Newmag Summer Fest-ին տեղի ունեցավ Ռուբեն Մելքոնյանի և Նաիրա Պողոսյանի «Փախուստ Էրգրից» գրքի շնորհանդեսը (տեսանյութ, լուսանկարներ)
«Փախուստ Էրգրից» գիրքը Newmag-ը հրատարակել է Հասրաթյան-Մինասյան հիմնադրամի նախաձեռնությամբ: Թուրքագետների հետազոտությունը ներառում է 1920-1980-ականներին Թուրքիայից հայերի ներգաղթը Խորհրդային Հայաստան։ Նրանք գտել և ուսումնասիրել են բացառիկ արխիվային փաստաթղթեր, որոնց մեծ մասը հույժ գաղտնի դասիչով էր: Ռուբեն Մելքոնյանի խոսքով՝ դրանք գաղտնազերծվել են միայն 2000-ականներին:
Գրքում տեղ են գտել Վանից ու Պոլսից Խորհրդային Հայաստան տեղափոխված հայերի ժառանգների պատմությունը՝ անձնական և իրական մանրամասներով: Գիրքը գրելիս Մելքոնյանն ու Պողոսյանը զրուցել են նաև թուրքահայերի ու նրանց սերունդների հետ:
«Փախուստ Էրգրից» գիրքը միջազգային չափանիշներին համապատասխանող հետազոտություն է: Մասնագետների կարծիքով՝ այս ուսումնասիրության շատ դրվագներ կարող են դառնալ պատմության դասագրքերի մաս: Գիրքը տալիս է բազմաթիվ կարևոր հարցերի պատասխաններ, որոնցից գլխավորը. Փոխվել է արդյոք Թուրքիան:
Այս գիրքը պետք է կարդալ, հասկանալու համար, թե ինչ է կատարվել ընդամենը մի քանի տասնամյակ առաջ: Պետք է կարդալ, իմանալու համար, թե ինչ կարող է լինել ու ինչից պետք է խուսափել մի քանի տասնամյակ հետո:
Կարդացեք նաև
- Newmag Summer Fest-ին տեղի կունենա Ռուբեն Մելքոնյանի և Նաիրա Պողոսյանի «Փախուստ Էրգրից» գրքի շնորհանդեսը (թրեյլեր)
- Newmag-ը ներկայացնում է բացառիկ ուսումնասիրություն. «Փախուստ Էրգրից» (լուսանկարներ, տեսանյութ)
- Առաջին անգամ ամփոփ աշխատություն՝ 1920-ից մինչև 1980-ականներին հայերի ներգաղթի մասին (տեսանյութ)