Նարինե Աբգարյանի «Սիմոն» վեպն էկրանավորվորվում է. նկարահանումները սկսվել են (լուսանկարներ)

Սիմոնի ու նրա կանանց յուրաքանչյուրի պատմությունը Նարինե Աբգարյանը հավաքել ու զետեղել է իր «Սիմոն» վեպում։ Սկզբում այն պատմվածք էր, հետո դարձավ վեպ։

Նարինե Աբգարյանը միայն իրեն հատուկ նրբանկատությամբ ու գրական հմտությամբ սովորական կնամոլին վերածում է վեպի գլխավոր հերոսի: Նրա շիրիմի շուրջ նախկին սիրուհիները գինի են խմում, պատմում ու վերհիշում իրենց կյանքը՝ հյուսելով տրագիկ ու կոմիկական մի մեծ պատմություն՝ փոքրիկ քաղաքի բնակիչների մասին: Աբգարյանին Սիմոնի մասին պատմել է մայրը: Դեպքը տեղի է ունեցել հոգեհանգստի ժամանակ, որտեղ սգացողները բանավեճ են սկսել հենց հանգուցյալի շուրջ հավաքված: Մի քանի ամիս անց Աբգարյանը սկսեց գրել այն, ինչ լսել էր։

Այս արտառոց ու իրական պատմությունը, որը վերածվել է կոլորիտային գրքի, հիմա կունենա նաև իր էկրանավորումը։ «Սիմոնի» ընտանեկան պատմության գործողությունները ծավալվում են հեղինակի հայրենի Բերդում:

Կնամոլ Սիմոնին ֆիլմում կմարմնավորի Հրանտ Թոխատյանը, իսկ նրա կանանց դերերում հանդես են գալու Օլգա Կաբոն, Ալյոնա Խմելնիցկայան, Իրինա Բեզրուկովան և Ալիկա Սմեխովան։ Սիմոնին ու նրա կանանց  երիտասարադ տարիքում մարմնավորել են ռուսաստանաբնակ հայ  դերասան Միքայել Արամյանը, Տատյանա Խրամովան, Մարիա Ախմեցյանովան, Մանո Մարիամը և Սոֆյա Դոնիանցը: Սերիալի ռեժիսորը Արման Մարությանն է, որը նաև  էկրանավորել է «Մանյունյան»:  

Պրեմիերայի օրը դեռ հայտնի չէ, սակայն երկար չես սպասի «Սիմոնի» հեռուստաէկրանացմանը։

Կարդացեք նաև

• Ինչու Նարինե Աբգարյանը պատմվածքը վերածեց վեպի, Սիմոնին՝ գլխավոր հերոսի ու նրա մասին գրեց պատերազմի ժամանակ (տեսանյութ)
• Բացառիկ հարցազրույց Նարինե Աբգարյանի հետ. Ինչու հենց «Սիմոնը» դարձավ մեր ժամանակների իր հերոսը (տեսանյութ)
• Հայ-ռուսական «Օրակուլ» մատենաշարը ներկայացնում է Նարինե Աբգարյանի «Սիմոն» վեպը (թրեյլեր)
• [Newmag Summer Fest-2021] Ուշագրավ մանրամասներ «Սիմոն» գրքի շնորհանդեսից (տեսանյութ, լուսանկարներ)
• Ինչ գրեցին քննադատներն ու մամուլը Նարինե Աբգարյանի «Սիմոն» վեպի մասին (տեսանյութ)
• Նարինե Աբգարյան. «Սիմոնը» հինգ կնոջ բացարձակ միայնության և այն հաղթահարելու մասին է