4 կարծիք, որ կկողմնորոշեն՝ ինչու պետք է կարդալ «Գայթակղելու նուրբ արվեստը» գիրքը (տեսանյութ)

Որ խորհուրդներն ու մեթոդներն են արդյունավետ ժամադրության համար, ինչպես դառնալ գրավիչ տղամարդ՝ հումորով, վստահ ու ինչպես միշտ լինել կնոջ ուշադրության կենտրոնում՝ հարցեր, որոնք մեկ առ մեկ ուսումնասիրել է Մարկ Մենսոնն ու հետազոտության արդյունքն ամփոփել իր «Գայթակղելու նուրբ արվեստը» գրքում: 

Ընթերցող Թոմը վստահ է՝ այս գրքի նպատակն է  ստեղծել առնականության նոր մոդել, կնոջ հետ հարաբերությունների համար պատասխանատու, գրավիչ ու հաստատակամ տղամարդու նոր կերպար: «Այս գրքում կարդացածս յուրաքանչյուր դրվագ կարող եմ կապել ինձ հետ պատահած որևէ միջադեպի հետ: Հիմա եմ հասկանում թե ինչու է դրանց մի մասը հաջողել, մյուս մասը՝ ոչ: Հատկապես գրքի այն հատվածը, որը պատմում է խոցելիության մասին. նույնիսկ եթե մինչև վերջ չկարդամ գիրքը, արդեն ստացել եմ այն ինչ ուզում էի»:

Բլոգեր Իոսիֆը բազմաթիվ նման գրքեր է կարդացել: Վստահեցնում է՝ այս մեկն առանձնանում է մյուսներից. «2006-ից հետաքրքրվում եմ այս թեմայով ու բազմաթիվ գրքեր եմ կարդացել, որոնց մեծ մասը փորձում է ընթերցողին «աղջիկ կպցնելու վարպետ» դարձնել: Նույնիսկ ծիծաղս է գալիս այդ բառակապակցության վրա: Իսկ այս գրքում ամեն ինչ այլ է»:

Ըստ բլոգեր Ռոբի, գրքում ակնառու է Մենսոնի անկեղծությունը. «Ինձ դուր է գալիս, թե Մարկն ինչքան ջանք է ներդրել, որ մարդկանց հասկացնի, որ բոլորն էլ իրենց հոգու խորքում լավն են ու խնդիրը անկեղծ ու ճիշտ ներկայանալն է՝ առանց արդարանալու»:

Գիրքը տղամարդկանց համար է: Բայց հեղինակը նախաբանում ասում է, որ կանայք նույնպես կարող են օգտվել այս խորհուրդներից: «Գայթակղելու նուրբ արվեստը» գործում է բոլոր սեռերի դեպքում՝ վստահ է գրքասեր Սեմյուելը. «Անկեղծ ասած չեմ հավատա, եթե մեկն ասի, որ կարդացել է այս գիրքը ու դրանից հետո էլ իր կյանքում ոչինչ չի փոխվել: Այս գիրքը, անկասկած, պետք է յուրաքանչյուր տղամարդու»:

Մենսոնի գլխավոր  խորհուրդն անկեղծությունն է, բայց ինչպես հասնել այդ անկեղծությանը, ինչպես լինել խոցելի, բայց ինքնավստահ, առանց հատուկ հնարքների, բայց նաև՝ առանց շաբլոն պահվածքի,- այս հարցերի պատասխանները՝ գրքում։

Կարդացեք նաև

• Համաշխարհային նոր բեսթսելլեր Մարկ Մենսոնից
• Սիրո և սեքսի մասին՝ «Գայթակղելու նուրբ արվեստը» գրքի հեռուստաշնորհանդեսին
• Մարկ Մենսոն. Հարաբերությունների 5 փուլ, որ պարտադիր է կարդալ ու հիշել
• Ինչպես պայքարել տագնապների դեմ ու հաղթել. Մարկ Մենսոնն առաջարկում է 4 մեթոդ
• Գայթակղիր գրագետ ու արհեստավարժ. Մարկ Մենսոնի խորհուրդները 18+ տղաներին (տեսանյութ)