Գրքում, ինչպես կյանքում՝ ինչ նմանություններ կգտնեք «Նորմալ մարդիկ» վեպի հերոսների ու Ձեր միջև

March 30, 2021

Newmag-ն օրերս ներկայացրեց այս գարնան գլխավոր բեսթսելլերը: Տարբեր մրցանակների արժանացած «Նորմալ մարդիկ» վեպի հեղինակին համարում են մեր օրերի Սելինջեր: Երիտասարդ գրողի գործն առանձնանում է զույգերի հարաբերությունների իրական նկարագրությունով, որտեղ պարզ երևում են մեր ժամանակի խնդիրները, մարտահրավերները: Սիրավեպի մասին այս եզակի գործը մեծ աղմուկ է բարձրացրել ամբողջ աշխարհում: Ձեզ ենք ներկայացնում 5 պատճառ, թե ինչու դուք էլ պետք է ընթերցեք իռլանդացի գրող Սալի Ռունիի «Նորմալ մարդիկ» վեպը:

1. Անհարմար լարվածություն, որն առաջանում է երիտասարդ զույգի հարաբերությունների մասին  ընթերցելու ընթացքում: «Նորմալ մարդիկ» գրքի միջոցով դուք վերապրում եք այն ամբողջ էմոցիաները, որ ունեցել եք դեռահաս տարիքում:

2. Այդ ամենը Ձեզ հետ էլ է պատահել: Անհարմարություններ, ամոթ, որ առաջանում են սիրահետության ու առաջին մերձեցումների ընթացքում: Այս զգացողությունները կան գրքում ու եղել են և կան մեր բոլորի կյանքում:

Սա մի պատմություն է, որով տարվում եք, ցանկանում եք արագ ընթերցել, բայց և վերջին էջին մոտենալու զգացողությունն ամենևին էլ հաճելի չէ՝ շարունակություն եք ուզում:

3. Ինչպես կյանքում, այնպես էլ գրքում հարաբերությունների նախնական փուլում զգում եք հաղորդակցության պակաս: Մարմնական ցանկությունները, սիրային ջերմ հպումներն ավելի անկեղծ են, քան զրուցները, որ վերամբարձ են ու ոչ իրական: Այս միտքը հաճախ է տանջում հատկապես Քոնելին՝ շփոթությունները նրան հեռուցնում են իրականությունից:

4. Իհարկե, իռլանդացի գրող Սալի Ռունիի հերոսները գրավիչ են: Բայց նրանց ամենակարևոր առանձնահատկությունն այն է, որ իրենց հետ մեզ կարողանում են տեղափոխել դեպի երիտասարդություն, դեպի սերը ճանաչելու ու զգալու փուլերը, որոնք այդ պահին կարող է ցավոտ լինեն,  բայց դառնում են անմոռանալի մի ամբողջ կյանքի համար:

Կարդացեք նաև

5. Սա մի պատմություն է, որով տարվում եք, ցանկանում եք արագ ընթերցել, բայց և վերջին էջին մոտենալու զգացողությունն ամենևին էլ հաճելի չէ՝ շարունակություն եք ուզում: Երբ ավարտում եք ընթերցանությունը, հայտվում եք հուզականորեն կախվածություն մեջ: Նրանց առաջին համբույրից մինչև վերջին դրվագ կարդում ես, ու այդ տեսարաններն աչքիդ առաջ են մինչև վերջ: