Ինչ է սպասվում ձմռան ամենագրքոտ ու գրքառատ օրը. Newmag-ի թիմը՝ «Բարի լույս» ծրագրում (տեսանյութ, լուսանկարներ)
Արմենիա հեռուստաընկերության «Բարի լույս» ծրագրի ընթացքում Newmag հրատարակչության թիմը ներկայացրել է ձմեռային փառատոնի ծրագիրն ու սպասվող անակնկալները: Նոր գրքերի, պանելային քննարկումների, սպասվող զեղչերի մասին խոսել են Newmag-ի տնօրեն Արտակ Ալեքսանյանը, մարքեթինգի և վաճառքի ղեկավար Գոհար Ալեքսանյանը:
Փետրվարի 18-ը ձմեռան ամենագրքոտ ու գրաքառատ օրն է: Newmag հրատարակչություն գրքի տոնին ընդառաջ արդեն երկրորդ անգամ անցկացնում է ձմեռային փառատոն ու այս իրադարձությունով էլ ազդարարում է իր հնգամյակի միջոցառումները՝ ընդգծում է Newmag-ի տնօրեն Արտակ Ալեքսանյանը. «Շատ կարևոր է, որ այս փառատոնին մենք ունենալու ենք հատուկ հյուր Արգենտինայից: Newmag-ը թարգմանել է Մագդա Թախտաճյանի «Ռոջավա» վեպը, և հենց այդ առթիվ նա եկել է Հայաստան, ներկա է լինելու շնորհանդեսին: Հայաստան գալուց առաջ էլ ստացել է քաղաքացիություն: Նա ամենահայտնի հայ գրողներից մեկն է, որ բնակվում է արտասահմանում:
Գրքերի շնորհանդեսներ, հանդիպումներ հեղինակների և ընթերցողների հետ, պանելային քննարկումներ ու գրքերի վաճառք: Եվ որքան շատ գիրք, այնքան շատ զեղչ՝ վստահեցնում է հրատարակչության մարքեթինգի և վաճառքի ղեկավար Գոհար Ալեքսանյանը. «Շատ գեղեցիկ միջոցառում է, շատ հետաքրքիր քննարկումներ են լինելու ու բացառիկ զեղչեր են լինելու: Ոչ միայն փառատոններին, մենք մեր ընթերցողների հետ մշտապես կապի մեջ ենք»:
Տարին Newmag-ի համար նշանակալի է. հրատարակչությունը դառնում է 5 տարեկան: Այդ առթիվ հրատարակչությունը հանդես է գալիս նոր նախաձեռնություններով ու ծրագրերով: Դրանցից մեկը նորանկախ Հայաստանի ամենագրական հանդեսի՝ «Ինքնագրի» վերահրատարակումն է: 10-րդ համարի շնորհանդեսը տեղի կունենա փառատոնին՝ նկատում է գրական հանդեսի խմբագիր Վիոլետ Գրիգորյանը. «Շատ ծանր ու ծավալուն համար է , ես ուզեցի էդպես սկսել, և Արտակն ընդառաջեց, ասես տապան եմ հավաքել: Մտածում էի էս դադարից , էս աղետից հետո բոլորը ինչ-որ բան ասեն»:
Ձմեռային փառատոնի ընթացքում Newmag-ը կներկայացնի նաև նոր տեսահոլովակ: Ազնավուրի ամենամեղեդային ու քնարական գործերից մեկը՝ «Վենետիկն է տխուր» երգը, որը կատարել է Անդրեն: Գրքային տոնը կսկսվի ուղիղ կեսօրին ու կշարունակվի մինչեւ երեկո: Մուտքն ազատ է բոլոր ցանկացողների համար:
Կարդացեք նաև
- Newmag-ի հրավերով Հայաստան է ժամանում աշխարհահռչակ արգենտինահայ գրող Մագդա Թախտաճյանը
- 5 նոր գիրք, գործակցության 5 նոր հուշագիր, ազնավուրյան 5-րդ տեսահոլովակի պրեմիերա. Newmag-ը 5-ամյակը մեկնարկում է ձմեռային փառատոնով (թրեյլեր)
- Newmag-ը վերսկսում է նորանկախ Հայաստանի ամենահայտնի «Ինքնագիր» գրական հանդեսի հրատարակությունը
- Newmag Winer Fest-ին տեղի կունենա Թոմ Նիկոլսի «Վտանգավոր ամենագետներ» գրքի շնորհանդեսը (թրեյլեր)
- Newmag Winter Fest2023-ին տեղի կունենա Նաիրա Սահակյանի «Խաղաղության հայկական գինը» գրքի շնորհանդեսը (թրեյլեր)
- Newmag Winter Fest2023-ին տեղի կունենա ազնավուրյան 5-րդ երգի և տեսահոլովակի պրեմիերան (թիզեր)
- Antenor-ը՝ Newmag Winter Fest-2023-ի հովանավոր (տեսանյութ)
- Աշխարհահռչակ ճանաչում ունեցող Cole Haan-ը՝ Newmag Winter Fest2023-ի գործընկեր (լուսանարներ)
- 5 նոր գիրք, 5 նոր հեղինակ, որ Newmag-ը կներկայացնի Ձմեռային փառատոնին