Ալինա Մարտիրոսյանի բալետային չկայացած թռիչքը

Ալինա Մարտիրոսյանի բալետային չկայացած թռիչքը

Հեռուստասերիալների հայտնի դերասանուհի Ալինա Մարտիրոսյանը անկեղծացել է Վիգեն Մնոյանի տեսախցիկի առաջ, թե ինչո՞ւ չդարձավ բալետի պարուհի և ինչպե՞ս հայտնվեց մեծ էկրանին:

-Պարարվեստի ուսումնարանից մինչև կինո՝ ինչպե՞ս է ստացվել այդ անցումը:

Պարարվեստի ուսումնարանը չեմ կարողացել ավարտել: Խնդիրներ ունեցա ծնկներիս հետ կապված և կիսատ թողեցի  բալետային ուսումս: Դավիթ Բաբախանյանից հրավեր ստացա «Պահանջվում է միլիոնատեր» ֆիլմում նկարահանվելու համար, իսկ առաջին հեռուստանովելը, որտեղ նկարվել եմ, եղել է «Անուրջներ»-ը:

DSC_7950_1m-(2)

-Չե՞ս կարոտել պարը: Երբևէ կվերադառանա՞ս նախկին մասնագիտությանը:

Շատ-շատ եմ կարոտել, բայց, ցավոք, դասական պարարվեստի դռները մեկըդնմիշտ փակ են ինձ համար: Տարիքս այլևս թույլ չի տալիս: Դասականն ինձ համար կատարելություն է:


[ Portfolio ] Վիգեն Մնոյանի հետ


-Սերիալները ի՞նչ սովորեցրին:

Հեռուստասերիալները սովորեցրեցին կյանքում լինել պոզիտիվ: Անգամ ամենավատ մեկնաբանությանը նայել դրական:

-Տեղի՞ն են այն քննադատությունները, որոնք հնչում են սերիալների հասեցին:

Իրականում կան տեղին քննադատություններ: Դրանք այն սերիալների հասցեին են, որոնք իսկապես  ցածրորակ են: Մնացած հեռուստանովելների մասին ոչ մի մեկնաբանություն չեմ կարող անել:

DSC_8077m

-Եթե հայտնի, ապա անհարկի մեկնաբանություններ. ինչպե՞ս ես դրանց արձագանքում:

Սկզբում շատ ցավոտ ու սրտիս մոտ էի ընդունում: Տարիներիը  սովորեցրին սովորական վերաբերել: Պարզ է, որ մեկին չեն կարող սիրել բոլորը: Կան նախանձ մարդիկ ու կան այնպիսի մարդիկ, որոնք սիրում են քննադատել:

-Տղադ արդեն մեծ է: Ինչպե՞ս է աջակցում հայտնի մայրիկին:

Կոնկրետ ֆիլմերի առումով չի աջակցել: Առհասարակ նրան դուր չի գալիս, որ ես շոու-բիզնեսում եմ: Նա  չի ցանկանում, որ ես նկարահանվեմ ֆիլմերում:

DSC_7919_1m

-Մի անգամ ասել ես, որ երգելը առաջնային տեղում է: Հնարավո՞ր է մի օր տեսնենք երգչուհի Ալինա Մարտիրոսյանին:

Եթե երգեմ, միայն Աստծուն փառաբանող երգեր:

-Կիսում ես այն տեսակետը, որ մարդ պետք է միայն իր գործով զբաղվի, որպեսզի լինի պրոֆեսիոնալ:

Այո, կարծոում եմ, որ ավելի լավ է աճել  մեկ մասնագիտության մեջ, քան ունենալ շատ աշխատանք, բայց ոչ մի տեղ չհասնել:

-Ե՞րբ ես տխրում:

Տխրում եմ, երբ ինձ կատարյալ մենակ եմ զգում: Ուրախանում եմ, երբ սիրված եմ: Ներողություն խնդրելը ինձ համար սկզբունքային է. եթե սխալվում եմ ինչ-որ հարցում, ապա պարտադիր պետք է ներողություն խնդրեմ: Կնոջ կյանքում ամենամեծ երջանկությունը սիրված և գնահատված լինելն է:

Գրել կարծիք