Newmag Summer Fest-ին տեղի ունեցավ Ֆերնանդո Արամբուրուի «Հայրենիք» գրքի շնորհանդեսը (տեսանյութ, լուսանկարներ)
«Հայրենիքը» պատմում է երկու բասկ ընտանիքի մասին, որոնց ընկերությունը խաթարում է մեկ կրակոց։ Անկախության շարժմանն ուղեկցած ահաբեկչության հետևանքները շատ ավելի սարսափելի են եղել։ Հենց սա է ցույց տալիս հեղինակը՝ պատմական ու քաղաքական կարևոր իրադարձությունները դիտարկելով մարդու ճակատագրի կոնտեքստում: Ֆերնանդո Արամբուրուի գրքի շնորհանդեսը տեղի ունեցավ ամառային գրքատոնին:
Գրականագետները Ֆերնանդո Արամբուրուին համարում են ժամանակակից իսպանական գրականության ամենաառանցքային մի քանի դեմքերից մեկը: Նրա «Հայրենիք» գիրքն արժանացել է հեղինակավոր մրցանակների, Իսպանիայում վերահրատարակվել է 12 անգամ, վաճառվել է ավելի քան 1 միլիոն օրինակ, նաև էկրանավորվել է: Եվրոպական Միության «Ստեղծարար Եվրոպա» ծրագրի օժանդակությամբ Newmag-ի հրատարակած գիրքը հնարավոր է կարդալ նաև հայերեն:
Նա գործերում ի ցույց դնում հարազատ համայնքի ու ժողովրդի սոցիալական չերևացող խնդիրները, որոնք անտեսելը կարող է հանգեցնել ողբերգությունների:
Արամբուրուի ժողովուրդը տասնամյակներ լռել է՝ կրելով անցած դարավերջի ահաբեկչություններից մնացած խորը սպին: Ըստ նրա, իր բոլոր գրքերը մարդու մասին են, մարդկային տառապանքների և նրանց դեմ իրականացրած խոշտանգումների: Արամբուրուն «Հայրենիք» գրքով փորձել է լուծումներ գտնել։
Կարդացեք նաև
- Newmag Summer Fest-ին տեղի կունենա իսպանացի ամենահայտնի գրող Ֆերնանդո Արամբուրուի «Հայրենիք» էպիկական վեպի շնորհանդեսը (թրեյլեր)
- Newmag-ը հայ ընթերցողին է ներկայացնում Գեորգի Գոսպոդինովի վեպը՝ «Տրտմության ֆիզիկան» (լուսանկարներ, տեսանյութ)
- Խճճված ճակատագրերն ու բարդ հարաբերությունները՝ իսպանական ժամանակակից բեսթսելլերում (տեսանյութ)