inKin Social Fitness. Սկսիր շարժվել ընկերներիդ հետ

inKin ստարտափը հիշեցնում է՝ առողջության մասին մտածելը և քաշ կորցնելը երբեք ավելորդ չէ: Որքա՞ն եք քայլել, կալորիա սպառել՝ ֆիզիկական ակտիվության ցուցանիշներ վերլուծում է հայկական  inKin Social Fitness հարթակը: Այն վերահսկում է օգտատիրոջ ֆիզիկական ակտիվությունը և  օգնում  ազատվել ալարկոտ կենսակերպից:
inKin Social Fitness համակարգում օգտատերերը ֆիզիկական ակտիվությունը վերահսկելուց բացի կարող են հետևել իրենց ընկերների և հարազատների մարզական վիճակին:  Սոցիալական հարթակին միանալու համար  inKin-ին պետք է ինտեգրել մեկ կամ ավելի ֆիթնես-թրեքերներ կամ Moves անվճար հավելվածը: Ֆիզիկական ակտիվության տվյալներով էլ օգտատերերը մրցում,  համեմատվում են ընկերների և համակարգի մյուս օգտատերերի հետ:
inKin ստարտափի համահիմնադիր Արամ Շահինյանի խոսքով, պլատֆորմը մոտիվացնող գործիք է, որն օգնում է մարզումներն ավելի ինտենսիվ դարձնել:  Օրինակ,  օգտատերը  կարող է գտնել ընկեր, ում հետ կարող է առավոտյան վազել:

«Համակարգի անունը անգլերեն «kin»  և «next of kin» բառակապակցությունից է, ինչը թարգմանաբար նշանակում է «մոտիկ ընկերներ, հարազատներ»:

Համակարգին կարելի է ինտեգրել Fitbit, Jawbone, Garmin, Withings, Microsoft Band, Misfit, iHealth, Lumo ֆիթնես թրեքերները և Moves app, Miband հավելվածները: Չնայած շուկայում ֆիթնես-թրեքերները ավելանում են, բայց ավելորդ քաշով  մարդկանց թիվը չի պակասում: Գեր մարդիկ շատ են հատկապես ԱՄՆ-ում (68%) և Եվրոպայում(50%). «Մարդիկ ալարում են մի քանի քայլ ավելի անել, նման ապրելակերպը հանգեցնում է  սիրտ-անոթային հիվանդությունների առաջացմանը, դիաբետի, գիրացման»:

---

[ Startup Հայաստանից ]

• Wakie. Աշխարհը զրուցում է «հայերեն»


• Upub. Ի՞նչ փնտրել և ինչպե՞ս կարդալ հայերեն էլեկտրոնային գրախանութում


• A2B Transport. Երևանյան երթուղային ցանցը սմարթֆոնում


• Playland Armenia. Օնլայն խաղահրապարակ աշխարհի հայ մանուկների համար


• Immersive Education Solutions. Կրթական վիրտուալ շրջայց տիեզերքում

---

Առողջ ապրելակերպը սկսվում է կարճ զբոսանքներից: Պարտադիր չէ 2 ժամ  մարզասրահում անցկացնել: Սկզբի համար բավարար է օրը 10 րոպե զբոսանքը: Սկսում եք 1000 քայլից և օրեցօր կրկնապատկում: Մոտիվացիայի համար պլատֆորմը  առաջարկում է օգտատերերին մասնակցել տարբեր մրցույթների և պայքարել առաջատարների ցանկում հայտնվելու համար:

«Ձգտում ենք համակարգում ներգրավել առավել շատ բժշկական ցուցանիշներ` այս պահին  inKin-ը  կարող է վերլուծել 15 ֆիթնես և բժշկական ցուցանիշներ»:

Թիմում 5-ն են, սթարթափի հիմնադիրները ցանկանում են ստեղծել առողջությանը և ֆիթնեսին վերաբերող էկոհամակարգ. «Դժվար է հագեցած շուկայում ներգրավել նոր օգտատերեր: Այն, որ մենք դուրս եկանք գլոբալ շուկա որոշ դժվարություններ ստեղծեց:  Մենք սովորում ենք մեր սխալնների վրա և դասեր քաղում` համառորեն շարժվելով առաջ»:
Պլատֆորմը գործում է վեբ հարթակում  և անվճար բջջային հավելվածներով (iOS և Android): Առաջիկայում կլինի նաև  Windows ՕՀ-ի տարբերակը: