Նկարագրություն
Հաֆներն իր հուշագրությունում պատկերում է գերմանացիների կյանքը նացիզմի վերելքի շրջանում և երկու համաշխարհային պատերազմների ընթացքում: 1907-1933 թվականների իրողություններին անդրադառնում է որպես ականատես։ Նա կերտում է իր երկրի դարակազմիկ դիմանկարը, որը մշտապես փոխվում էր՝ Հիտլերի երիտասարդական շարժումից մինչև նացիստական իշխանափոխություն: Այս խորապես անձնական պատմությունը ցույց է տալիս, թե արագ դեգրադացվող հասարակարգն ինչպես է իր մամլիչի տակ ճզմում միջին վիճակագրական գերմանացուն։ Հեղինակը նկարագրում է օր-օրի կարծրացող ու դաժանացող հանրային վերաբերմունքը, նախապաշարմունքն ու քաղաքականությունը։
Լրացուցիչ տեղեկություն
Օրիգինալ անունը Geschichte eines Deutschen
Կատեգորիան Գեղարվեստական
ISBN 978-9939-967-34-9
Հրատարակության տարին 2024
Էջերի քանակը 288
Չափսը 14x24, կոշտ կազմ
Թարգմանիչ Մարիամ Գուրզադյան
Հեղինակներ
Սեբաստիան Հաֆներ
Սեբաստիան Հաֆները (իրական անունը՝ Ռեյմունդ Պրետցել, 1907-1999) գերմանացի գրող է, լրագրող, պատմաբան և իրավաբան: 1933-ին, երբ իշխանությունը վերցնում են նացիստները, նա հրաժարվում է իրավաբանի կարիերայից, արտագաղթում Ֆրանսիա, հետո Մեծ Բրիտանիա: Այնտեղ նրան ձերբակալում են։ Երկու տարի բրիտանական բանտում անցկացնելուց հետո Հաֆները լրագրողի կարիերա է սկսում էմիգրանտների համար նախատեսված Die Zeitung գերմանալեզու ամսաթերթում, ապա թղթակցում է բրիտանական The Observer-ին: Երկրորդ համաշխարհայինի ավարտից հետո Հաֆները ստանում է Մեծ Բրիտանիայի քաղաքացու անձնագիր, 1954-ին վերադառնում է հայրենիք: Սեբաստիան Հաֆները 1939-ին Մեծ Բրիտանիայում գրում է «Մի գերմանացու պատմություն» գիրքը, որը հրապարակվում է 2000-ին, հեղինակի մահից հետո։ Գերմանիայի պատմության տարբեր ժամանակաշրջանների ու կարևոր դեմքերի մասին նրա գրած երկու տասնյակ գրքերը բեսթսելլերներ են:
Թողնել կարծիք