Newmag հրատարակչությունը բարեգործական տոնավաճառին մասնակցել է «Երկնքից երեք խնձոր ընկավ» գրքով (տեսանյութ)

November 23, 2020

Արցախցիների պատրաստած քաղցրն ու թթուն վաճառվում են կայծակնային արագությամբ: Էլինա Պողոսբեկովան նկատում է՝ ժենգյալով հացն արդեն վերջացել է. «Ամեն ինչը ծախեցինք, հիմա էլ վերջանում է: Մինչև վերջին լուման արցախցիներինն է»:

Վաճառված համեղ ուտեստների ամբողջ գումարը կգնա արցախցիների կարիքներին: Նանա Մարտիրոսյանն առաջին իսկ օրվանից արցախցի կանանց կողքին է՝ օգնում է իրենց ձեռքի պատրաստածը դառնա իրենց իսկ ապրելու միջոց: «Վաճառում են թթու, փախլավա, ժենգյալով հաց: Օրինակ, գուլպաները, գլխարկներ գործում են մեր ընկերները: Բոլորն արցախցիների ձեռքով կամ արցախցիների համար պատրաստված իրեր են»:

«Երկնքից երեք խնձոր ընկավ» գիրքը  բարեգործական տոնավաճառին ներկայացնում է Newmag հրատարակչությունը: Հայտնի գրողի ստորագրությամբ գրքերի հասույթի  60 տոկոսը հրատարակչությունը նույնպես կուղղի արցախցիներին:

Կենտրոնում Նարինե Աբգարյանն է: Ինչ եկել է, ստորագրում է նոր գիրքը՝ Newmag հրատարակչության վերահրատարակած՝«Երկնքից երեք խնձոր ընկավ» վեպը: «Շատ որակավ, լավ հրատարակություն է, շնորհակալ եմ Նյումեգին: Թարգմանությունն էլ է լավը»:

«Երկնքից երեք խնձոր ընկավ» գիրքը  բարեգործական տոնավաճառին ներկայացնում է Newmag հրատարակչությունը՝ ամբողջությամբ նոր շապիկով, նոր խմբագրմամբ: Հայտնի գրողի ստորագրությամբ գրքերի հասույթի  60 տոկոսը հրատարակչությունը նույնպես կուղղի արցախցիներին.

Այս առիթով Նարինե ասում է.«Հիմա չեմ մտածում գիրք գրելու մասին: Մտքերս խառնեն: Բայց հուսով եմ, որ երջանիկ գիրք կգրեմ, իրականություն թող դառն աայն, ինչ կհորինեմ»:

Կարդացեք նաև

«Երկնքից երեք խնձոր ընկավ» բեսթսելլերը Newmag-ը վերահրատարկել է «Օրակուլ» հրատարակչության հետ: «Օրակուլ»-ի տնօրեն Ռուբեն Իշխանյանի խոսքով, արցախցիներին օգնելու ծրագրերն այսքանով չեն ահմանափակվելու. «ՆյումեգնուՕրակուլը հայտարարել են, որ միշտ պատրաստ ենք աջակցել Նարինեին: Եվ այս պահին էլ ունենք մոտ 10 ծրագիր, որոնք կիրականացնենք առաջիկայում»:

Նարինե Աբգարյանն ընդամենը մի քանի շաբաթով կմեկնի Ռուսաստան ու կրկին կվերադառնա: Մինչև նոր տարի բարեգործական տոնավաճառներ էլի կլինեն, Աբգարյանն էլ կրկին կհանդիպի իր ընթերցողներին: