Book donation/ Նոր Երզնկայի, Օշականի, Կարբիի և Փարպիի գրադարանները համալրվեցին 500 գրքով (լուսանկարներ)

Նոր Երզնկայի գրադարանն ունի 7387 գիրք, մոտ 400 ընթերցող, Փարպիի գրադարանը՝ 8500 գիրք, 40 ընթերցող, իսկ Կարբիինը՝ 8005 գիրք, 100 ընթերցող և Օշականը՝ 16360 գիրք ու 100 ընթերցող:

«Վերածնունդ» հիմնադրամի տնօրեն Հակոբ Հակոբյանը, կարևորելով այս նախաձեռնությունը, նշեց, որ մեկ գիրքը կյանք է փոխում. 

«Ես ծնվել, մեծացել եմ Նոր Երզնկա գյուղում և ընտրություն կատարելիս, թե որ համայքներին կարող ենք գրքեր նվիրել, մի փոքր եղել է նաև իմ դերակատարությունը: Շատ-շատ եմ կարևորում այս նաձեռնությունը։ Շատ ուրախ եմ, որ այս համայքներում մեր ներդրումը կունենանք՝ ընթերցանության տարածման գործում: 

Եթե անգամ, մեկ երեխա, մեկ պատանի, մեկ երիտասարդ Newmag-ի այս հիասքանչ նախաձեռնության շնորհիվ մոտենա գրքին, մենք կարող ենք համարել, որ ամեն ինչ հիասքանչ է: Շատ ուրախացա, երբ իմացա, որ այս նախաձեռնության շնորհիվ նոր ընթերցողներ են ավելանում: Ուզում եմ վստահ լինել, որ դրա կարիքն իսկապես կա, ու այդ գրքերը չեն հայտնվի գրադարանում ու մնան դարակներում»:

«Վերածնունդ» հիմնադրամի աջակցությամբ սա երկրորդ գրքանվիրատվությունն է: Newmag հրատարակչության գրական ծրագրերի ղեկավար Անի Հակոբյանի խոսքով, «Վերածնունդի» հետ նախաձեռնությունը կշարունակվի ևս 3 համայնքային գրադարանների համար. 

«Վստահ եմ, որ մեր 500 գրքերից յուրաքանչյուրը կգտնի իր ընթերցողին: Այն համայքներում, ուր կհասնեն մեր գրքերը, գրադարաներում կձևավորվեն ընտանեկան միջավայրեր, գրքի շուրջ կվերականգնվի ջերմ ու ընտանեկան մթնոլորտը, որը եղել է նախկինում։ 

Վստահեցնում ենք, որ այս գրքերն ընտրված ու կազմված են խնամքով: Մեր խմբագիրները, դիզայներներն ու սրբագրիչները շատ երկար ու մանրակրկիտ աշխատում են յուրաքանչյուր գրքի վրա: Հուսով ենք, որ դա կնկատվի ու կգնահատվի, կձևավորվի ընթարցանության նոր մշակույթ այդ համայնքերում»:

Աշտարակի մշակույթի պալատի տնօրեն Մարիաննա Մկրտչյանն ընդգծեց ժամանակակից ու որակյալ գրականությունը նաև մայրաքաղաքից դուրս գտնվող համայնքներին հասանելի դարձնելու անհրաժեշտությունը:

Միջոցառմանը ելույթ ունեցան Ա․ Այվազյանի անվան երաժշտական դպրոցի սաները և Փարպի բնակավայրի պարի խմբակը: Վերջում Աշտարակի համայնքապետարանն ու Աշտարակի մշակույթի պալատը շնորհակալագրեր հանձնեցին Newmag-ին ու «Վերածնունդ» հիմնադրամին։

Կարդացեք նաև

• Գրական մեծ անակնկալ. Freedom Broker Armenia-ն 1000 գիրք կնվիրի Լոռիի գրադարաններին
• Book donation. 500 գիրք՝ Ալավերդիի Հովհաննես Թումանյանի անվան քաղաքային գրադարանին (լուսանկարներ)
• Book donation / Vanadzor. 500 գիրք Վանաձորի գրադարաններին (լուսանկարներ)
• BOOK DONNATION / 250 գիրք՝ Դիլիջանի գրադարանների կենտրոնացված համակարգին (լուսանկարներ)
• BOOK DONATION/ «Վերածնունդ» հիմնադրամի օժանդակությամբ, Newmag-ը 500 գիրք նվիրաբերեց Վայքի համայնքային գրադարանին (լուսանկարներ)