FrancoFest2024-ին Հայաստան են ժամանելու Գոնկուր ակադեմիայի պատվիրակները

«Գոնկուր Հայաստան» մրցանակը հիմնելու առիթով ու հատուկ փառատոնին մասնակցելու համար Երևան են ժամանում Գոնկուր ակադեմիայի գլխավոր դելեգատ Ֆրանսուազ Ռոսինոն և Գոնկուր մրցանակի ժյուրիի անդամ, ֆրանսիացի անվանի գրող, փիլիսոփա Պասկալ Բրյուկները։ Այս մշակութային աննախադեպ իրադարձությունը հնարավոր է դարձել newmag-ի, Ֆրանսիական ինստիտուտի և Ֆրանսիական համալսարանի համատեղ ջանքերով։ 

Փառատոնի հատուկ հյուրերը մեր երկրում կանկացնեն երկու օր։ Նրանք կհյուրընկալվեն հայաստանյան հեռուստաընկերություններում, կներկայացնեն Գունկուր մրցանակի կարևորությունն ու իրենց այցի նպատակը։ Հոկտեմբերի 12-ին՝ Ֆրանկոֆոն բովանդակության փառատոնին, հյուրերը հանդես կգան ելույթներով։ 

Ֆրանսուազ Ռոսինոն Գոնկուր ակադեմիայի գլխավոր դելեգատն է։ Նա մեծ ներդրում ունի ֆրանսիական գրականության զարգացման գործում: Գոնկուրի ակադեմիայի գլխավոր պատվիրակի պաշտոնը զբաղեցնում է 2015 թվականից։ Որպես այդ հեղինակավոր հաստատության ղեկավար՝ նա համակարգում է Գոնկուր մրցանակի ընտրության ողջ գործընթացը։ 

Ֆրանկոֆեստի հյուրերից Պասկալ Բրուկները ֆրանսիացի գրող է, մեր ժամանակների նշանավոր փիլիսոփաներից։ Նա հայտնի դարձավ 1970-ից 1980-ականներին՝ իր ֆրանսիական հասարակության և մշակույթի քննադատությանը նվիրված աշխատություններով: Բրուկները բազմաթիվ գրքերի հեղինակ է: Պարբերաբար գրում է Le Nouvel Observateur-ի համար։ 

Պատվիրակության մյուս անդամը գրող, երգիչ, երգահան Ուլիս Մանն է, որը հայտնի է Կենտրոնական Եվրոպայի մշակույթի և գրականության վերաբերյալ իր աշխատություններով։ Ֆրանսիայի մշակույթի մասին նրա Voix d'Europe centrale շոուն անդրադառնում է հեղինակներին և արվեստագետներին՝ ուսումնասիրելով նրանց ներդրումն ու ազդեցությունը եվրոպական մշակույթի վրա: Արվեստագետը նաև միաձուլում է իր գրական հմտությունները երաժշտության հետ։

FRANCFEST 2024 ՊԱՇՏՈՆԱԿԱՆ ԷՋ

Փառատոնի գործընկերներ  

• Հայաստանում Ֆրանսիայի դեսպանատուն, 
• Ֆրանսիական ինստիտուտ, 
• Հայաստանում ֆրանսիական համալսարան, 
• Ազնավուր հիմնադրամ

Գլխավոր հովանավոր

• Երևանի կոնյակի գործարան
• Ֆրանկոֆոնիայի համալսարանական գործակալություն, 
• Luxury Voyage

Մեդիա գործընկերներ 

• Courrier d'Erevan,
• Nouvelles d'Arménie

Կարդացեք նաև

• Թարգմանչաց տոնին newmag-ը կանկացնի ֆրանկոֆոն բովանդակությամբ աննախադեպ փառատոն / Francofest-2024
• FrancoFest 2024 / GONCOURT մրցանակը ազգային ժյուրի է ստեղծում Հայաստանում
• Ազնավուր, Մանուշյան, Սառ, Նոտոմբ ու Լյուգան. Ֆրանկոֆեստի 5 հեղինակները
• Ուշագրավ փաստեր Ֆրանսիական գրականության ամենահայտնի ու հեղինակավոր գրական մրցանակի մասին (տեսանյութ)
• FrancoFest2024-ին հանդես կգան հայ և ֆրանսիացի կատարողներ ու հեղինակավոր նվագախմբերը
• Գրականություն, նորաձևություն, մշակույթ /Պանելային 3 քննարկում՝ Ֆրանկոֆեստին