Ինչ է գրում մամուլը Վարդան Գրիգորեանի «Տուն տանող ճանապարհը» գրքի մասին (տեսանյութ)
Newmag-ի թարգմանած ու հրատարակած «Տուն տանող ճանապարհը» թավրիզցի մի տաղանդավոր հայ տղայի պատմություն է, որը Թավրիզից Ամերիկա է գալիս, արագ ավարտում համալսարանն ու ասպիրանտուրան, պատմություն դասավանդում, հրթիռի արագությամբ մեկը մյուսի ետևից գիտական աստիճաններ ձեռք բերում, հետո Նյու Յորքի հանրային գրադարանը մեն-մենակ փրկում է մոռացումից: Ինչ է գրում համաշխարհային մամուլը Վարդան Գրիգորեանի ինքնակենսագրականի մասին, ինչ կարծիք ունեն գրքի վերաբերյալ հայտնի գրաքննադատները՝ հավաքել է Newmag-ը:
Սա Գրիգորեան Մեծահոգու կյանքի իրական պատմությունն է: Ժամանակին ես ուզում էի, որ նա Նյու Յորքի քաղաքապետը լիներ: Հիմա էլ ուզում եմ:
Էդգար Լորենս, Դոկտորոու
Գրիգորեանի գիրքը ապշեցուցիչ ուղու պատմություն է: Այս ջերմ ու սրամիտ գիրքը կարդալուց հետո ես ընկալում այն կենսուրախությունը, որը բնորոշ է Գրիգորեանին:
Սյուզան Քենթ, Los Angeles Times
«Տուն տանող ճանապարհը» հումորով լի, բայց նաև ազդեցիկ պատմություն է տառապանքն ու դժվարությունները հաղթահարելու մասին, պատմություն է հայկական սփյուռքի ողբերգության, արմատներին հավատարիմ մնալու, բուհերում տարվող ցավալի քաղաքականության մասին:
Ջիլլ Քեր Քոնվեյ
Գրիգորեանի պատմությունը վերահաստատում է, որ տաղանդն ու աշխատասիրությունը կարող են փոխել աշխարհը և ավելի լավը դարձնել այն:
Սա մի երիտասարդ հայի պատմությունն է, որը հասնում է այս ափերն ու հայտնաբերում, թե ինչ հնարավորություններ է ընձեռում Ամերիկան:
Արթուր Շլեզինգեր կրտսեր
Գրիգորեանի պատմությունը վերահաստատում է, որ տաղանդն ու աշխատասիրությունը կարող են փոխել աշխարհը և ավելի լավը դարձնել այն:
Սթիվեն Ալֆորդ, Houston Chronicle
Վարդան Գրիգորեանի կլանող պատմությունից հորդում է արտասովոր մտավոր կարողությունների տեր մարդու ջերմությունը, հումորն ու իմաստությունը: Նա իր հետքն է թողել մի ամբողջ սերնդի բարոյափիլիսոփայական հայացքների վրա:
Էլի Վիզել
Կարդացեք նաև
- Վարդան Գրիգորեանն ու «Ավրորան». ինչու և ինչպես ստեղծվեց նախաձեռնությունը
- Աշխարհահռչակ դեմքերն ընթերցում են Վարդան Գրիգորեանի «Տուն տանող ճանապարհը»
- Տեղի ունեցավ Վարդան Գրիգորեանի «Տուն տանող ճանապարհը» գրքի շնորհանդեսը
- Newmag-ը ներկայացնում է «Քարնեգի» հիմնադրամի լեգենդար նախագահի բացառիկ հուշերը (թրեյլեր)
Այս ինքնակենսագրականում Գրիգորեանի մանկությունն է, կարիերան և նույնիսկ ամենածանր պայմաններում կրթություն ստանալու ձգտումը:
New York Daily News
Գրիգորեանը պոեզիան ու բծախնդրությունը վարպետորեն միախառնել է պրոգրեսիվիզմին ու համալսարանական քաղաքականությանը: Գրիգորեանը հրաշալի է պատկերում թիկունքից ստացած հարվածները, երբ փորձել է բարձրացնել կրթության որակն այն համալսարաններում, որտեղ դեկան է եղել:
Քըրքըս Ռիվյուզ
Վարդան Գրիգորեանի գիրքը կարդալիս թվում է՝ նա կողքիդ է: Այս պատմությունն իմաստություն է ճառագում իր հեղինակի պես, լի է հումորով, դուրեկան է ու զորեղ:
Դեյվիդ Հոլբերստամ
Վարդան Գրիգորեանը ազգային հարստություն է: Ազգային հարստություն է նաև «Դեպի տուն տանող ճանապարհը»՝ նրա իսկ պատմությունն իր ապշեցուցիչ կյանքի ու իր ապրած ժամանակների մասին:
Ֆիլիպ Համբուրգեր