Newmag Summer Fest-ին տեղի ունեցավ «Փոթորիկ Կովկասում» գրքի շնորհանդեսը (տեսանյութ, լուսանկարներ)

Արցախյան պատերազմի մահաբեր բանբերները դարձան տարատեսակ ԱԹՍ-ները, իսկ դրանց գլխավոր խորհրդանիշը դարձավ հենց թուրքական արտադրության «Բայրաքթար» տեսակի աթս-ները: Բանն այն է, որ պատերազմից հետո հնարավոր բոլոր լեգենդները հյուսվեին այդ աթս-ի վերաբերյալ: 

«Փոթորիկ Կովկասում» գրքի հեղինակներից մեկը նույնիսկ պնդում է, որ «Բայրաքթար»-ի բրենդինգի 20 տոկոսի մեջ իրենց անուղղակի ներդրում են ունեցել հայ հասարակությունն ու զինվորականները: Ըստ Լեոնիդ Ներսիսյանի,  պետք չէ գերագնահատել Բայրաքթարի ունեցած դերը.  «Բայրաքթարը դա սուպեր զենք չէ, ու այդպիսի զենք գոյություն չունի: Յուրաքանչյուր զենք աշխարհում, ունի հակազդեցության իր մեխանիզմները: Դրա օրինակը շատ երևում է Ուկրաինական պատերազմում: Այնտեղ որոշ տեղերում օգտակար է, որոշ տեղերում ոչ, սակայն ռազմավարական որևէ առավելություն չի տալիս Ուկրաինային»:

Շնորհանդեսին Պաշտպանական հետազոտությունների անկախ կենտրոնի ղեկավար Տիգրան Հովհաննիսյանը նշեց, որ պատերազմում կրած պարտության պատճառներից մեկն էլ մասնագետների պակասն է ու եղածի ցածր մակարդակը: Բանն այն է, որ մեր բարձրաստիճան զինվորականները պատրաստ չէին ժամանակակից մարտահրավերներին ու կոմֆորտի զոնայից դուրս գալն աղետի հանգեցրեց. «Տեսեք, շատ են խոսում, որ զա նաև ռուսական արսենալի պարտությունն է: Սակայն, յուրաքանչյուր, անգամ ամենահզոր զինատեսակ դառնում է մետաղի ջարդոն ու կորցնում է իր արդյունավետությունը, եթե չունի գոնե միջին մակարդակի սպասարկող անձնակազմ: Հեշտ է մեղքը զենքի վրա գցելը, բայց զենքն ինքնավար միավոր չէ»:

12 հեղինակների աշխատություններից կազմված այս գիրքը խմբագրել է Ռուսլան Պուխովը, որը հատուկշնորհանդեսի համար հարցարզրույց էր տվել New mag-ին: Ըստ հեղինակների, գրքի շնորհիվ կոտրվում ենմեզանում տարածված բազմաթիվ միֆեր ու տալիս են բազմաթիվ հարցերի պատասխաններ: 

Կարդացեք նաև

• Newmag Summer Fest-ին տեղի կունենա 44-օրյա պատերազմին նվիրված «Փոթորիկ Կովկասում» փորձագիտական հետազոտությունների գրքի շնորհանդեսը(թրեյլեր)
• «Փոթորիկ Կովկասում»՝ ռազմաքաղաքական վերլուծությունների բացառիկ ժողովածու
• Բացառիկ հարցազրույց «Փոթորիկ Կովկասում» գրքի խմբագիր Ռուսլան Պուխովի հետ (հարցազրույց)
• 44-օրյա պատերազմի պատճառների ու մեղավորների վերաբերյալ մասնագիտական վերլուծություններ՝ «Փոթորիկ Կովկասում» գրքում (տեսանյութ)