«Իմ հայ ընկերը» հուշագրության թարգմանիչը՝ գրքի մասին (տեսանյութ)

Ո՞վ էր այն գրողը, որը դարձել էր ֆրանսիական ժամանակակից գրականության առեղծվածը։ Ընթերցողները շարունակում էին փնտրել, մինչդեռ նա թաքնվում էր կեղծանվան տակ։ 2001-ին հրատարակում է Գաբրիել Օսմոնդ կեղծանվամբ՝ 10 տարում գրելով 4 վեպ: Ի վերջո, 2011-ին մի ընթերցողը նկատում է, որ Օսմոնդի «20,000 կին տղամարդու կյանքում» գիրքը ներշնչված է Մակինի «Իմ ռուսական ամառների երազանքները» վեպից, որից հետո Անդրեյ Մակինն ընդունում է, որ Օսմոնդն ինքն է:

«Իմ հայ ընկերը» Newmag-ը ներկայացրեց ֆրանսիական գրքի առաջին փառատոնին։ Հուշագրությունը ֆրանսերենից հայերեն է թարգմանել Աննա Բաղդասարյանը։ Ապրում է Ֆրանսիայում. «Այստեղ մեծ համբավ է վայելում Մակինը: Ակադեմիկոսների կողմից սիրված հեղինակ է: Իսկ իմ հասակակից ուսանողների համար էկզոտիկ հեղինակ է, նոր մշակույթի, սովետական Ռուսաստանի մասին հուշերով է: Իր լեjտմոտիվը հենց Ռուսաստանն է, զուգահեռ գծով էլ ֆրանսիական մշակույթը, որին սովորել է դեռ փոքրուց»: 

Ըստ թարգմանչի, Մակինն ունի յուրօրինակ գրելաոճ. գրում է  Մոլիերի, Ռասինի ֆրանսերենով ու մաքրամաքուր լեզվով, իհարկե գործում կան երբեմն երկարաշունչ նախադասություններ, ինչը ֆրանսիական  ժամանակակից գրականությունում այլևս չես հանդիպի. «Գրքում ունենք պատմություն պատմության մեջ: 13-ամյա կերպարի միջոցով ներկայացնում է մի ուրիշ էթնոմշակույթ: Իրական պատմություն է: Մակինը բազմիցս ասել է, որ իր ընկերն է: Երբ ասել են, ինչու եք գրել, Միշլեին է մեջբերել, ասել է՝ պետք է լույս սփռել պատմության մութ էջերի վրա: Անմահացնել Վարդանին, որ չդառնա պատմության լուռ ստվերը: Հարուստ գունապնակ ունենք, սոցիալական տարբեր խավի ներկայացուցիչներ, ուսուցիչ, նախկին բանտարկյալ, 13-ամյա պատանիներ ու գլխավորապես հայ հերոսներ»:

Դեպքերը տեղի են ունենում շատ արագ և համընթաց: Գիրքը կարդացվում է մեկ շնչով, որովհետև Մակինը ներկայացել է իր ամբողջ պրոֆեսիոնալիզմով։

Կարդացեք նաև

• FRANCOFEST | Newmag-ը ներկայացնում է ֆրանսիայի ակադեմիայի անդամ Անդրեյ Մակինի «Իմ Հայ ընկերը» վեպը (թրեյլեր)
• Տեղի ունեցավ Անդրեյ Մակինի «Իմ հայ ընկերը» գքրի հեռուստաշնորհանդեսը (տեսանյութ)
• «Իմ հայ ընկերը» գրքի հերոսների իրական նախապատմությունն ու ճակատագրերը (տեսանյութ)
• Ով է «Իմ հայ ընկերը» գրքի հեղինակը. մանրամասներ Անդրեյ Մակինի մասին (տեսանյութ)