Պատմաբան, որը գրի առավ Ֆինլանդիայի բացառիկ պատմությունը (տեսանյութ)

Հենրիկ Մեյնանդերը Հելսինկիի համալսարանի պրոֆեսոր է, պատմաբան, Գիտությունների շվեդական թագավորական ակադեմիայի անդամ: Եղել է Ստոկհոլմի Ֆիննական ինստիտուտի ղեկավարը: Նրա «Ֆինլանդիայի պատմություն»-ը թարգմանվել է 16 լեզվով: Պատմաբանը կարևոր է համարում գիտական բարդ նյութը պարզ մատուցելը:  

Ըստ պատմաբանի, պրոֆեսիոնալ լրագրողները ամենատարբեր մասնագիտություններին առնչվող նյութերը համապատասխանեցնում են լսարանին: Եթե պատմաբաններն իրենց սոցիալական պատասխանատվությանը լուրջ վերաբերեն, ապա կանեն նույնը՝ «թարգմանելով» նոր գիտելիքը ու այն դարձնելով ավելի ընկալելի: Մեյնանդերն իր կարծիքն ունի ազգային պատմություն երևույթի նկատմամբ, որի մասին խոսում է իր «Ֆինլանդիայի պատմություն» գրքի նախաբանում:

Ազգի անցյալի նկատմամբ քննադատական կամ ապակառուցողական մոտեցումը չպետք է ենթադրի ազգային պատմությունից հրաժարում, ոչ էլ ազգային վերելքի ու անկման համար նախկինում նշանակալի համարվող պատմական գործընթացիների կամ իրադարձությունների արհամարհում: Հատուկ հայերեն թարգմանության համար Հենրիկ Մեյնանդերը լրացրել է գրքի նախաբանն ու վերջին գլուխը՝ անդրադառնալով Հայաստանի ու Ֆինլանդիայի նմանություններին. «Մեր երկրներն իրարից հեռու են, սակայն մենք ունենք պատմական որոշ ընդհանրություններ»:

Ե՛վ Ֆինլանդիան, և՛ Հայաստանը եղել են մեծ տերությունների մաս, պայքարել են սեփական մշակույթը, արժեքներն ու ապրելակերպը պահպանելու համար և ցուցաբերած խիզախության շնորհիվ ու  ճակատագրի բերումով՝ հասել անկախության: Հենրիկ Մեյնանդերը Ֆինլանդիայի պատմության տարբեր դեպքերի ու դեմքերի մասին 10 գրքի հեղինակ է, բազմաթիվ մրցանակների դափնեկիր:  

Կարդացեք նաև

• Հայաստան է ժամանել ֆինն ամենահայտնի պատմաբան Հենրիկ Մեյնանդերը. Newmag-ը հայերեն է հրատարակել նրա հայտնի գիրքը (թրեյլեր)
• Ֆինն պատմաբան Հենրիկ Մեյնանդերն այցելել է Հայաստանի ամերիկյան համալսարան (լուսանկարներ)
• Հենրիկ Մեյնանդեր. «Տեսել եմ Արարատը հեռվից, Արարատի մասին գիտեմ դեռ Աստվածաշնչից» (լուսանկարներ)
• Տեղի ունեցավ «Ֆինլանդիայի պատմություն» գրքի շնորհանդեսը (լուսանկարներ)
• Ի՞նչ դասեր կարող է քաղել Հայաստանը Ֆինլանդիայից. պատմաբան Հենրիկ Մեյնանդերի եզակի վերլուծությունները (տեսանյութ)