Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)

1938 թվական, Փարիզ, «Անմարդկայնության լաբիրինթոս» վեպը մեծ իրարանցում է առաջացնում փարիզյան գրական կյանքում։ Գրողը, որին համամատում են նույնսիկ Արթյուր Ռեմբոյի հետ, գրքի հրատարակումից հետո անհետանում է: Տարիներ հետո՝ մեր օրերում, գիրքը հայտնվում է սենեգալցի երիտասարդ գրողի մոտ: Դիեգան Լատիր Ֆայեն տպավորվում է ու որոշում է բացահայտել հեղինակի առեղծվածային անհետացումը:

Մոհամեդ Մբուգար Սառ. «Գիրքը կորստի մասին է՝ կորցրած գրքի, կորած հեղինակի: Յուրաքանչյուր կերպար փորձում է բացահայտել, թե ինչի մասին է Կորուսյալ գիրքը, կամ ինչ է նշանակում այն իր համար: 

Իմ գրքում մենք չենք կարդում այդ կորած գիրքը, ընդամենը մի քանի նախադասություն է, և անհետանում է: Մենք այն ընթերցում ենք գիրքը կարդացած մարդկանց ապրումների միջոցով: Սա կորցնելու ու գտնելու ուղիղ կապն է»:

«Հիշողության թաքստոցում» գիրքը ինտելեկտուալ դետեկտիվ է, և ինքնաճանաչման ու սիրո պատմություն, բայց նաև՝ ռեպորտաժ, փիլիսոփայական էսսե, ինքնակենսագրական ու նույնիսկ քաղաքական պամֆլետ: Սառի մյուս վեպերի պես։

Մոհամեդ Մբուգար Սառ. «Գրականությունն, իրոք, կարող է ապահով տեղ լինել, բայց գրականությունը նաև քաղաքական դաշտ է: Գոնկուրյան մրցանակ ստանալուց հետո պարզեցի, որ գրականությունը քաղաքական կառուցվածք ունի, և կարող է նույն կերպ ձևափոխել մեր աշխարհը՝ մշակույթների երկխոսության, գեղեցիկ գաղափարների միջոցով»:

Մոհամեդ Մբուգար Սառի վեպը փիլիսոփայական մտորումներ է ստեղծագրության ու կյանքի, Աֆրիկայի ու Արևմուտքի երկրների բարդ հարաբերությունների և ընտրության մասին:

Կարդացեք նաև

• Ֆրանկոֆեստին Newmag-ը կներկայացնի Մոհամեդ Մբուգար Սառի «Հիշողության թաքստոցում» վեպը (թրեյլեր)
• Տեղի ունեցավ Մոհամեդ Մբուգար Սառի «Հիշողության թաքստոցում» գրքի հեռուստաշնորհանդեսը (տեսանյութ)