LinkedIn-101 / Վարպետության դաս՝ հատուկ Newmag Signature Club-ի անդամների համար

Հանդիպմանը Linkedin 101 գրքի հեղինակը հանգամանալից պատմեց անձնական բրենդի ձևավորման, մասնագիտական ինքնաներկայացման և LinkedIn հարթակի արդյունավետ օգտագործման մասին։ Նա նաև ներկայացրեց գործնական քայլեր, թե ինչպես պետք է կառուցել վստահելի պրոֆեսիոնալ կերպար, զարգացնել օգտակար կապեր և կիրառել թվային հարթակները կարիերայի աճի համար։

LinkedIn-ը վաղուց սոցիալական ցանցից վերածվել է բիզնեսի ու գործարարների համար օնլայն ամենամեծ հարթակի։ Ի տարբերություն Facebook-ի, որտեղ գրանցված է 2 միլիոն հայ, LinkedIn-ում կա ընդամենը 482 հազար հայաստանցի օգտատեր։ Ըստ Գոռ Կարապետյանի՝ այն ամենաքիչ գնահատված ու չկիրառվող սոցցանցն է Հայաստանում, բայց LinkedIn ընտրում են մարդիկ, որոնք ունեն բիզնես մտածողություն. 

«482 հազար օգտատերերից ոչ բոլորն են ակտիվ, բայց նրանք հասկացել են, որ այստեղ կարելի է հաստատել բիզնես կապեր, գտնել մարդկային ռեսուրսներ։ Բացի այդ, այն լավագույն B2B հարթակն է։ LinkedIn-ը սոցցանց չէ, զվարճալի կոնտենտ, բամբասանքներ քիչ են լինում։ Այն իսկապես ամբողջ աշխարհի ամենամեծ բիզնես կենտրոնն է, ավելի մեծ, քան, օրինակ, Նյու Յորքը։ Եթե ուզում ենք հաջողել բիզնեսում, պետք է լինենք այս հարթակում, հատկապես որ աշխարհի կարևոր որոշում կայացնողների մոտ 65 տոկոսը գրանցված է։ Սա նշանակում է, որ LinkedIn-ում մարդիկ են, որոնք կայացնում են կարևոր որոշումներ, մանդատ ունեն բիզնեսում»։

Կարդացեք նաև

• Winterfest2026֊ին Newmag-ը կներկայացնի Գոռ կարապետյանի «LinkedIn 101» գիրքը (թրեյլեր)

Գոռ Կարապետյանը գործնական քայլերով ակումբականերին ցույց տվեց, թե ինչի վրա պետք է ուշադրություն դարձնել հաշիվ բացելիս, ինչպես ճիշտ ներկայանալ, ինչպես ճիշտ ներկայացնել մասնագիտությունը, որով աշխատում է կամ բզինեսը, որն անում է օգտատերը, զարգացնել LinkedIn հաշիվը, որպեսզի այն տեսանելի լինի գործարարների համայնքում. 

«Այս հարթակում ակտիվանալուց հետո սեմինարներ վարելու, բիզնես խորհրդատվություն անելու ու նույնիսկ փոդքաստերի մասնակցելու ավելի շատ հրավերներ եմ ստանում։ Ձեռք բերեցի նաև նոր հաճախորդներ»։

Գոռ Կարապետյանը պատասխանեց Newmag Signature club-ի անդամների հարցերին, օգնեց նրանց ճիշտ ներկայանալ LinkedIn-ում, որպեսզի սկսեն այս հարթակի միջոցով կապեր հաստատել, կապիտալիզացնել անձնային, պրոֆեսիոնալ բրենդը, որը բիզնես հաջողության հասնելու կարևոր գործիքներից է։

Կարդացեք նաև

• Հատուկ ստորագրությամբ մեկնարկ․ գրական տարին Newmag-ը սկսեց Signature Club-ի անդամների հետ առաջին հանդիպումով (լուսանկարներ)
  
• Newmag Signature Club /Ամենաէմոցիոնալ, ամենաջերմ և «մաշկին մոտ» նախագիծը (տեսանյութ)
  
• Newmag Book Salon․ Քաղաքի հենց սրտում հրատարակչությունը ձևավորում է գրական ու քաղաքային նոր մշակույթ