[Նոր երգ, նոր տեսահոլովակ] Newmag Winter Fest-ին տեղի կունենա Շառլ Ազնավուրի «Ով» երգի հայերեն տարբերակի պրեմիերան (տեսանյութ)

Newmag Winter Fest-ի  ամփոփիչ ու տոնական ակորդները կհնչեն ազնավուրյան ելևէջներով: Փետրվարի 19-ին՝ Ձմեռային փառատոնին տեղի կունենա Ազնավուրի «Ով» երգի հայերեն տարբերակի շնորհանդեսը։ Այն կկատարի Սոֆի Մխեյանը: Հոգեթով ու հուզիչ այս ստեղծագործության բառերը հայերեն է թարգմանել Սամվել Գասպարյանը: Նա դեռ տարիներ առաջ էր թղթին հանձնել խոսքերը, բայց դեռ ոչ ոք այն  չէր երգել:

Սամվել Գասպարյանին հաջողվել է հայերենում պահպանել ֆրանսիական շունչն ու ազնավուրյան ոգին: Երգի ու տեսահոլովակի աշխատանքներին ներգրավել են ոլորտի արհեստավարժները. տեսահոլովակի ռեժիսորն Արթուր Մանուկյանն է, իսկ նախագծի երաժշտական պրոդյուսերը՝  Մարտին Միզոյանը: 2021-ից երաժշտական այս նախագծի մտահղացումը՝ Արտակ Ալեքսանյանինն  է, գլխավոր հովանավոր՝ Ամունդի Ակբա ընկերությունը:

Ազնավուրն այս երգը գրել է 1960-ականներին։ 1963-ին լույս տեսավ նրա «Qui»` հայերեն «Ով», ձայնասկավառակը, որի 12 երգերի մեջ ընդգրկվել էր նաև այս գործը: «Qui» ձայնասկավառակը հաջողություն ունեցավ: Երգը պատմում է 20 տարվա տարիքային տարբերությամբ մի սիրո մասին։ Ազնավուրն առաջին անգամ այն կատարում է Պոլ Մորիայի նվագախմբի հետ, հենց Մորիան էլ արել էր գործիքավորումը: Նա ժամանակի ամենապահանջված երաժշտական ձևավորողներից էր, որին հաճախ դիմում էր նաև ժակ Բրելը:

 ՓԱՌԱՏՈՆԻ ԱՄԲՈՂՋԱԿԱՆ ԾՐԱԳԻՐԸ

Այս երգը մեծ ճանաչում ունեցավ նաև նաև իսպաներեն ու իտալերեն կատարումների շնորհիվ : Շառլ Ազնավուրը «Քանի սիրտս բաբախում է» գրքում անդրադառնում է այս երգին: Ըստ նրա, բառերը գրել է Բուենոս-Աիրեսում:

Սոֆի Մխեյանի կատարմամբ «Ով» երգի տեսհոլովակի նկարահանումներն արդեն ավարտվել են ու փետրվարի 19-ին՝ Գիրք նվիրելու օրը, Կոնգրես հյուրանոցում Newmag Winter Fest-ին տեղի կունենա սրտառուչ երգի և  հուզիչ հոլովակի պրեմիերան: Մուտքն ազատ  է. բաց մի թողեք ռոմանտիկ կատարումը առաջինը լսելու հնարավորությունը:

Կարդացեք նաև

• Փետրվարի 19-ին տեղի կունենա Newmag Winter Fest 2022-ը. ավելի քան 10 ժամ գրքերի շնորհանդեսներ ու հետաքրքիր քննարկումներ
• [Նոր գիրք] Newmag Winter Fest-ին տեղի կունենա «Մարդիկ և մեքենաները. հայկական առաջին համակարգիչների ստեղծման պատմությունը» գրքի շնորհանդեսը (թրեյլեր)​​​​​​
• [Նոր գիրք] Newmag Winter Fest-ին տեղի կունենա Սուրեն Սարգսյանի «Հայաստանն ու Բուշն անձամբ» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա «Մանյունյա» գրքի 2-րդ մասի շնորհանդեսը (թրեյլեր)
• [Նոր գիրք] Հասրաթյան-Մինասյան հիմնադրամի հետ Newmag-ը ներկայացնում է «Օպերացիա «Զոդ». Ինչպես Հայաստանը 1919-ին պահեց Սոթքի բնագիծը» գիրքը (թրեյլեր)
• [Նոր գիրք] Newmag Winter Fest-ին տեղի կունենա Նարինե Աբգարյանի «Դրսեկը» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա Վահան Զանոյեանի «Անապակ առեղծված» գրքի շնորհանդեսը (թրեյլեր)
• [Նոր գիրք] Newmag Winter Fest-ին տեղի կունենա Դմիտրի Տրենինի «Ուժերի նոր բալանս» գրքի շնորհանդեսը (թրեյլեր)