Մագդա Թախտաճյանն այցելել է Հայոց ցեղասպանության զոհերի հուշահամալիր (լուսանկարներ)
Գրքարշավի շրջանակում Մագդա Թախտաճյանն այցելել է Հայոց ցեղասպանության զոհերի հուշահամալիր, ծաղիկներ խոնհարել անմար կրակի մոտ: Արգենտինահայ գրողի համար կազակերպել են հատուկ շրջայց թանգարան-ինստիտուտում: Թախտաճյանին ընդունել է նաև Հայոց ցեղասպանության թանգարան-ինստիտուտի տնօրենը:
Արգենտինահայ լրագրող, գրող Մագդա Թախտաճյանը երկար տարիներ չի իմացել, որ ընտանիքի անդամները փրկվել են Հայոց ցեղասպանությունից: Մազապուրծ հայերի 3-րդ սերնդի ներկայացուցիչն առաջին անգամ ոտք է դնում Հայոց ցեղասպանության թանգարան-ինստիտուտ ու կարկամում. հուզմունքի դեմ անզոր է.
«Երբ փոքր էի, Հայոց ցեղասպանությունից ոչ ոք չէր խոսում տանը: «Մի մոռացիր ինձ, Արմենուհի» գիրքը գրելիս հետաքրքիր զգացողություններ առաջացան ինձ մոտ: Արմատներս ճանաչելով՝ գիտակցեցի, թե ինչ հարստություն եմ կրում և կարող եմ գրականության միջոցով աշխարհին պատմել հայի, մեր ժառանգության մասին»:
Մագդան պատմում է, որ տատիկն ու պապիկը Այնթապից են ու մեծ դժվարությամբ են կարողացել փրկվել: Ճակատագրի բերումով հայտնվել են լատինական Ամերիկայում: Ու հենց նրանց պատմություններն են ստիպել Մագդային, որպեսզի գա իր ինքնության հետևից.
«Ծնողներս տանն ունեին Ցեղասպանության մասին բոլոր գրքերը: Այսօր բոլորը հանգուցյալ են, և այդ գրքերը ես համարում եմ գանձեր, արժեքավոր ժառանգություն: Ես հավատում եմ, որ ինքնության ճանաչումը բոլորի մոտ տարբեր է: Ինձ մոտ այն արթնացավ 2015 թվականին՝ Ցեղասպանության հարյուրամյա տարելիցին: Մի տեսակ բացահայտում ունեցա՝հանկարծ զգացի, որ պետք է մանրամասն իմանամ, թե ինչ է կատարվել իմ ընտանիքի հետ: Ու այդպես սկսվեց բացահայտման ուղին»:
Հայոց ցեղասպանության թանգարանում յուրաքանչյուր ցուցանմուշի մասին պատմությունը գրողը ցանկանում է մտապահել. իր հետագա գրքերի համար կարող են ծառայել տեղեկատվական աղբյուր:
Մագդա Թախտաճյանին ընդունեց նաև թանգարանի տնօերն Հարություն Մարությանը:
Կարդացեք նաև
- Newmag-ի հրավերով Հայաստան է ժամանում աշխարհահռչակ արգենտինահայ գրող Մագդա Թախտաճյանը
- Newmag Winter Fest 2023-ին տեղի կունենա Մագդա Թախտաճյանի «Ռոջավա» վեպի շնորհանդեսը՝ գրողի մասնակցությամբ (թրեյլերը)
- Գրող Մագդա Թախտաճյանը հանդիպել է ՀՀ-ում Արգենտինայի արտակարգ և լիազոր դեսպանին (տեսանյութ, լուսանկարներ)
- Մագդա Թախտաճյանին հյուրընկալել են Հայ բերեգործական ընդհանուր միությունում (տեսանյութ, լուսանկարներ)
- Տեղի ունեցավ Մագդա Թախտաճյանի «Ռոջավա» գրքի հեռուստաշնորհանդեսը (տեսանյութ, լուսանկարներ)
- «Օտարագիր հայ գրողներ. Ովքեր են ու ինչի մասին են գրում թեմայով» պանելային քննարկում՝ Newmag Winter Fest-ին (լուսանկարներ)
- Արգենտինահայ գրողը այցելել է Բրյուսովի համալսարան և շփվել իսպանախոս ուսանողների հետ (տեսանյութ, լուսանկարներ)
- Արգենտինահայ գրող Մագդա Թախտաճյանն այցելել է Տավուշի Խաչարձան գյուղ (տեսանյութ, լուսանկարներ)
- Արգենտինահայ գրող Մագդա Թախտաճյանն այցելել է Էջմիածին (տեսանյութ)