Աշխատավարձերը բարձր, հարկերը ցածր. ի՞նչ է առաջարկում Նիկոլ Փաշինյանը
Կառավարության ղեկավարն առաջարկում է՝ մինչև 250 հազար դրամ աշխատավարձ ստացողների եկամտահարկը դարձնել 20 տոկոս, դրանից ավելի ստացողներին հարկել 25 տոկոսով: Երկրորդ տարբերակով առաջարկվում է բոլորի համար սահմանել 23 տոկոս եկամտահարկ՝ անկախ աշխատավարձի չափից: Դավիթ Անանյանը հակված է վարչապետի առաջարկած համահարթ հարկման տարբերակին: Այսինքն ունենալ այնպիսի համակարգ, որ բոլոր չափի աշխատավարձերի համար լինի 23 տոկոս եկամտային հարկ, շահութահարկի եւ դիվիդենտի հարկի հանրագումարը եւս լինի 23 տոկոս:
«Այս 23 տոկոսն էլ պետք է ժամանակի ընթացքում իջնի, բայց ինչ տեմպերով, տարեկան քանի տոկոսով, այս պահին չեմ կարող ասել: Այս 23 տոկոս սահմանը նպատակ ունի ստվերից բերել դեպի թափանցիկ դաշտ այն եկամուտները, որոնք դեռևս վճարվում են ծրարով», - ասում է Դավիթ Անանյանը:
Ինքնազբաղվածներ, ընտանեկան ձեռնարկատիրության սուբյեկտներ, արտոնագրային հարկի դաշտում գործողներ, շրջանառության հարկով հարկվողներ եւ հարկման ընդհանուր համակարգով հարկվողներ: Գործող հարկային օրենսգրքի 5 այլընտրանքային համակարգից կմնան երեքը:
«Այսինքն այս համակարգում գործողների հարկային բեռը առնվազն պետք է հավասար լինի ,եթե ոչ ավելի լինի հարկման ընդհանուր դաշտում գործողների հարկային բեռից»,- ասում է Դավիթ Անանյանը:
Կարդացեք նաև.
Ստարտափի լավագույն տարիքը. միֆեր՝ երիտասարդ գործարարների մասին
FAANG ոճի աշխարհը. Կյել Նորդստրյոմը Հայաստանում բացահայտել է գումար վաստակելու բանաձևը
Ուորեն Բաֆեթը՝ հարստության, սրբերի, սեքսի, փոսի, փողի և պարկի մասին
Այս տարվա ութ ամիսների ընթացքում, միասնական գանձապետական հաշվին հարկ վճարողներից մուտքագրվել է 880 մլրդ. դրամ: Անցած տարվա 8 ամիսներին հավաքվել էր 759 մլրդ. 200մլն. դրամ: 2018-ի 8 ամիսներին անցած տարվա 8 ամիսների համեմատ աճը կազմել է 15.9 տոկոս: Դավիթ Անանյանի խոսքով՝ Հայաստանում կան ոլորտներ, որտեղ տարիներ շարունակ հարկեր չվճարելու ավանդույթ է ձևավորվել: Օրինակ՝ մշակույթի ոլորտում:
«Միակ մշակութային գործիչը, ով երբևէ հայտարարագիր է ներկայացրել՝ ՀՀ ժողովրդական արտիստ Տիգրան Մանսուրյանն է», - ասում է Դավիթ Անանյանը:
Տոնավաճառների առեւտրականները բողոքում են, որ ներմուծվող ապրանքների մաքսազերծման արժեքը կրկնակի աճել է: Դավիթ Անանյանը հայտնեց՝ մինչեվ «Նորֆոլկ»-ում չարաշահումներ հայտնաբերելը, Չինաստանից ներմուծվող բեռները մաքսազերծվում էին 2,55 դոլար կիլոգրամի դիմաց եւ 70 սենթ վճարվում էր «Նորֆոլկ» -ին ծառայությունների դիմաց: Անանյանի հաշվարկով՝ ընդհանուր բեռի գումարը կազմում էր 3,2 դոլար:
«Հիմա մենք ասում ենք, որ միայն հագուստեղենի եւ կոշկեղենի համար 3,25-ի փոխարեն պետք է վճարեք 3,75 դոլար, այն էլ ձեր ընտրությամբ է, իսկ մնացածի համար պետք է կատարվի ըստ տեսականու մաքսազերծում»- ասում է Դավիթ Անանյանը:
Դավիթ Անանյանը հնարավոր համարեց, որ օրենքով գործող բեռնափոխադրողները որոշ չափով բարձրացրել են տեղափոխման սակագները:
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)