Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)

Ռուբեն Վարդանյանն իր ընտանիքի և գործընկերների հետ Հայաստանում, Արցախում և Սփյուռքում անցած 20 տարում նախաձեռնել և իրականացրել է շուրջ 700 միլիոն դոլար արժողության 700 նախագիծ։ Forbes-ի տվյալներով՝

• 202 միլիոն դոլար հատկացվել է կրթության ոլորտին,
  
• 68 միլիոն դոլար՝ մարդասիրական նախաձեռնություններին,
  
• 20 միլիոն դոլար մշակույթին և պատմամշակութային ժառանգության պահպանմանը,
  
• 108 միլիոն՝ զբոսաշրջային, քաղաքաշինական նախագծերին,
• 13 միլիոն գիտության, առողջապահության և ագրոէկոլոգիայի բնագավառին: 

2001 թվականին հիմնադրված «Հայաստան 2020» նախագծով աշխարհի լավագույն խորհրդատվական ընկերությունների հետազոտություններ են կատարվել 14 թեմայի շուրջ։ Մշակվել է Հայաստանի զարգացման 4 սցենար:

Ռուբեն Վարդանյանի իրականացրած Ամենահայտնի նախագծերն են՝

• UWC Դիլիջանի միջազգային դպրոցի հիմնումը
  
• Տաթևի վերածնունդ նախագիծը. կառուցվեց աշխարհի ամենաերկար ճոպանուղին, նորոգվեց վանականհամալիրը, աջակցություն տրվեց զբոսաշրջային ենթակառուցվածքների զարգացմանը
  
• Ավրորա մարդասիրական նախաձեռնությունը
  
• Հայաստանի գիտության եւ տեխնոլոգիաների (FAST) հիմնադրամը
  
• ՍԿՈԼԿՈՎՈ բիզնես դպրոց Ռուսաստանում
  
• «Մատենա» առաջնորդության և մասնագիտական զարգացման միջազգային դպրոցը Հայաստանում
  
• Ռուբեն Վարդանյանը նաև հոգևոր ու պատմամշակութային նախագծեր է իրականացրել.
  
• Մոսկվայի հայկական գլխավոր եկեղեցու համահիմնադիրն է
  
• Թբիլիսիի հայկական գլխավոր տաճարի վերականգնողներից մեկը
  
• Գյումրիում նախաձեռնել է պատմամշակութային վերականգնողական բազմաթիվ նախագծեր
  
• Աջակցել է Հայաստանում բազմաթիվ եկեղեցիների վերականգնմանը
  

Անցած 20 տարում Ռուբեն Վարդանյանի մեծածավալ նախաձեռնություններ է իրականացրել նաև Արցախում։ 2008 թվականին նա միացավ 700 հարսանիքի նախագծին, նախաձեռնեց եկեղեցիների ու նաև Շուշիի մզկիթի վերականգնումը: Արցախի շրջափակման ծանր օրերին «Մենք ենք մեր սարերը» գործակալությունը բարեգործական ու սոցիալական ծրագրեր էր անում, դիզվառելիքի և բենզինի բացակայության պայմաններում էլեկտրամոբիլով հիվանդանոց էր տեղափոխում հղի կանանց, երկու սոցիալական-բարեգործական ճաշարանում արցախցիները սնվում էին:

Ռուբեն Վարդանյանի հարյուրավոր նախագծերն ու Հայաստանի, Արցախի, Սփյուռքի զարգացմանն ու բարգավաճման ուղղված հարյուր միլիոնավոր դոլարների ներդրումները ոչ այնքան ու ոչ միայն փողի, որքան հայկական աշխարհը միավորելու համար է: Ոգեշնչում ու կապում է իրարից անկախ հայ ձեռնարկատերերի ու բարերարների՝ հանուն Հայաստանի ու աշխարհասփյուռ հայության:

Կարդացեք նաև

• Newmag-ը հրատարակել է Ռուբեն Վարդանյանի մասին գիրքը՝ «Ռուբենը» (թրեյլեր)
  
• Սա արդարության կոչ է. Newmag-ը ներկայացրեց «Ռուբենը» գիրքը հայերենով (լուսանկարներ)
• Ինչպես և երբ ձերբակալվեց Արցախի պետնախարար, բարերար Ռուբեն Վարդանյանը (տեսանյութ)