի առիթով հանդես կգա համերգային ծրագրով։ Քառյակը 1924թ. հիմնադրել են Մոսկվայի կոնսերվատորիայի հայ տաղանդավոր ուսանողները։ Հայաստանի կառավարության որոշմամբ 1932-ին նրան շնորհվեց մեծն Կոմիտասի անունը: Գրքի և արվեստի փառատոնին վայելեք «Կոմիտասի ազգային լարային քառյակի» ու «Ջազ տրիոյի» ելույթները։ 

---

NEWMAG / SUMMERFEST-2024-Ի ԱՄԲՈՂՋԱԿԱՆ ԾՐԱԳԻՐԸ

---

Գրքի և արվեստի փառատոնի առաջին օրը կեզրափակվի տոնական համերգով։ Ելույթ են ունենալու Միհրան Ծառուկյանն ու Արփի Գաբրիելյանը։ Երգիչները հանդես կգան ինչպես առանձին, այնպես էլ դուետ կատարումներով։ Ամառային Party-ի խորագրով համերգային ծրագրում ընտրել են  տարբեր տարիների հայտնի գործերից մինչև նոր երգեր։ 

Կարդացեք նաև

• Newmag Reader’s Prize-ն այս տարի հրատարակչությունը կհանձնի աղետի գոտի հայտարարված Ալավերդիի Թումանյանի անվան քաղաքային գրադարանին
• Մոնո, ֆոտո, պոեզիա / Գրքի ու արվեստի փառատոնին՝ մշակութային բազմաժանր ծրագրեր
• Չկա ավելի լավ ներդրում, քան ներդրումը քո ուժերի և զարգացման մեջ. «Երազ Փրոջեքթսի» համահիմնադիր Անժելա Պետրոսյան

Summer fest-ի երկրրորդ օրը կրկին սպասվում է համերգային երկու հագեցած ծրագիր։ 21:30-ին բեմում կլինի Մոս Մովսիսյանը։ Երիտասարդ ու խոստումնալից արտիստը հատուկ փառատոնի համար պատրաստել է ծրագիր, որտեղ ընդգրկված են հեղինակային կատարումներ ու հայտնի երգեր։

Երկար դադարից հետո մեծ բեմ է վերադառնում Ինգա Արշակյանը։ Երկար տարիներ ԱՄՆ-ում ապրելուց ու ստեղծագործելուց հետո ՀՀ վաստակավոր արտիստը որոշել է վերադառնալ։ Նրա առաջին մեծ համերգներից մեկը տեղի կունենա newmag-ի ամառային փառատոնին։ Ինգա Արշակյանը ելույթ է ունենալու փառատոնի 2-րդ օրը՝ հունիսի 23-ին, 22:00։ 

Կարդացեք նաև

• Newmag summer fest/Նոր գիրք/ Հենրի Քիսինջեր. «Արհեստական բանականությունը և մարդկության ապագան» գիրքը (թրեյլեր)
• Newmag / summerfest-ին տեղի կունենա ամռան գլխավոր թրիլլերի շնորհանդեսը / Քարեն Մակմանուս. «Մեզնից մեկը հաջորդն է» (թրեյլեր, թիզեր)
• Summer fest-ին Newmag-ը կներկայացնի իր առաջին խոհարարական գիրքը / Քրիստինե Գրիգորյան. «Ավանդական ճաշասեղան. բույրեր, համեր, հուշեր Գավառից» (թրեյլեր)