Արագ, հաջողակ, արդյունավետ աշխատանքի 10 մոտիվացնող գաղափար Չարլզ Դահիգից

1. Կան մարդիկ, որոնք ձևացնում են՝ իբր արդյունավետ են աշխատում: Ու թեեւ նրանց ռեզյումեն տպավորիչ է, ժամանակի ընթացքում հասկանում ես, որ նրանց միակ իսկական տաղանդը սեփական անձը գովազդելու կարողությունն է:

2. Արդյունավետությունը, պարզ ասած, սեփական էներգիան, ինտելեկտն ու ժամանակը գործադրելու լավագույն եղանակը գտնելու մեր ձեռնարկներն են, երբ փորձում ենք նվազագույն ջանքեր վատնելով առավելագույն օգուտ քաղել: Այն ապրելակերպ է, որի ընթացքում սովորում ենք հաջողության հասնել նվազագույն լարումով ու ճիգով, որպեսզի կարողանանք բոլոր գործերը ժամանակին ավարտել ՝ չզոհաբերելով դրանց համար այն ամենն, ինչ մեզ համար կարեւոր եւ թանկ է:

3. Ընտրեք գերնպատակ, որն արտացոլում է ձեր ձգտումները: Բաժանեք այն ենթանպատակների և մշակեք SMART խնդիրներ:

4. Ուշադրությունը կենտրոնացնելուն եւ պահպանելուն օգնում են մտային մոդելները, այսինքն՝ մտքում անընդհատ կրկնվող պատմություններն այն մասին, թե ինչ ենք ակնկալում տեսնել։

5. Եթե թիմ եք գլխավորում, մտածեք, թե ինչ ուղերձ եք հղում ձեր պահվածքով։ Խրախուսում եք հավասարությո՞ւնը, թե՞ պարգեւատրում եք ամենաբարձր գոռացողին։ Կրկնո՞ւմ եք այն, ինչ ասում են ձեր թիմակիցները՝ դրանով ցույց տալով, որ լսում եք նրանց։ Զգայո՞ւն եք ձեր ենթակաների կարծիքների եւ զգացմունքների նկատմամբ: Դուք նրանց համար օրինակ ծառայո՞ւմ եք:

6. Տնտեսող եւ ճկուն կառավարման մեթոդների կիրառման փորձը ցույց տվեց որ մարդիկ ավելի արդյունավետ են աշխատում, եթե ի սրտե հավատում են, որ կարող են ինքնուրույն որոշումներ կայացնել եւ որ գործընկերներն աջակցում են իրենց։

7. Ստեղծագործական հուսահատությունը հաճախ կարեւոր է։ Հաճախ հենց տագնապն է մեզ ստիպում հին գաղափարները նորովի ընկալել։

8. Արդյունավետության էությունն է՝ գիտակցել եւ ընդունել այլընտրանքները, որոնք շատերը հաճախ աչքաթող են անում։ Արդյունավետության հիմքում որոշումների կայացումն է որոշակի եղանակով. ինչպես ենք ընտրում կյանքի հանդեպ մեր մոտեցումը, ինչ պատմություններ ենք պատմում ինքներս մեզ, ինչպես ենք ամենայն մանրամասնությամբ նպատակներ սահմանում կամ մեր թիմակցիների շրջանում փորձում մշակույթ հաստատել:

9. Կարելի է գլխիվայր շրջել կազմակերպությունն՝ ընդլայնելով աշխատակիցների լիազորությունները: Կարելի է բարելավել տարեց մարդկանց կյանքը՝ նրանց սովորեցնելով լինել ապստամբ ու չենթարկվող։

10. Գերնպատակները մի մեծ թերություն ունեն: Մի կողմից ուսումնասիրությունները ցույց են տալիս, որ համարձակ գերնպատակը հաճախ նորարար գաղափարներ է ծնում: Սակայն, մյուս կողմից, այն կարող է խուճապ առաջացնել եւ համոզել մարդկանց, որ հաջողության հասնելն անհնար է, քանի որ նպատակը չափազանց հանդուգն է:

Կարդացեք նաև

• [Նոր գիրք]. «Ավելի խելացի, արագ, հաջողակ»՝ մոտիվացիոն գիրք «Սովորության ուժի» հեղինակից (թրեյլեր)
• Չարլզ Դահիգ. Արդյունավետությունն ի հայտ է գալիս այն ժամանակ, երբ մարդիկ սկսում են այլ կերպ մտածել (լուսանկարներ)
• Տեղի ունեցավ Չարլզ Դահիգի «Ավելի խելացի, արագ, հաջողակ» գրքի շնորհանդեսը (տեսանյութ, լուսանկարներ)
• Ինչու է Չարլզ Դահիգը գրել «Ավելի խելացի, արագ, հաջողակ» գիրքը և ինչու է մեզ սովորեցնում արդյունավետ աշխատել (տեսանյութ)
• Ինչպե՞ս դառնալ ավելի արդյունավետ. 5 խորհուրդ Չարլզ Դահիգից (տեսանյութ)
• Չարլզ Դահիգը վարպետորեն համադրում է գիտական փաստերն ու գործնական խորհուրդները. մամուլը «Ավելի խելացի, արագ, հաջողակ» գրքի մասին (տեսանյութ)