Book donation / «Վերածնունդ» հիմնադրամի աջակցությամբ Եղվարդի 7 գրադարան համալրվեց Newmag-ի 500 գրքով

Եղվարդ համայնքի ղեկավար Նորայր Սարգսյանը, շնորհակալություն հայտնելով Newmag-ին ու «Վերածնունդ» հիմնադրամին, ընդգծեց, որ սա աննախադեպ նվեր է գրադարանի համար. 

«Մեր ընթերցողների համար շատ մեծ նվեր է: Կարծում եմ, մտնելով գրադարան, հենց առաջին հայացքից կռահեցիք, թե ինչքան ենք արժևորում և հնարավոր ու անհնարին միջոցներ տրամադրում մեր գրադարանային համակարգ ՀՈԱԿ-ին: Բոլորիս աչքը լույս լինի, որ նման լավ ու արժեքավոր նվեր ենք ստանում»:

Newmeg հրատարակչության տնօրեն Արտակ Ալեքսանյանըի խոսքով, այս աննախադեպ ծրագիրը նախաձեռնել են Newmag-ի բարեկամների, գործընկերների և կոմերցիոն գործընկերների հետ համատեղ.

«Մեզ համար կյանքի ամենամեծ գործը գիրք հրատարակելն է։ Եվ կարևորն այն է, որ գրքերը հասնեն ընթերցողներին: Հասկանալի է, որ ոչ բոլորը կարող են գնելայսքան շատ գիրք, սա լավագույն լուծումն է, որ որակյալ բովանդակությունը հասնի ընթերցողին: Շատ ուրախ ու տպավորված ենք գրադարանից ու անկեղծորեն հավատում ենք, որ ծրագիրը կշարունակենք նաև մյուս մարզերում»:

Newmag հրատարակչության գլխավոր խմբագիր Գնել Նալբանդյանը նկատեց, որ գրադարանը գերազանց վիճակում է. 

«Հրաշալի պայմաններ են ստեղծված և այս հրաշալի պայմաններում պետք է լինի նույնքան հրաշալի բովանդակություն: Այստեղ պետք է գան ընտանիքներով: Մենք 500 միավոր գիրք ենք բերել, մոտ 200 անուն, որոնց զգալի մասն ընտանիքով ընթերցելու համար է: Սրանք որակյալ գրքեր են, որոնք համապատասխանում են ձեր գրադարանին ու գրադարանի աշխատակիցների ինտելեկտուալ որակին»:

Եղվարդի Արվեստի դպրոցի տնօրեն Լիպարիտ Մանյանի խոսքով, նման երևույթի վերջին տարիներին ոչ միշտ են ականատես լինում.

«Փաստորեն «Վերածնունդ հիմնադրամը, Newmag-ի հետ դառնում է միջնորդ՝ համաշխարհային գրականության և մեր ընթերցասերների միջև: Հենց նման նախաձեռնություններն են, որ ընթերցողին բերում են դեպի գիրքը: 

 Դուք մեզ կապում եք ճաշակով գրականության հետ, կցանկանայի, որ երգահանների ստեղծագործությունների ու նրանց անձնական կյանքի ու անցած ուղու մասին ևս գրքեր տպագրվեն, որովհետև նրանցից շատերը մշուշում են:

Եղվարդի վաստակավոր մանկավարժ Հայկուհի Հովհաննիսյանը շնորհակալություն հայտնեց Newmag-ին՝ ժամանակակից գրքեր հրատարեկելու համար. «Հենց կազմից գրքերն այնքան հրապուրիչ են, տառատեսակը, շապիկները. շատ շնորհակալ ենք ճաշակով տպագրության համար»:

Եղվարդի տարբեր դպրոցների ու պարի խմբակների սաները հյուրերի ներկայացրին Համբարձման տոնին նվիրված իրենց կատարումները:

Կարդացեք նաև

• Գրական մեծ անակնկալ. Freedom Broker Armenia-ն 1000 գիրք կնվիրի Լոռիի գրադարաններին
• Book donation. 500 գիրք՝ Ալավերդիի Հովհաննես Թումանյանի անվան քաղաքային գրադարանին (լուսանկարներ)
• Book donation / Vanadzor. 500 գիրք Վանաձորի գրադարաններին (լուսանկարներ)
• BOOK DONNATION / 250 գիրք՝ Դիլիջանի գրադարանների կենտրոնացված համակարգին (լուսանկարներ)
• BOOK DONATION/ «Վերածնունդ» հիմնադրամի օժանդակությամբ, Newmag-ը 500 գիրք նվիրաբերեց Վայքի համայնքային գրադարանին (լուսանկարներ)
• Book donation/ Նոր Երզնկայի, Օշականի, Կարբիի և Փարպիի գրադարանները համալրվեցին 500 գրքով (լուսանկարներ)