Ցանկացած տրավմա պահանջում է առերեսում ու հաղթահարում՝ գերմանական բեսթսելլերի գլխավոր ուղերձը

Սառը պատերազմի ավարտ, քանդվում է դրա խորհրդանիշն ու պատմության ամենադրամատիկ պատնեշը՝ Բեռլինյան պատը: Մինչ այդ գերմանական հասարակությունը բաժանված էր երկու մասի՝ բառի բուն իմաստով: Պատը որոշ հատվածներում անցնում էր ուղիղ տների միջով:

Օյգեն Ռուգեն  ներկայացրել է մի գերդաստանի 4 սերունդի պատմություն: Նրանք բոլորն էլ հայտնվել են Բեռլինյան պատի պատմական բաժանումների ու միավորումների արանքում։ Տարբեր արժեհամակարգերի, դրանց բախումների, հասարակության և նույն ազգի տարբեր բևեռների մասին է գիրքը, որը մի ընտանիքի օրինակով բացահայտում է այն ամբողջ դրաման, որը գերմանական հասարակությունում:

Պետական պաշտոնյաներից մեկի ծննդյան օրն ամեն տարի հավաքվում էին բոլոր հարազատները: Դա ավանդույթ էր, որը երբեք չէր խախտվում: Սակայն այս տարեդարձին կար մեկ բացակա՝ տան թոռը, նա փախել էր Արևմտյան Գերմանիա: Պապն ու ընտանիքի մյուս անդամները նրան տվել էին դավաճան պիտակը:

Ավելի քան 30 լեզվով թարգմանված «Մարող լույսի ժամանակներում» գրքում նկարագրությունները, երկխոսությունները դիպուկ են, համառոտ ու էմոցիաներից զուրկ: Հետպատերազմյան ճգնաժամի թեմայի ընտրությամբ գերմանացի գրողը ցանկացել է ցույց տալ, որ ցանկացած տրավմա պահանջում է առերեսում ու հաղթահարում։

Կարդացեք նաև

• «Ստեղծարար Եվրոպա» ծրագրի շրջանակում Newmag-ը ներկայացնում է գերմանական մեծագույն վեպ. «Մարող լույսի ժամանակներում» գիրքը (թրեյլեր)
• Newmag-ն ազդարարեց «Ստեղծարար Եվրոպայի» հրատարակչական ծրագրի մեկնարկը. Ներկայացվել է հյուսիս-եվրոպական երկու բեսթսելլեր (տեսանյութ, լուսանկարներ)
• Տեղի ունեցավ «Մարող լույսի ժամանակներում» գերմանական բեսթսելլերի հեռուստաշնորհանդեսը (տեսանյութ)
• Գրող, ռեժիսոր, թարգմանիչ, մաթեմատիկոս. Օյգեն Ռուգեն գերմանական նոր գրականության ամենավառ անունն է (տեսանյութ)
• Գերմանական բեսթսելլեր, որը հեղինակը գրել է 20 տարվա ընթացքում (տեսանյութ)