Newmag Summer Fest-ին տեղի կունենա 44-օրյա պատերազմին նվիրված «Փոթորիկ Կովկասում» փորձագիտական հետազոտությունների գրքի շնորհանդեսը(թրեյլեր)

2018-ին Ռազմավարությունների և տեխնոլոգիաների վերլուծության կենտրոնը հրապարակեց «Փոթորկի սպասումով. Հարավային Կովկաս» հետազոտությունը՝  Լեռնային Ղարաբաղի շուրջ հակամարտության վիճակի և հեռանկարի վերաբերյալ։ Աշխատանքում ներկայացված էին Հարավային Կովկասի առանցքային խաղացողները և Ռուսաստանի ու Թուրքիայի քաղաքական բարդ հարաբերությունները, վերահաս ռիսկերն ու սպառնալիքները: Այդ ժողովածուին հաջորդեց «Փոթորիկ Կովկասում» աշխատությունը, որի հայերեն թարգմանությունը ներկայացնում է Newmag-ը:

«Փոթորիկ Կովկասում» գիրքը միջազգային փորձագետների թիմային աշխատանքի արդյունք է, որն ի մի է բերել Ռազմավարությունների և տեխնոլոգիաների վերլուծության կենտրոնի տնօրեն Ռուսլան Պուխովը։ Յուրաքանչյուր հոդվածի հեղինակ խոսում է իր անունից կամ իր երկրի շահերի տեսանկյունից։ Առանձին անդրադարձ կա Հայաստանի ղեկավարության քայլերին, որոնք չկատարվեցին, և որոնց վերաբերող հարցերը դեռ հնչում են։  

Աշխատությունում պատերազմի բոլոր կողմերն իրենց տեսանկյունից ներկայացնող տարբեր երկրների փորձագետների հոդվածների ժողովածուն հնարավորություն է տալիս ստանալ բավական ամբողջական պատկեր 44-օրյա պատերազմի վերաբերյալ: Ըստ հեղինակների, բոլոր ուղղակի և անուղղակի մասնակիցները՝ բացառությամբ հայկական կողմի, օգուտ են քաղել բացված «հնարավորությունների պատուհանից»։ 

«Փոթորիկ Կովկասում» գիրքն օգտակար նյութ է հատկապես  ռազմական փորձագետների, քաղաքագետների, լրագրողների՝ բոլոր նրանց համար, որոնք մասնագիտորեն զբաղվում են ազգային և ռազմական անվտանգության խնդիրներով, ինչպես նաև՝ բարձրագույն ռազմական ուսումնական հաստատությունների կուրսանտների, բուհերի ուսանողների և ասպիրանտների համար։ Գիրքը Newmag-ը ներկայացնում է «Օրակուլ» հայ-ռուսական մատենաշարի շրջանակում:

Newmag Summer Fest-ին սպասվող նոր գրքերը 

• Տեղի կունենա «Մարդիկ և մեքենաները» գրքի «Люди и машины» ռուսերեն հրատարակության շնորհանդեսը 
• Տեղի կունենա բուլղարական գրական հայտնության՝ Գեորգի Գոսպոդինովի «Տրտմության ֆիզիկան» գրքի շնորհանդեսը
• Newmag Summer Fest-ին տեղի կունենա իսպանացի ամենահայտնի գրող Ֆերնանդո Արամբուրուի «Հայրենիք» էպիկական վեպի շնորհանդեսը (թրեյլեր)

Գրքի թարգմանիչը լրագրող, Սիվիլնեթի ղեկավար Կարեն Հարությունյանն է։ Գիրքը հրատարակվել է Թուֆենկյան հիմնադրամի աջակցությամբ։  

Գրքի շնորհանդեսը տեղի կունենա Newmag Summer Fest-ին, հուլիսի 16-ին, ժամը 13:00-ին, Երազ այգու Ground Hall սրահում:

Փառատոնի մասին կարդացեք նաև

• Ամառային փառատոնի գլխավոր մրցույթը! Լավագույն ընթերցողը կստանա Newmag Reader’s Prize մրցանակը (տեսանյութ)
• Newmag Summer Fest-ի գլխավոր հովանավորը Evocabank-ն է (լուսանկարներ)
• Ամառվա ամենագրքային փառատոնի գլխավոր հովանավորը Ucom ընկերությունն է(լուսանկարներ)
• Newmag Summer Fest-ին ուղիղ կեսօրին կսկսվի մանկական հագեցած ծրագիրը
• Հայաստանի ամերիկյան համալսարանի գերհագեցած ծրագիրը՝ Newmag Summer Fest-ին (լուսանկարներ)