«Երկու ռոք աստղ, երկու աղջիկ՝ չհաշված Արարատը» գրքի հեղինակը հունվարի 16-ին նշում է տարեդարձը

Լրագրող, խմբագիր, մեդիա ընկերության հիմնադիր Արա Թադևոսյանը երկու տարի առաջ դարձավ նաև գրքի հեղինակ: Տասնամյակների ընթացքում հավաքված պատմությունները պետք է գրի առներ, որ ընթերցողն էլ համոզվեր՝ կյանքը երազանքներն իրականացնելու շղթա է.  «Երբ նոր էի սկսել զբաղվել լրագրությամբ, կենսաբանական գիտությունների դոկտոր ավագ հորաքույրս հաճախ էր ինձ ասում, որ պետք է անպայման գիրք գրեմ։ Ես էլ լուրջ չէի վերաբերում, մտածում էի, «պրոֆեսոր է, բազմաթիվ գիտական աշխատությունների հեղինակ, ե՞ս ինչի մասին պիտի գրեմ»»:

                                                      

Արա Թադևոսյանի երազանքի իրականացման պատմությունը համաշխարհային ռոք աստղերի՝ Իեն Գիլանի և Թոնի Այոմիի մասին է. այցը Հայասատն, օգնությունը Սպիտակի երկրաշարժից տուժածներին: Նրանք եկան խորհրդային Հայաստան, որտեղ ռոքը արգելված էր. «Շատ անկեղծ եմ գրել գիրքը, որևէ բան չկա, որ գրված է, և տեղի չի ունեցել. վերջերս ընկերներիցս մեկն ասաց, որ գրքում «խտացված էմոցիաներ են»: Չեմ թաքցնի, որ գիրքն առաջին անգամ գրել եմ ընկերներիս համար, որոնց հետ անցել ենք այդ ճանապարհը: Բայց նաև ցանկացել եմ ցույց տալ, որ եթե ինչ-որ բան շատ ես ցանկանում անել և մեծ ջանք ես գործադրում, շատ մեծ է հավանականությունը, որ կստացվի»: 

Մեծ հոդվածի գաղափարը վերածվեց գրքի ու վերնագրվեց «Երկու ռոք աստղ, երկու աղջիկ՝ չհաշված Արարատը»: Սա նաև իր սերունդի ու սերնդակիցների հուշերն են՝ նկատում է Արա Թադևոսյանը. «Ամեն սերունդ ունի իր կռիվն ու հերոսները, իր միֆերն ու առասպելները։ Ամեն սերունդ ունի նաև իր մեծ սերը, որն իր հետ տանում է տարիների ընթացքում։ Իմ սերնդի սերը գուցե ռոքն է։ Գուցե հավատն է քրտնաջան աշխատանքի նկատմամբ։ Ավելի քիչ՝ ցինիզմը, ավելի շատ՝ մարդասիրությունը։ Գուցե այդ ամենը։ Մեր սերնդին ոչնչով այլևս չես զարմացնի ու չես վախեցնի»։

Կարդացեք նաև

• Ինչպես երազանքը դարձնել իրականություն ու այդ մասին գիրք գրել. Արա Թադևոսյանը՝ Rearrange պոդքասթում (տեսանյութ)
• Ով է Իեն Գիլանի հայ ֆավորիտ երաժիշտը՝ մի հանդիպում, որ փոխեց երիտասարդի կյանքը (տեսանյութ)
• Փոքրիկ ընթերցողը «Երկու ռոք աստղ, երկու աղջիկ՝ չհաշված Արարատը» գրքի մասին (տեսանյութ)
• Կունենա՞ Արա Թադևոսյանի գիրքը շարունակություն (տեսանյութ)

Գիրք գրելուց առաջ և հետո Արա Թադևոսյանը զբաղվում է ակտիվ լրագրությամբ, իր մտքերը, խոհերը mediamax.am-ի հեղիակային սյունակներում են: Բայց խոստովանում է՝ երկու նոր գրքի գաղափար ունի, մեկը դարձյալ նոն-ֆիքշըն, մյուսը՝ գեղարվեստական։

Կարդացեք նաև

• Ով էր Նունեն, ում հոտնկայս ծափահարեց Իեն Գիլանը. մանրամասներ մեր գրքային հերոսների մասին (տեսանյութ)
• Լրիվ գիժ ես». Գիլանը պատմել է Պավարոտիի եւ Nessun Dorma-ի մասինI
• DBank-ը պարգեւատրել է մրցույթի հաղթողներին
• Ուշացած շնորհանդես խորհրդանշական վայրում, անկեղծ զրույցներ «Երկու ռոք աստղ, երկու աղջիկ՝ չհաշված Արարատը» գրքի շուրջ (տեսանյութ, լուսանկարներ)