Արգենտինահայ գրող Մագդա Թախտաճյանը հանդիպել է մայր բուհի իսպանախոս ուսանողների հետ (տեսանյութ, լուսանկարներ)

Արգենտինահայ գրող Մագդա Թախտաճյանը հանդիպում է համալսարականների հետ: ԵՊՀ Ռոմանական բանասիրության ամբիոնի ուսանողների համար գրողի հետ հանդիպումը տոնի է նման: Մագդան առավել քան երջանիկ է. «Առաջին անգամ եմ Երևանի պետական համալսարանում, տպավորված եմ ուսանողների հետ հանդիպումից: Եղել եմ շատ համալսարաններում, սակայն առաջին անգամ էր, որ ուսանողներից այսքան շատ ու բովանդակալից հարցեր էի ստանում»: 

Մագդա Թախտաճյանն ընդգծում է՝ ԵՊՀ ուսանողների հետ հանդիպումը նշանակալից է, քանի որ իր գրքի գլխավոր հերոսուհին ևս սովորել է մայր բուհում. «Հենց այստեղ՝ Երևանի պետական համալսարանում է սովորել «Ռոջավա» վեպի գլխավոր հերոսուհին՝ Նանեն: Այս մասով հանդիպումն ինձ համար սիմվոլիկ ու նշանակալից էր»: 

Հանդիպմանը ներկա էր նաև Հայաստանում Արգենտինայի դեսպանը: Մարիանո Վերգարայի տպավորությունները նույնպես վառ են. «Շատ տպավորված եմ ԵՊՀ կատարած այցից: Մեզ համար մեծ պատիվ է ևս մեկ անգամ ներկայացնել արգենտինահայ գրող Մագդա Թախտաճյանին իր «Ռոջավա» ստեղծագործությամբ: Ուզում եմ նաև շեշտել, որ մեզ համար մեծ պատիվ է գտնվել ԵՊՀ-ում: Շնորհակալ ենք Newmag հրատարակչությանը՝ վեպը հայերեն թարգմանելու համար»:

Երկու ժամից ավելի հեղինակն ուսանողներին փոխանցեց այն բոլոր հույզերը, որոնք ապրել է վեպը գրելիս: ԵՊՀ-ականներն էլ փաստում են՝ հանդիպմանը երկար են սպասել.

Քելի Սերգեյ Հովհաննիսյան, ԵՊՀ ուսանող. «Իրականում, այս հանդիպմանը մենք երկար ենք սպասել, քանի որ բացառիկ երևույթ էր, որ իսպանախոս հայտնի անձ գալիս է մեզ հետ զրուցելու: Ինձ՝ որպես ինսպաներենի ապագա լեզվաբան տվեց լեզվի նոր ըմբռնում, քանի որ վերջինս խոսում էր արգենտինական իսպաներենով: Կարծում եմ, որ իմ մասնագիտական ճանապարհին սա մեծ ձեռքբերում էր»:

Աննա Ազրոյան, ԵՊՀ դասախոս. «Շատ հուզումնալից հանդիպում էր սա, որովհետև գրողի շուրթերով կարողացանք վերապրել մեր ապուպապերի պատմությունը: Գրողն ամբողջությամբ ու անկեղծորեն կարողացավ ներկայացնել այն ցավը, որն ապրել է հայ ժողովուրդը»:

Կարդացեք նաև

• Newmag-ի հրավերով Հայաստան է ժամանում աշխարհահռչակ արգենտինահայ գրող Մագդա Թախտաճյանը
• Newmag Winter Fest 2023-ին տեղի կունենա Մագդա Թախտաճյանի «Ռոջավա» վեպի շնորհանդեսը՝ գրողի մասնակցությամբ (թրեյլերը)
• Գրող Մագդա Թախտաճյանը հանդիպել է ՀՀ-ում Արգենտինայի արտակարգ և լիազոր դեսպանին (տեսանյութ, լուսանկարներ)
• Մագդա Թախտաճյանին հյուրընկալել են Հայ բերեգործական ընդհանուր միությունում (տեսանյութ, լուսանկարներ)
• Տեղի ունեցավ Մագդա Թախտաճյանի «Ռոջավա» գրքի հեռուստաշնորհանդեսը (տեսանյութ, լուսանկարներ)

ԵՊՀ-ականների հետ հանդիպումը կազմակերպել էր պետհամալսարանի ռոմանական բանասիրության ամբիոնը՝ Newmag հրատարակչության հետ գործակցությամբ:

Կարդացեք նաև

• «Օտարագիր հայ գրողներ. Ովքեր են ու ինչի մասին են գրում թեմայով» պանելային քննարկում՝ Newmag Winter Fest-ին (լուսանկարներ)
• Արգենտինահայ գրողը այցելել է Բրյուսովի համալսարան և շփվել իսպանախոս ուսանողների հետ (տեսանյութ, լուսանկարներ)
• Արգենտինահայ գրող Մագդա Թախտաճյանն այցելել է Տավուշի Խաչարձան գյուղ (տեսանյութ, լուսանկարներ)
• Արգենտինահայ գրող Մագդա Թախտաճյանն այցելել է Էջմիածին (տեսանյութ)
• Մագդա Թախտաճյանն այցելել է Հայոց ցեղասպանության զոհերի հուշահամալիր (լուսանկարներ)