7 փաստ 1990-ականների քաղաքագիտական մտքի ամենավառ դեմքերից՝ Տիգրան Հայրապետյանի մասին (տեսանյութ)

1. Տիգրան Հայրապետյանն իր հրապարակումները ստորագրում էր նաև Արթուր ՕՎԻ մականունով։ Դա նրա հոր և պապի անունների միքսն է։ Հորը՝ Արտյուշային, Արթուր էին ասում, Օվին էլ պապն էր՝ Հովհաննեսը։ Այստեղից էլ՝ Արթուր Օվի։

2. Գործընկերներն ու ընկերները պնդում են, որ Տիգրան Հայրապետյանն անկախ  Հայաստանի առաջին խոշոր քաղաքագետն էր։ Այն ժամանակ հայոց լեզուն չուներ քաղաքագիտական բառապաշար։ Տիգրան Հայրապետյանը շրջանառության մեջ էր դնում քաղաքագիտական հայերեն նոր տերմիններ՝ ստեղծելով մասնագիտական բառարան, որից հիմա օգտվում ենք։

3. Տիգրան Հայրապետյանն առաջինն էր, որ քննարկեց կոմպլեմենտարիզմի գաղափարը՝ հետազոտելով մերձավորարևելյան զարգացումները։ Կոմպլեմենտարիզմը Մերձավոր Արևելքի համատեքստում այն էր, որ արաբական երկրները կարողանում էին պանիսլամիզմից անցնցումանցում կատարել պանարաբիզմի։ Մեկը մյուսին փոխլրացնում էր։ Նա փորձում էր նույն գաղափարը կիրառելի դարձնել Հայաստանի համար։

4. Մխիթար Սեբաստացի կրթահամալիրի գրադարանը 2005 թվականից Տիգրան Հայրապետյանի անունով է։ Այն բացվել է ու անխափան գործում է Աշոտ Բլեյանի նախաձեռնությամբ։

5. Մխիթար Սեբաստացի կրթահամալիրում 17 տարի անընդմեջ ու պարբերաբար անցկացվում է «Տիգրան Հայրապետյան» մրցանակաբաշխությունը։ Մրցանակակիրներ են դառնում նոր գաղափարներով ու նախաձեռնություններով աչքի ընկած սաները, քաղաքական-վերլուծական հոդվածների հեղինակները։ Մրցանակակիրները ստանում են պատվոգիր և գումար։ Կրթահամալիրում ամեն տարի անցկացվում նաև տիգրան հայրապետյանական օրեր։

6. Տիգրան Հայրապետյանի մահից մեկ տարի անց՝ 2000 թվականին, հուշատախտակ է բացվել այն շենքի պատին, որտեղ ապրել է վերլուծաբանը՝  Երևանի Բագրատունյաց 10 հասցեում։ Հուշատախտակի վրա  փորագրված է  «Մի փնտրեք ողջերին մեռյալների մեջ»աստվածաշնչյան պատվիրանը, որը սիրում էր կրկնել Տիգրան Հայրապետյանը։

7. Տիգրան Հայրապետյանը սիրում էր լսել ДДТ ռոք-խմբի ստեղծագործությունները։

Կարդացեք նաև

• Newmag-ը ներկայացնում է Տիգրան Հայրապետյանի «Պատերազմ և քաղաքականություն» գիրքը. Նրա ծննդյան օրը կլինի գրքի շնորհանդես, պանելային քննարկում և մրցանակաբաշխություն (թրեյլեր)
• Ֆոտոռեպորտաժ՝ Տիգրան Հայրապետյանի «Պատերազմ եւ քաղաքականություն» գրքի շնորհանդեսից
• Մեծ հանդիսավորությամբ տեղի ունեցավ Տիգրան Հայրապետյանի «Պատերազմ և քաղաքականություն» գրքի շնորհանդեսը (տեսանյութ, լուսանկաներ)
• Խաբեությանը կուլ գնացող ժողովուրդը ոչ թե զոհ է, այլ մեղսակից՝ քաղաքագիտական սուր մտքեր Տիգրան Հայրապետյանից (տեսանյութ)​
• Քաղաքագետներն ու խմբագիրները՝ անկախ Հայաստանի եզակի քաղաքագետ Տիրգրան Հայրապետյանի մասին (տեսանյութ)
• Տիգրան Հայրապետյան. պիտի լինենք ժողովրդավարական երկիր, չլինենք՝ կստիպեն (տեսանյութ)
• «Պատերազմ և քաղաքականություն» գրքին անհամբեր սպասել է հեղինակի մայրը (տեսանյութ)