«Երազ» մատենաշարը սկսել է գրքի ընթերցանություն. շաբաթը մեկ անգամ՝ զով ու ջերմ «Երազ» այգում (լուսանկարներ)

2023-ի մայիսին «Երազ Փրոջեքթսն» ու Newmag-ը «Երազ» մատենաշարով հրատարակեցին մանկական երեք գիրք. Գրագետ մատուցմամբ՝ գունազարդ ու զվարճալի առաջին գրքերից են աշխարհում ամենահայտնի ու սիրված մանկական վիպակը՝ Diary of a Wimpy Kid-ը՝ «Վտվտիկի օրագիրը», ավստրալահայ գրող-նկարազարդող Սոնա Բաբաջանյանի «Մուշի տարօրինակ ճամփորդությունը» գործը։ Մեկ գիրք էլ մատենաշարը ներկայացրեց ծնողների համար՝ «Կարգապահություն՝ առանց դրամայի»։

Մինչև կսկսվի ուսումնական տարին, «Երազ» մատենաշարը նախաձեռնել է ամառային ընթերցանության օրեր հենց «Երազ» այգում։ Սիրված հերոսները երեխաների համար կընթերցեն գրքերը, կանցկացնեն վիկտորինաներ, իսկ ամենաուշիմ մասնակիցը կարժանան մրցանակի:

Մատենաշարի գրքերից առաջինն ընթերցեցինք «Վտվտիկի օրագիրը»։ Այն համաշխարհային բեսթսելլեր է, արժանացել է բազմաթիվ մրցանակների, վաճառվել է ավելի քան 280 մլն. օրինակ։ Գրքի առաջին մասն արդեն մեծ հետաքրքրություն է առաջացրել նաև հայ դպրոցահասակների շրջանում։

Վտվտիկը սովորում է  դպրոցում, ունի օրագիր. ոչ թե գնահատականների, այլ կյանքի։ Այնտեղ իր հետ կատարվող բոլոր դեպքերը գրում է: Չկա օր, որ որևէ հետաքրքիր մի բան տեղի չունենա: Դպրոցում հաճախ նեղացնում են, ընկերություն չեն անում: Իր հետ պատահած անհաջողություններն ու տխուր բաները տղան գրում է օրագրում: Հենց այդպես էլ կարողանում է օգնել իր տարեկիցներին հաղթահարել այն բոլոր դժվարությունները, որոնց հանդիպում են երեխաները դպրոցում։

Այս գործը  ոչ միայն կարող եք կարդալ, այլ նայել՝ կա շատ հետաքրքիր սերիալ ու մուլտ: Ֆիլմի համաշխարհային պրեմիերան 2010 թվականին էր: Այն սուպերպոպուլյար սերիալ է, որը սիրում են և՛ ծնողները, և՛ երեխաները: Գլխավոր հերոսը միայն Գրեգը չէ: Բոլոր ծիծաղելի պատմությունների մեջ նրա հետ է նաև ընկերը՝ Ռոուլը:    

Իսկ վերջում ամենաուշադիր, ակտիվ մասնակիցները ստացան նվերներ՝ «Վտվտիկի օրագիրը» գրքի նոթատետրը, փազլը, սթիքերները։ Այս ամենը ևս վաճառվում է ինչպես Երազի կայքում, այնպես էլ բոլոր գրախանութներում։

Հաջորդն ընթերցելու ենք Սոնա Բաբաբջանյանի «Մուշի տարօրինակ ճամփորդությունը» գիրքը։ Սպասում ենք բոլորին օգոստոսի 17-ին, 19:00, «Երազ այգում», Նապաստակն ու Փիսոն կկարդան գիրքն ու կանցկացնեն վիկտորինաներ:

Կարդացեք նաև

• NEWMAG-ը ներկայացնում է #1 THE NEW YORK TIMES-Ի ԲԵՍԹՍԵԼԼԵՐ՝ «Վտվտիկի օրագիրը» (թրեյլեր)
• «Երազ» մանկական մատենաշարը ներկայացրեց երեք նոր գիրք (լուսանկարներ)
• Հունիսի 1-ին ընդառաջ «Երազ» մատենաշարը ներկայացրեց մանկական հետաքրքրաշարժ գրքեր (տեսանյութ, լուսանկարներ)
• «Երազի» գրքերը՝ Մանկական գրքի փառատոնին. օր 1-ին՝ «Վտվտիկի օրագիրը» (լուսանկարներ)
• Գրքի երևանյան միջազգային փառատոնին տեղի ունեցավ «Երազ» մատենաշարի գրքերի շնորհանդեսը (լուսանկար)
• Տեղի ունեցավ համաշխարհային բեսթսելլեր «Վտվտիկի օրագիրը» գրքի հեռուստաշնորհանդեսը (տեսանյութ)
• Ով է Wimpy Kid-ն ու ինչու են այդքան շատ սիրում նրան երեխաները (տեսանյութ)