Ո՞վ է «Անդրանիկի վերջին ձին» գրքի հեղինակը. 10-ը փաստ նրա մասին (տեսանյութ)

1.Առաջին գրականգործը գրել է 10 տարեկանում: «Երբ ես հեքիաթ էի» պատմվածքը տպագրվել է «Պիոներ կանչ» մանկապատանեկան թերթում:    

2. Նորից սկսել է գրել 25 տարեկանում: Գեղարվեստական գրքերից հետո եկավ վեպերի ու գիտահանրամատչելի աշխատանքների ժամանակը:  

3. 2016-ին Սուսաննա Հարությունյանի ամենահայտնի վեպը՝ «Ագռավները Նոյից առաջ» արժանացել է նախագահի մրցանակի: Հեղինակն անդրադառնում է Ցեղասպանությունից փրկվածների հետագա ճակատագրին: Ինչպես են մարդիկ երկրորդ կյանք ստանում, բայց չեն ազատվում առաջին կյանքի սարսափներից:  

4. Սուսաննա Հարությունյանի ստեղծագործությունները թարգմանվել են անգլերեն, պարսկերեն, հունարեն, ռումիներեն, ադրբեջաներեն, գերմաներեն, ղազախերեն և այլլ եզուներով:  

5. Հարությունյանի «Ներդաշնակությունը» պիեսը թարգմանվել է պարսկերեն, բեմադրվել Իրանի Իսլամական Հանրապետությունում:

6. Գրողն ասում է, որ իր վեպերի գլխավոր հերոսները հիմնականում գյուղի մարդիկ են: Սուսաննա Հարությունյանը ծնվել է Վարդենիսում, գյուղն ու գյուղի մարդիկ, գյուղական կյանքի դժվարություններն իր սիրելի թեմաներն են:

7. «Անդրանիկի վերջին ձին» գործի հեղինակն իրեն կոչում է իրատես: Գրում է այն ամենը, ինչը տեսնում է: Չի խտացնում գույները, չի չափազանցնում: Խոստովանում է, որ իր ստեղծագործություններում երեւակայական մասը բացակայում է:  

8. Կյանքի ու գրականության արանքում կանգնած է հեղինակը: Գրողը կարծում է, որ կյանքն ու թեմաները չեն փոխվում, փոխվում են գրողներն ու նրանց տեսակետը:  

9. Անկախության տարիները հայ գրողների համար Սուսաննա Հարությունյանը համարում է մեկուսացման տարիներ: Այսքան չեն վաստակում, որ ճամփորդեն, շփվեն մյուս երկրների հեղինակների հետ: Արդյունքում, առաջանում է ճեղք՝ աշխարհի ու գրողների միջև:  

10. 2012 թ․ «Էդիտ Պրինտ» հրատարակչության հետ հիմնել է արձակագիրների «Կայարան» ակումբը և համանուն գրական հանդեսը, որի խմբագիրն է։ 2015 թ․ «Կայարան» գրական ակումբն անցկացրել է դպրոցականների «Հասկեր» գրական ստեղծագործությունների ամենամյա մրցույթը: 

Կարդացեք նաև

• Newmag-ը ներկայացնում է Սուսաննա Հարությունյանի նոր՝ «Անդրանիկի վերջին ձին» վեպը (թրեյլեր)
• Տեղի ունեցավ հայ ժամանակակից հայտնի գրող Սուսաննա Հարությունյանի «Անդրանիկ վերջին ձին» վեպի շնորհանդեսը (լուսանկարներ)