[Նոր գիրք] Newmag Winter Fest-ին տեղի կունենա Նարինե Աբգարյանի «Դրսեկը» գրքի շնորհանդեսը (թրեյլեր)

1993 թվականին Երևանի Բրյուսովի անվան լեզվաբանական համալսարանն ավարտած մի ուսանողուհի հայրենի Բերդ քաղաքից մեկնում է Մոսկվա: Մասնագիտությամբ ռուսերենի և գրականության ուսուցիչն այդպես էլ ոչ մի օր չի աշխատում իր մասնագիտությունով: Հենց իր նոր կյանքի, արտասովոր  միջավայրի, հակասական քաղաքի, բազմազգ բնակիչների, տարբեր խնդիրների մասին սուր զավեշտով Աբգարյանը նկարագրում է «Դրսեկը» գրքում. «Երկրորդ բարձրագույն կրթություն ստանալու համար եկա Մոսկվա։ Ինձ մոտ ոչ մի մասնագիտության մեջ ոչինչ չէր ստացվում, ու հստակ զգացողություն կար, որ ընդհանրապես անարժեք մարդ եմ։ Արդյունքում՝ վերապատրաստվեցի որպես հաշվապահ և դարձա Մոսկվայի ամենադժբախտ հաշվապահը»։

Սա ինքնատիպ ոճով գրված մի պատմություն է այն մասին, թե ինչպես է երիտասարդ աղջիկը ընդունվում աշխատանքի Մոսկվայի հյուրանոցներից մեկում  գործող փոխանակման կետում, ինչպես է առաջին անգամ գործընկերների հետ փորձում ալկոհոլ, թե ինչպես է մարմնավաճառների գլխավորն աշխատանք առաջարկում նրան` պատճառաբանելով, որ կարդացած հաճախորդներին կհետաքրքրի: 18+ վեպում Նարինե Աբգարյանը համեմել է իր ինքնահեգնանքը, թեթև գրելաոճը և հումորի հիանալի չափաբաժինը: Ու հենց դրա շնորհիվ էլ միանգամից  գիրքը գրավեց ընթերցողին, ու գործը դարձավ ռուսական գրախանութներում պահանջված:

Իր ամենաինքնակենսագրական գրքում ու մինչև հիմա էլ Նարինե Աբգարյանը որդեգրել է մի սկզբունք՝ 1990-ականները հիշել միայն ծիծաղով: Իր կերպարը, հաղթահարած բարդությունները նույնիսկ գրքում ներկայացրել է հումորի անսպառ չափաբաժինով: Քանի որ վստահ է՝ հուսալքությունը ոչ մի լավ տեղ չի տանում: Նա ի սկզբանե որոշել էր, որ այդ բոլոր զբացողություններն իր մեջ չի պահելու ու մարտահրավերներից էլ չի ներփակվի, այլ կպատմի, կգրի, կհրապարակի, որ կարդան, մտածեն ու հասկանան՝ բարդություններն էլ զավեշտալի կողմեր ունեն:

 ՓԱՌԱՏՈՆԻ ԱՄԲՈՂՋԱԿԱՆ ԾՐԱԳԻՐԸ

1990-ականների մասին Նարինե Աբգարյանը գրեց  2011-ին ու միայն 10 տարի անց այն հայերեն ներկայացրեց Newmag-ը: «Դրսեկը» լույս է տեսել հայ-ռուսական «Օրակուլ» մատենաշարի շրջանակում: Թարգամանության ու վերնագրի նորաբանության հեղինակը  Սամվել Գասպարյանն է, շապիկի նկարազարդումը՝ Սոֆի Մարգարյանի:

Newmag-ի հրատարակած «Դրսեկը» շեպի շնորհանդեսը տեղի կունենա Newmag Winter Fest-ին, Կոնգրես հյուրանոցի Մեծ սրահում, փետրվարի 19-ին, 11։20-ին։

Կարդացեք նաև

• Փետրվարի 19-ին տեղի կունենա Newmag Winter Fest 2022-ը. ավելի քան 10 ժամ գրքերի շնորհանդեսներ ու հետաքրքիր քննարկումներ
• [Նոր գիրք] Newmag Winter Fest-ին տեղի կունենա «Մարդիկ և մեքենաները. հայկական առաջին համակարգիչների ստեղծման պատմությունը» գրքի շնորհանդեսը (թրեյլեր)​​​​​​
• [Նոր գիրք] Newmag Winter Fest-ին տեղի կունենա Սուրեն Սարգսյանի «Հայաստանն ու Բուշն անձամբ» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա «Մանյունյա» գրքի 2-րդ մասի շնորհանդեսը (թրեյլեր)
• [Նոր գիրք] Հասրաթյան-Մինասյան հիմնադրամի հետ Newmag-ը ներկայացնում է «Օպերացիա «Զոդ». Ինչպես Հայաստանը 1919-ին պահեց Սոթքի բնագիծը» գիրքը (թրեյլեր)