Եկատերինա Վոլկովա. Դերասանությունը վերապրելու մասնագիտություն է

Եկատերինա Վոլկովա. Դերասանությունը վերապրելու մասնագիտություն է

Ռուսական թատրոնի պահանջված դերասանուհի Եկատերինա Վոլկովան հայտնվել է Վիգեն Մնոյանի ֆոտոխցիկի առջև ու պատմել դերասանական արվեստի բարդությունների մասին:

Նրան ճանաչում են որպես «Disney» հեռուստաալիքի «Мама на 5+» նախագծի հաղորդավարի, հետո՝ որպես մոդելի, տարիներ անց՝ որպես կինոյի ու թատրոնի հաջողակ դերասանուհու: Ամբողջ Ռուսաստանը նրան քաջալերում էր «Ֆորտ Բոյար» նախագծում՝ հավատով, որ եզրափակիչ փուլում հենց նա ձեռք կբերի բաղձալի բանալին: Նա 41 տարեկանում հասցրել է ամուսնալուծվել 3 անգամ, բայց բաց չի թողել որևէ դեր ու ներկայացում:

66-85

– Եկատերի՛նա, ինչպե՞ս ընտրեցիք դերասանուհու բարդ ուղին:

– Դերասանությամբ սկսեցի զբաղվել հանգամանքների բերումով: Երբ դեռ չէի որոշել՝ որտեղ ուսանել, մայրս մի հայտարարություն ցույց տվեց թերթում: Դերասանների ընդունելություն էր մեր «Անիվ» թատրոնին կից՝ ԳԻՏԻՍ-ի մասնաճյուղում: Այդպես ես սկսեցի կարիերաս:

– Հիշո՞ւմ եք, թե որն էր Ձեր առաջին դերը:

– Ես սովորել եմ Մարկ Զախարովի կուրսում: Իմ հայտնվելն այնտեղ շատ առեղծվածային էր: Սկզբում երկու տարի սովորել եմ Յարոսլավլում ու հենց այնտեղ 1998 թ. Ֆյոդոր Վոլկովի անվան թատրոնում խաղացել տնային դաստիարակչուհի Նաստենկայի դերը Դոստոևսկու «Ստեպանչիկովոյի գյուղն ու բնակիչները» վեպի հիմա վրա բեմադրված ներկայացման մեջ: Այն կոչվում էր «Թովմաս»:

66-91

– Դուք վերապրո՞ւմ եք Ձեր հերոսների հույզերը, և դա կարևո՞ր է դերասանի համար:

– Իհարկե: Դերասանը առաջին հերթին անհատականություն է: Նրա ապրումները, կյանքի փորձը բնականություն են հաղորդում խաղին: Ընդհանրապես դերասանությունը վերապրելու մասնագիտություն է:

– Ձեր հերոսուհիները հետք թողնո՞ւմ են Ձեր անձի վրա:

– Այո՛, իհարկե: Խաղալիս կերպարանափոխվում եմ, որոշ ժամանակ մտնում տվյալ հերոսի դերի մեջ, և հերոսուհու փորձը դառնում է իմը: Ես խաղացել եմ լրագրող ներկայացող լրտեսի դեր. այն ժպիտ է առաջացնում: Նա ժպտում էր և դուրս գալիս ամենաանհավանական իրավիճակներից: Ինձ այդ դերը շատ բան սովորեցրեց: Վալենտինա Մալցևան ինձ սովորեցրել է, որ ժպիտն ու հումորը փրկություն են ցանկացած իրավիճակում:


[ Portfolio ] Վիգեն Մնոյանի հետ


– Դուք երկար տարիներ խաղում եք Մարգարիտայի դերը: Ի՞նչ կպատմեք այդ դերի մասին: Ամեն անգամ նոր բան ավելացնու՞մ եք:

– Ես մոտ տասներկու տարի Մարգարիտա եմ խաղացել Ստանիսլավսկու անվան թատրոնում: Այժմ ընդմիջում եմ տվել, որովհետևայդ դերը, իսկապես, շատ ծանր է: Ես գնացի քահանայի մոտ և խնդրեցի օրհնել իմ այդ դերը, որովհետև ես ստիպված էի լինում մթության մեջ ցատկել 3 մետր բարձրությունից, ինձ պետք է բռնեին ուսանողները:Մի անգամ, երբ փրոմո հոլովակէինք նկարում, ես կրկին պետք է թռչեի բարձրությունից: Ու երբ թռա, ու ուսանողները բռնեցին գլխիցս, ես ողնաշարի խախտում ստացա, սակայն շարունակեցի խաղալ: Յոգայի պարապմունքներն ինձ օգնեցին վերականգնել առողջությունս:

Գրել կարծիք