Նկարագրություն
Իլոն Մասկի կենսագրությունը նոր հայացք է Սիլիկոնյան հովտի ամենահետաքրքիր, անկանխատեսելի եւ հավակնոտ ձեռնարկատերերից մեկի կյանքին: Գրքում ներկայացվում է ամերիկյան գյուտարարության վերածնման դժվարին փուլը։ SpaceX, Tesla եւ SolarCity ընկերությունները հիմնած գործարար եւ նորարար Իլոն Մասկը ներկայանում է ապագայի մասին իր ուրույն պատկերացումներով։ Վենսը տալիս է Մասկի ամբողջական նկարագիրը՝ Հարավաֆրիկյան Հանրապետությունում նրա բարդ մանկությունը, ԱՄՆ տեղափոխվելն ու բարդագույն իրավիճակներում նրա գրանցած գլխապտույտ հաջողությունները:
Մասկի կյանքի պատմությունը հյուսելուն զուգահեռ Վենսը փորձում է պատասխանել ժամանակի կարեւորագույն հարցերից մեկին՝ գյուտարարների եւ ստեղծարարների երկիրը կարո՞ղ է շարունակել պայքարը գլոբալ եւ անզիջում մրցակցության պայմաններում: Նա պնդում է, որ Մասկը լեգենդար գյուտարարների եւ արդյունաբերողների՝ Թոմաս Էդիսոնի, Հենրի Ֆորդի, Հովարդ Հյուզի եւ Սթիվ Ջոբսի խառնուրդն է: Մասկն իր էներգիան եւ հսկայական կարողությունը ծառայեցնում է գիտական ֆանտաստիկայի Ոսկեդարի իդեալիստների երազած անհավանական ապագան կերտելուն:
Լրացուցիչ տեղեկություն
Օրիգինալ անունը Elon Musk
Կատեգորիան Գիտահանրամատչելի
ISBN 978-9939-884-22-6
Հրատարակության տարին 2021
Էջերի քանակը 424
Չափսը 16x24, կոշտ կազմ
Թարգմանիչ NewMag
Հեղինակ
Էշլի Վենս
Էշլի Վենսը (ծնվ. 1977 թ.) ամերիկացի սյունակագիր է և մրցանակակիր հեղինակ: Աշխատում է Bloomberg Businessweek պարբերականում: Վենսնավելի քան տասը տարի անցկացրել է Սան Ֆրանցիսկոյում՝ լուսաբանելով ՏՏ ոլորտը: Նա նաև Սիլիկոնային հովտի հայտնի պատմագետ է: Իլոն Մասկի կենսագրությունը լույս է տեսել 2015-ին: Վենսը պարբերաբար զրուցել է Մասկի, նրա մերձավորների և ամենակարևոր պահերին նրան սատարած մարդկանց հետ: Գիրքը թարգմանվել է 40 լեզվով, վաճառվել ավելի քան 2 միլիոն օրինակ: