Ձեր բջջայինը 10 անգամ ավելի կեղտոտ է, քան զուգարանակոնքը. ահա, թե ինչու
Բջջայինը դարձել է կյանքի անբաժանելի մաս, ավելին այն մասնակցում է մեր առօրյայի բոլոր ռիտուալներին` ճաշի սեղանից մինչև բժշկի գնալ: Բայց ուսումնասիրությունը ցույց է տվել, որ բջջայինները շատ ավելի միկրոբ ու բակտերիա են պարունակում, քան մարդիկ կարծում են:
Ըստ էության, ձեռքերը հենց այդ բակտերիաները փոխանցողներն են, որոնք ավելի ուշ հայտնվում են բջջայինի վրա: Վերջին հետազոտության համաձայն, մարդիկ իրենց բջջայինը ստուգում են օրվա մեջ 47 անգամ, ինչը միկրօրգանիզմների համար հնարավորությունն է ձեռքերից տեղափոխվելու հեռախոսի վրա:
Միչիգանի համալսարանի Առողջապահության ֆակուլտետի դասախոս Էմիլի Մարտինի խոսքով, կապ չունի, եթե Դուք ձեր ձեռքերը լվանում եք, որովհետև դրանից առաջ և հետո միևնույն է հպվում եք հեռախոսի հետ, որի վրայի բակտերիաները շատ արագ վերադառնում են ձեռքերը:
Հետազոտության համար, ավագ դպրոցի աշակերտի հեռախոսի վրա կան 17 հազար բակտերիայի մանրէներ: Արիզոնայի համալսարանի գիտնականները պարզել են, որ բջջայինների վրա կա 10 անգամ ավելի շատ մանրէ, քան զուգարանակոնքի վրա:
Առողջության մասին կարդացեք նաև.
- Գիտնականները ուսումնասիրում են շիմպանզեների սննդակարգը . այն կարող է հուշել քաղցկեղի բուժումը
- Ինչ անել, եթե ամեն ինչ անում եք՝ քաշը պակասացնելու համար, սակայն անօգուտ
- Ի՞նչն է սպանում մեր ուղեղն արագ, անվճար ու առանց գրանցման
Գիտնականները նշում են, որ այսպես թե այնպես մեր ձեռքերի վրա կան միկրոբներ, որոնք առողջությանը վտանգ չեն ներկայացնում: Ուղղակի այդ միկրոբները մաշկի բնական յուղայնության պատճառով փոխանցվում են հեռախոսին` ամեն անգամ երբ մենք զանգում ենք, էլ. նամակ կամ կարճ հաղորդագրություն ուղարկում: Հետազոտության համար, բջջայինների վրա հայտնաբերված միկրոբներից դուք չեք հիվանդանա: Օրինակ, բջջայինների վրա գիտնականները հայտնաբերել են ստաֆիլակոկի մանրէ, բայց դա դեռ չի նշանակում, որ դուք վարակված եք: Ավելին, մեզ շրջապատող միջավայրը ստերիլ չէ և հնարավոր չէ պարփակվել բացարձակ մաքուր միջավայրում:
Թեև որոշ բակտերիաների առկայությունն, այնուամենայնիվ, մտահոգիչ է: Հետազոտությունը պարզել է մի քանի վտանգավոր պաթոգեններ բջջային վրա, ներառյալ ստրեպտոկոկ (Կոկորդի ստրեպտոկոկային բորբոքումը կամ սուր ըմպանաբորբը մի հիվանդություն է, որի հարուցիչը «Ա» խմբի ստրեպտոկոկ կոչվող բակտերիան է։ Սուր ըմպանաբորբն ախտահարում է կոկորդը և նշագեղձերը), MRSA ( ստաֆիլակոկի բակտերիա, որը ախտահարում է քիթը), և էտերիխիա:
Այս բակտերիաների առկայությունը հեռախոսի վրա, դեռ չի նշանակում, որ դուք արդեն վարակված եք: Բայց դա նշանակում է, որ կա հավանականություն դրանով վարակվելու: Ավելին, դուք կարող եք վարակվել ցանկացած վիրուսով, նույնիսկ հարբուխով, եթե օրինակ ինչ-որ մեկը փռշտացել է Ձեր հեռախոսով խոսելիս ու հետո այն փոխանցել Ձեզ:
Բարեբախտաբար, կան ուղիներ չեզոքացնելու այդ միկրոբները: Նախ, որքան էլ դա անհավանական թվա, բայց դադարեցրեք օգտագործել բջջայինը զուգարանում: Ահա թե ինչու. երբ դուք զուգարանի ջուրը քաշում եք, կոյուղաջրի ցողունները հայտնվում են նաև զուգարանից դուրս և առաջին հայացքից կարող է չնկատեք, որ ջրի կաթիլ կա բջջայինի վրա:
Հեղինակի հոդվածներից կարդացեք.
- Ի՞նչ պետք է անի լրագրողն ամեն օր. մեդիա-լայֆհաք Անդրեյ Լոշակից
- #74. Սիրուշո. Իմ երգերում կան ուղերձներ, որոնք քաղաքականացված մարդը կարող է քաղաքական համարել
- «ՇԱՐՄ»-ի 1/4 ոսկեդարը. Անկախության շարմոթերապիան
Պրոֆեսորների խոսքով, բջջայինով զուգարան գնալը նույնն է, որ դրանից հետո ձեռքերը չլվանալը: Որովհետև նույիսկ եթե ձեռքերը լվացված են, ապա վայրկյաններ հետո դիպչելու ենք արդեն վիրուսակիր հեռախոսին:
Բացի զուգարանից, պետք է պարբերաբար մաքրել բջջայինի էկրանը: Շատերը դա անում են խոնավ անձեռոցիկով: Մանրէների դեմ պայքարում փորձեք այն մաքրել սպիրտային հեղուկով, որի 60%-ը ջուր է, 40%-ը` սպիրտ: Խառնեք ջուրն ու սպիրտը, թրջեք կտորով ու մաքրեք: Շաբաթը մեկ անգամ մաքրելը բավարար է: Այդքանով հանդերձ, վիրուսներից հեռու մնալու լավագույն տարբերակը օրը մի քանի անգամ ձեռքերը լվանալն է:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)