Ինչպես խնամել մաշկը ձմռանը՝ 10 խորհուրդ «Մաշկի խնամքի կանոնագրքի» հեղինակից

1. Հաճախ հարցնում են՝ ձմռանը կամ ամպամած եղանակին արևապաշտպան օգտագործելը պարտադի՞ր է, թե՞ ոչ: Պատասխանը միշտ հարյուր տոկոս ԱՅՈ է: Ձմռանը նույնպես արևի ուլտրամանուշակագույն ճառագայթները հասնում են երկրի մակերևույթ, իսկ ուլտրամանուշակագույն լույսի մոտ 80 տոկոսը ներթափանցում է ամպերի միջով:

2. Ձմռանը կամ շատ չոր եղանակին խորհուրդ է տրվում օգտագործել պաշտպանիչ բաղադրիչներ պարունակող խոնավացնող քսուքներ։ Խոնավացնող լավագույն բաղադրիչը, թերևս, գլիցերինն է։

3. Արևապաշտպանի ամենօրյա օգտագործումը կօգնի խուսափել մաշկի քաղցկեղից և վաղաժամ ծերացումից։

4. Ընտրեք լայն սպեկտրի արևապաշտպան, որը կպաշտպանի ճառագայթներից։ Հնարավորության դեպքում օգտագործեք առանձին արևապաշտպան, ոչ թե բավարարվեք դիմահարդարման միջոցներով:

5. Օրինակ, եթե ձմռանը պարբերաբար օգտագործում եք ալֆահիդրօքսի (AHA) և բետահիդրօքսի (BHA) թթուներ պարունակող շերտազատողներ, ապա արևապաշտպանի օգտագործումն անհրաժեշտություն է: Բացօթյա տարածքներում 20 րոպեից ավելի ժամանակ անցկացնելու, աշխատելու կամ մարզվելու դեպքում ևս արևապաշտպանը պետք է օգտագործել ամեն օր:

                                                   

6. Ամբողջ տարվա ընթացքում և ամեն օր արևապաշտպան քսուքներ պետք է օգտագործեն հասարակածին մոտ կամ արևոտ կլիմայական գոտիներում ապրողները:

7. Ձմռան ամիսներին՝ ցուրտ և քամոտ եղանակին, մաշկն ավելի է չորանում: Դրան նպաստում է նաև տան կամ գրասենյակների ջեռուցումը, ինչի հետևանքով մաշկը զրկվում է խոնավությունից։ Տարիքի հետ ևս մաշկը դառնում է ավելի չոր, հատկապես՝ դաշտանադադարից հետո:

8. Ձմռանը, մասնավորապես հյուսիսային կիսագնդում, ԱՊԳ-ով խոնավացնող քսուք կամ տոնային կրեմ օգտագործելը բավարար է, եթե օրվա ընթացքում դրսում չեք լինելու (չնայած արևապաշտպան քսուքը ևս չի խանգարի):

9. Շատերը չգիտեն, թե ինչ է ԱՊԳ-ն և ինչ է նշանակում դրա թվային արժեքը: ԱՊԳ-ն կամ արևապաշտպան գործոնը ցույց է տալիս արևի ՈՒՄ-Բ (մաշկի արտաքին շերտերը վնասող և արևայրուք առաջացնող) ճառագայթների դեմ պաշտպանության չափը: ԱՊԳ-ի օգտագործման շնորհիվ արևի տակ անվտանգ մնալու ժամանակահատվածը մի քանի անգամ ավելանում է: Եթե անպաշտպան մաշկը արևի տակ 10 րոպե մնալուց հետո սկսում է կարմրել, ԱՊԳ 20-ը տեսականորեն թույլ է տալիս դրսում մնալ 200 րոպե:

10. Չմոռանանք, որ ՈՒՄ ճառագայթները կարող են ներթափանցել ամպերի միջով, ուստի արևապաշտպանը պարտադիր է օգտագործել նաև ձմռանը:

Ամենակարևոր, օգտակար խորհուրդները կարող եք ընթերցել Անջալի Մահտոյի «Մաշկի խնամքի կանոնագիրքը» գրքում:

Կարդացեք նաև

• Newmag Summer Fest-ին տեղի կունենա Անջալի Մահտոյի բեսթսելլերի՝ «Մաշկի խնամքի կանոնագրքի» շնորհանդեսը (թրեյլեր)
• Newmag-ը հայ ընթերցողին է ներկայացնում Անջալի Մահտոյի «Մաշկի խնամքի կանոնագիրքը» (լուսանկարներ. տեսանյութ)
• Ով է 2022-ի ամենաէսթետիկ բեսթսելլերի՝ «Մաշկի խնամքի կանոնագիրք» գործի հեղինակը (տեսանյութ)
• Անջալի Մահտո՝ բյութի աշխարհի գլխավոր խորհրդատուն, հմուտ մաշկաբանն ու կանանց լավագույն ընկերուհին (տեսանյութ)
• 7 միֆ մաշկի խնամքի մասին՝ «Մաշկի խնամքի կանոնագիրքը» ձեռնարկի հեղինակ Անջալի Մահտոյից (տեսանյութ)
• Newmag Summer Fest-ին տեղի ունեցավ Անջալի Մահտոյի «Մաշկի խնամքի կանոնագրքի» շնորհանդեսը (տեսանյութ, լուսանկարներ)
• Հարցազրույց թարգմանչի հետ. Սկզբում ընթերցեց, հետո էլ համոզեց թարգմանել «Մաշկի խնամքի կանոնագիրքը»