10 փաստ սոցիոլոգ, մարկետինգային հաղորդակցությունների մասնագետ Լիլիթ Շաքարյանի մասին (տեսանյութ)

Լիլիթ Շաքարյանը սոցիոլոգ է ու մարքեթինգային հաղորդակցությունների մասնագետ

Ավարտել է ԵՊՀ Սոցիոլոգիայի ֆակուլտետը։ 14 տարի դասավանդել է ԵՊՀ Սոցիոլոգիայի ֆակուլտետում, շուրջ 10 առարկայական ծրագրերի և մի շարք Գիտական հոդվածների հեղինակ է։ 

Զարգացրել է մագիստրոսական նոր կրթական ծրագրեր, դասավանդման նոր մեթոդաբանություն

«Կանանց առաջնորդություն» ծրագրի շրջանակներում գիտական այցով եղել է ԱՄՆ-ի Արիզոնայի պետական համալսարանի Սոցիալական տրանսֆորմացիայի ֆակուլտետում: Մշակել է նոր առարկայական ծրագրեր և դասավանդման նոր մեթոդաբանություն:

Երկու մասնագիտական գրքերի հեղինակ է

«Բրենդի Կառավարում» հայալեզու առաջին մասնագիտական ու «Հաղորդակցության մարտահրավերները տեղեկատվական հասարակությունում»  ուսումնական ձեռնարկների հեղինակն է։ 

Ամերիկյան և միջազգային սոցիոլոգիական ասոցիացիների անդամ է

Ամերիկյան սոցիոլոգիական ասոցիացիայի, Միջազգային սոցիոլոգիական ասոցիացիայի, Եվրոպական կրթական հետազոտությունների ասոցիացիայի (EERA) անդամ է։ 

 Խորհրդատվություն ու բիզնես դասընթացներ է իրականացնում բրենդինգի, PR֊ի ոլորտում

Ակադեմիական գործունեությունից բացի, իրականացնում է  բիզնես դասընթացներ, սոցիոլոգիական հետազոտություններ, խորհրդատվական աշխատանքներ` բրենդինգի, PR-ի և մարքեթինգի ոլորտներում:

Դասախոսություններ է կարդացել եվրոպական համալսարաններում

2012թ-ից Լիլիթ Շաքարյանը դասախոսություններով հանդես է եկել Շվեյցարիայի, Չեխիայի, Գերմանիայի, Իսպանիայի, Հունգարիայի ու այլ եվրոպական երկրների առաջատար համալսարաններում։

ԱՄՆ Նեվադայի պետական համալսարանի Կրթության ֆակուլտետում հետազոտող գիտնական է 

2023թ․-ից տեղափոխվել է Միացյալ նահանգներ, Նեվադայի պետական համալսարանում շարունակում է գիտական հետազոտություններն ու գործունեությունը  Մարդու զարգացում և Ընտանիքի տեսություն դոկտորական (PhD) ծրագրի շրջանակներում:

«Ապագա հայկականը» հիմնադրամի հանձնախմբի փորձագետ է

2022 թվականից «Ապագա հայկականը» զարգացման հիմնադրամի «Հայաստահ- Սփյուռք միասնականություն» հանձնախմբի փորձագետ է։

Շաքարյանի մշակած թրեյնինգ մոդուլով կվերապատրաստվեն ամերիկացի մասնագետները

«Ընտանեկան բռնության բարձր ռիսկի գնահատման» թիմի հետ իրականացրել  է «Ընտանեկան բռնությունը ԱՄՆ Նեվադա նահանգում» հետազոտական ծրագիրը, որի արդյունքում մշակված  մասնագիտական մոդուլի հիման վրա կվերապատրաստվեն ԱՄՆ Նեվադա նահանգի պետական և հասարակական կառույցների մասնագետները։  

Ելույթ կունենա IARR 2024 ամենամյա գիտական համաժողովին

2024թ․ հուլիսի 5-9 Բոստոնում, Լիլիթ Շաքարյանը « Ծնող-երեխա փոխազդեցությունը ընտանիքի համատեքստում․Ծնողավարման ոճերի ազդեցությունը երեխայի ինքնության զարգացման գործընթացում» թեմայով ելույթ կունենա Հաղորդակցությունների հետազոտությունների միջազգային ասոցիացիայի (IARR 2024) ամենամյա գիտական համաժողովում։

Կարդացեք նաև

• Newmag-ը ներկայացնում է սոցիոլոգ Լիլիթ Շաքարյանի նոր գիրքը՝ «Բրենդինգ․ Անձեր, ընկերություններ, երկրներ» (թրեյլեր)
  
• Տեղի ունեցավ Լիլիթ Շաքարյանի «Բրենդինգ. անձեր, ընկերություններ, երկրներ» մասնագիտական գրքի հեռուստաշնորհանդեսը (տեսանյութ)
  
• Newmag հրատարակչությունը ներկայացրեց մարկետինգային հաղորդակցությունների մասնագետ Լիլիթ Շաքարյանի`«Բրենդինգ․Անձեր, ընկերություններ, երկրներ» ուսումնական ձեռնարկը (լուսանկարներ)
• Լիլիթ Շաքարյանը «Բրենդինգ» գրքում ներկայացնում է՝ ինչպես ստեղծել բրենդի ճարտարապետության մոդելը, կոնցեպտը և զարգացման ռազամավարությունը (տեսանյութ)